Vikan - 11.02.1965, Blaðsíða 25

1951
•O- Elín ásamt elginmanni sínum, Guðmundi Árnasyni, tanniækni, og börnin,
Sæbjörn, Árni og Hildur.
Nítján ára stúlka í Menntaskólanum var haldin mikilli útþrá, en hafði lítil
auraráð og vildi næstum allt til vinna að komast til Kaupmannahafnar, drauma-
borgarinnar, sem svo miklar sögur fóru af.
Svo mikil var löngunin, að hún ákvað að leggja það á sig, að koma fram
á leiksviðinu í Tívolí, skelkuð, dauðfeimin og skjálfandi af kulda, í þeirri von,
að vinna til hálfs mánaðar dvalar í borginni við sundið.
Hún var svo feimin og hrædd við þetta uppátæki sitt, að hún þorði ekki
einu sinni að segja frá því heima hjá sér, heldur sagði með uppgerðar kæru-
leysi, þegar hún fór út um kvöldið, að hún ætlaði að skreppa út í Tívolí til
að horfa á keppnina. Þetta sagði hún við systur sína, en móðir hennar var
ekki í bænum þann dag.
Svo varð hún fvrir valinu þá um kvöldið, og læddist heim til sín ánægð —
en dálítið skömmustuleg vegna tiltækisins. Sagði samt engum frá!
Strax morguninn eftir fóru að berast blóm til hennar og systir hennar skildi
ekki neitt í neinu, þangað til hún hafði sannleikann út úr henni. ,,Hún ætlaði
sko að springa," sagði Elín Sæbjörnsdóttir. Og svo kom mamma hennar heim,
þegar allt var orðið fullt af blómum. Það fyrsta, sem henni datt í hug, var
að Elin hefði nú allt í einu tekið upp á því að gifta sig. En þegar hún frétti
sannleikann, sagði hún, að af tvennu illu, hefði þetta þó verið betra ... I
Síðan fór Elín til Kaupmannahafnar og skemmti sér lítið, og lengi eftir að
hún kom heim aftur, þorði hún varla út nema í mykri og læddist þá með
veggjum. Hún tók svo stúdentspróf 1952, um leið og kærastinn hennar,
Guðmundur Árnason, sem síðar varð tannlreknir og eiginmaður Elínar. Þau
giftu sig 1953 og eiga nú þrjú börn, Hildi, 11 ára, Árna, 8 ára, og Sæbjörn,
þriggja ára.
Elín hefur unnið í Útvegsbankanum, þar til fyrir fjórum árum siðan, enda
var Guðmundur við tannlæknanámið á meðan.
„Þetta var eins og hvert annað happdrætti," segir Elín, ,,eða þannig tók
ég það að minnsta kosti. Ég var heppin og vann, en varð fyrir vonbrigðum
með vinninginn."
<) Elín Sæbjörnsdóttir. Myndin er tekin 1951.
STALST í KEPPNINA