Vikan - 11.02.1965, Blaðsíða 31

I’

SIGRÍDUR GEIRSDÓTTIR 1959
ÓBUNDIN ENNÞÁ
Á 10. hæð í nýbyggðu 18 hæða stórhýsi á horni 78 götu og annars breiðstrætis í New York,
býr íslenzka fegurðardrottningin 1959, Sigríður Geirsdóttir, ásamt systur sinni, Birnu.
Sigríður heitir að vísu ekki því nafni þar vestra, heldur nefnir hún sig Sirry Geirs, sem fellur
betur í munni þarlendra. það er nauðsynlegt allra hluta vegna, að auðvelt sé að bera fram —
og muna — nöfn Iistafólks, sem kemur fram í siónvarpi eða kvikmyndum, því eins og kunnugt er,
þá felst sigur listamannsins eð miklu leyti í auglýsingum, hvað sem tautar og raular.
Núna síðastliðin jól, var mannmargt á heimili Sirrýar, og kom sér vel að íbúðin er stór og
rúmgóð. Þar voru, auk þeirra tveggia systranna, þriðja systirin, Anna, sem býr í Hollywood og vinn-
ur þar í kvikmyndum, og foreldrar þeirra, Geir Stefánsson, forstjóri, og Birna Hjaltested.
Af skiljanlegum ástæðum var ekki hægt um vik fyrir VIKUNA að hafa beint samband við Sirry,
en foreldrar hennar gátu frætt okkur um hagi hennar og framtíðaráform.
Sirry hefur lífið breytzt, nema hvað hún hefur þroskazt og orðið enn fegurri og kvenlegri en
þegar hún var kjörin fegurst kvenna hér á landi. Eins og kunnugt er, hafði hún hlotið góða
menntun, var stúdent frá Menntaskólanum í Reykjavík, hafði dvalizt langdvölum í Svíþjóð og víð-
ar, numið frönsku i Paris, og eftir sigurinn hér heima, ferðaðist hún mjög víða um heim, sem sýn-
ingarstúlka. Hún hefur þannig bæði menntun og reynslu til að koma sér vel áfram hvar sem er í
heiminum. Þannig hefur reynslan líka orðið, því hún hefur af því góðar tekjur að auglýsa ýmsar
vörur i sjónvarpi (Commercial T.V.). Jafnframt vinnunni stundar hún nám við leikskóla og í söng,
sem hún hefur áhuga á, og unir vel hag sínum. Sirry hefur ekki neinum bundizt ytra, svo vitað sé.
Myndin hér til vinstri er mjög nýleg, tekin í
Bandaríkjunum. — Hér fyrir ofan er Sigríður að
kveðja. Hjá henni standa Einar A. Jónsson og
Magnús Guðmundsson, fiugstjóri.
Keppnin 1959, en fyrir neðan andlitsmynd af
Sirrý, tekin um líkt leyti.