Vikan - 04.02.1965, Blaðsíða 7

hreinir smámunir á móti því að
verða fundinn meðsekur í stór-
kostlegu ráni. Hann mundi að
sjálfsögðu aldrei láta pína sig til
þess á fyrrnefndum forsendum.
Annars var margt gott í þessu.
Sherlock.
---------Má vera, Sherlock, en
Thran er bara svona einkenni-
lega gerður.
Kæri Póstur!
Jæja, þá hafið þið bent á lausn-
ina á handritamálinu og nú vant-
ar bara einhverja vaska drengi,
eða hvað? Ég hef heyrt að sum-
ir dáist að þessu og aðrir
hneykslist. Það.er eins og geng-
ur. Fyrir mér er þetta aðallega
saklaust gaman. En er það rétt,
að sögupersónurnar og þá sér-
staklega kaupmaðurinn, eigi að
standa fyrir einhverjar ákveðn-
ar persónur hér heima?
Grandvar.
— — — Nei, við höfum ekki
sniðið þessar persónur eftir neinu
sérstöku fólki. Sú tilgáta er alveg
út I bláinn.
VIRKIÐ SEM ALDREI GLEYMIST.
Kæri Póstur!
Ég fékk bók í jólagjöf, sem
heitir „Árin, sem aldrei gleym-
ast“, og hef verið að lesa hana
að undanförnu. En mér finnst
eins og ég kannist við flestallt
sem þar er sagt og man ekki bet-
ur en ég hafi lesið það í bók sem
heitir „Virkið í norðri“ eftir sama
höfund. Auk þess hef ég lesið
eitthvað af þessu í greinum í
Vikunni ■— líka eftir sama höf-
und og ég man nú reyndar ekki
betur en þær væru svo til skrif-
aðar upp úr „Virkinu í norðri".
Segið mér, er hægt að halda enda-
laust áfram að þvæla um sama
efnið afturábak og áfram og
plata fólk til að kaupa það und-
ir nýjum bókarheitum. Ég segi
fyrir mig, að mér finnst þetta
stríðsáraþras vera búið að ganga
sér til húðar og hana nú.
Klængur Klængsson.
---------Nei, nei, Klængur. Það
er misskilningur. Það er hægt að
skrifa þó nokkrar bækur enn um
þetta efni. Ein gæti heitið „Árin
í norðri", önnur gæti heitið
„Virkið sem aldrei gleymist" og
svo mætti koma með viðhafnar-
útgáfu í skinnbandi, sem bæri
heitið „Virkisárin i norðri sem
aldrei gleymast."
ÓF/ERÐ ER MATSATRIÐI.
Kæra Vika!
Ég er einn þeirra ólánssömu
manna, sem á heima ofarlega á
Lækjarbotnaleið, og á alveg und-
ir SVR með alla aðdrætti til
heimilisins. Það er nú svo með
okkur, sem eigum heima svona
nærri borginni, að við verzlum
yfirleitt eftir hendinni og verð-
um að fara ansi þétt í bæinn til
að kaupa mjólk og mat. En það
má ekki koma bylgúsa, til þess
að strætisvagnarnir telji ófært
og felli niður ferðir heilu og
hálfu dagana, þótt í útvarpstil-
kynningum segi, að litlum bílum
með keðjur sé fært alla leið á
Selfoss. Hjá SVR segja þeir bara,
að vagninn þoli ekki ófærðina
og komist ekki, og svo megum
við bara sitja yfir svörtu kaffi,
þar til búið er að hefla hvert
snjókorn af veginum. Ég veit
ekki betur en að Lækjarbotna-
leið sé sérleyfi, og einhverjar
skyldur hlýtur sérleyfishafinn
að hafa -— að minnsta kosti hef-
ur hann réttindi, því austanfjalls-
bílunum, sem voru svo liprir og
almennilegir að lofa okkur að
fljóta með, hefur verið bannað
að taka okkur. Og ekki getur
verið tap á leiðinni, því vagninn
er oftast troðfullur mestan hluta
leiðarinnar, þótt yfir vetrartím-
ann sé kannski farið að fækka
í honum, þegar kemur upp undir
Lækjarbotna. Höfum við ekki
rétt til að krefjast þess, að sér-
leyfið haldi uppi ferðum fyrir
okkur, að minnsta kosti meðan
sérleyfisbílar, sem fara austur
fyrir fjall, halda uppi sinni áætl-
un, og það meira að segja yfir
heiðina?
------—- Ég þekki að vísu ekki
sérleyfislögin út i æsar, en ég
held að ég fari örugglega rétt
með það, að sérleyfishafi sé
skyldur að sjá farþegum sínum
fyrir fari á auglýstum áætlunar-
timum, er ófærð hamlar ekki.
Það er náttúrlega matsatriði,
hvenær telst ófært, en á þeim
leiðum, sem samkeppni er ein-
hver um fólksflutninga — með
skipum eða flugvélum -— virðist
seint svo ófært, að ekki sé hægt
að halda uppi einhverri áætlun.
Mér finnst að notendur Lækjar-
botnavagnsins ættu að stofna til
fundar og ræða málið, og bera
það siðan undir póststjórnina, ef
þeir þykjast órétti beittir.
Norska
Dala-garnið

Tízknpeysai í ár
ER PRJÖNUÐ ÚR DALA-GARNI.
HEILO -4- ÞRÁÐA.
FASAN SPORTGARN -6- ÞRÁÐA.
DALA-GARNIÐ ER GÆÐA VARA.
MÖLVARIÐ - HLEYPUR EKKI - LITEKTA
OG HNÖKRAR EKKI.
MJÖG FJÖLBREYTT LITAÚRVAL.
TUGIR MYNSTRA FÁANLEG.
ÞESS VEGNA VELJIÐ ÞER AÐEINS
DALA-GARNIÐ TIL AÐ PRJÖNA ÚR.
DALA-GARNIÐ FÆST UM ALLT LAND.
DALA-UMBOÐIÐ
VIKAN 5. tbl. rj