Vikan - 11.02.1965, Blaðsíða 7
inni og myndunum, sem birtar
voru henni til fulltingis. Þar með
var ekki sagt að Vikan mundi
eilíflega halda áfram að klifa á
þessu máli, enda yrði það leiði-
gjamt til lengdar. Sumt af þessu
óhrjálega kofadóti hefur verið
rifið síðan greinin birtist, en ekki
eru öll kaun gróin enn.
SLÆÐINGUR Á BÆNUM.
Kæra Vika!
Héðan er allt sæmilegt að
frétta. Ég hef fengið Vikuna með
skilum. Þó amar eitt að hér á
bænum, sem ég vildi gjarna bera
undir ykkur af því þessi fjári
hefur verið að ágerast í seinni
tíð. Það er einhver slæðingur í
bænum, sérstaklega að nætur-
lagi, svo fólkinu er ekki alltaf
svefnsamt. Við höfum nú verið
tiltölulega laus við draugatrú hér
á þessum bæ og ekki myrkfælin
meira en annað fólk. En nú ger-
ist það hvað eftir annað að mað-
ur hrekkur upp um miðjar næt-
ur við það, að barið er óþyrmi-
lega að dyrum eða líkt og dreg-
ið eitthvað eftir þekjunni. Þá tók
út yfir eina nóttina þegar kon-
an fékk hreint ekki nokkurn
svefnfrið. Það var sífellt svipt
ofan af henni sænginni um leið
og hún festi blundinn og sæng-
in var látin fljúga hreint yfir
þvera baðstofuna. Þá lá nú við
að mér rynni í skap og ég fór
framúr og hundskammaði þenn-
an skolla, en það virtist ekki
hrífa. Manni leiðist að þurfa að
eiga í útistöðum við eitthvað
sem ekki sést og svo þarf ekki
að því að spyrja, að krakkarnir
eru orðnir taugaveiklaðir og sí-
hræddir. Segið mér, hvað gerir
maður við soddan nokkuð?
Jón Mikjálsson, Knarrarkoti.
•— -----Að gefnu fordæmi teldi
ég það helzt ráð, að leita til Sál-
arrannsóknafélagsins og séra
Sveins Víkings, Hér áður fyrr
þótti líka vel hrífa að stökkva
víguð vatni á alla hluti og hús-
ið innan og utan, eða skvetta
úr koppunum. Hið síðarnefnda
var oft meira krassandi. Annars
skaltu líka athuga vel, hvort
nokkurs staðar getur hafa verið
raskað við jarðneskum leifum
einhvers, og sé svo, þá að fá
prest til að syngja yfir þeim að
nýju. Það getur stundum verið
gagn að prestunum.
KIRKJUFERÐIR TIL AFSLÖPPUNAR.
Kæra Vika!
Þakka þér fyrir allt gott, sér-
staklega þáttinn „Síðan síðast“,
sem er mjög góður og ber af
öllum sambærilegum samtínings-
þáttum í íslenzkum blöðum. Ann-
ars var það ekki erindið. Ég hef
orðið að þola sitt af hverju um
dagana og taugarnar eru kannski
ekki sem beztar. Stundum hef
ég reynt að liggja í rúminu,
stundum farið inn á öræfi og nú
í seinni tíð jafnvel til útlanda
og dvalizt þar á rólegum stöðum.
En allt hefur komið fyrir ekki
og ég hef ekki hvílzt að ráði við
þessar aðgerðir né batnað á taug-
um. Svo var það einhverntíma
í vetur, að gömul kona ráðlagði
mér að fara í kirkju. Ég var ekki
vön því, en gerði það fyrir henn-
ar orð. Síðan hef ég gert það
á hverjum sunnudegi og jafnvel
oft um hátíðarnar. Þar hef ég
fundið þá fullkomnu afslöppun,
sem ég hef alltaf verið að leita
að og ekki fundið. Stundum er
það ágætt, sem prestarnir segja
og söngurinn verkar vel á mig.
En fyrst og fremst er það stemn-
ingin og friðurinn í kirkjunni,
sem hefur þessi áhrif. Mér datt
í hug, að koma þessu á fram-
færi, vegna þess, að ég veit að
margir eiga erfitt með að slappa
af á þessum síðustu tímum.
Gróa.
BÚNAÐARBLAÐIÐ.
Kæra Vika!
Ég þakka þér kærlega fyrir
allt þitt ágæta efni. Ég er ný-
lega orðinn áskrifandi að þér og
hef ekki hugsað mér að hætta
að kaupa þig. Ég fæ Búnaðar-
blaðið líka, en nú langar mig
til að fá að vita, hvort ekki er
hægt að fá fyrstu árgangana af
Búnaðarblaðinu og hvað þeir
muni kosta.
Svo óska ég þér velfarnaðar
á komandi tímum.
Jón P.
-----— Því miður þá er enginn
árgangur til „komplett“ hjá af-
greiðslunni, og vantar blöð inn í
hingað og þangað. Mikið er samt
til að árgöngunum 1962, 1963 og
1964. Árgangurinn kostar kr.
150,00 mínus 10 krónur fyrir
hvert blað sem vantar.
I LILfUU l
I LILUU l
] LILUU 1
i LILUU 1
GERA ERFIÐA DAGA LÉTTA
Fást f verzlunum um land allt