Vikan - 26.05.1965, Blaðsíða 23
sól allan daginn, nema eimi
sinni, og þá aðeins í eina sek-
úndu eða svo. Svo ef Blake sá
sólina i hári Lady Jane, hlýtur
klukkan að hafa verið hálf fjög-
ur, því það var í eina skiptiff,
sem Lacy og Lady Gwen hefðu
getað séð hvað klukkan var á
sólskífunni i garðinum. Annie
tók sér málhvíld til að draga
andann. — Undirforingi, sagði
hún svo. — Þér skiljið þetta,
er það ekki?
•— Ætli það ekki, sagði undir-
foringinn með hálfkæfðri röddu.
— Nema — ja, það gæti svosem
hafa glytt í sólina einhvern
annan tíma líka, án þess að
nokkur tæki eftir því.
Annie lét fallast aftur að sófa-
bakinu. — Auðvitað ekki, sagði
hún vonleysislega.
— En hversvegna? spurði
undirforinginn.
Ujndirforinginn gaut augun-
um á Charley. — Hversvegna?
spurði hann þráalega. — Hvers
vegna? Segið mér bara hvers-
vegna, það er allt og sumt!
— Undirforingi, sagði Annie
með hættulegri ró. — Verið ekki
fáránlegur. Sólin gat ekki skin-
ið í annan tíma — það væri
bara ekki réttlátt.
Það var löng þögn meðan
undirforinginn strauk rakann
hægt utan af glasinu sínu með
þumalfingrinum. Að lokum leit
Charley upp og sagði: — Kann-
ske, sagði hann glaðlega. —
Kannske þeir myrði öðruvisi í
Englandi.
— Já, sagði undirforinginn,
— þeir hafa svo strangar reglur.
Hann leit á Annie. — Sjáið þér
nú til, unga kona. í tuttugu ára
starfi mínu i lögreglunni hef ég
aldrei rekizt á eina einustu sól-
skífu í neinu máli, sem ég hef
unnið að eða heyrt um. Og jörð-
in heldur áfram að snúast á sama
hátt, hvort heldur er nú eða fyrir
þrjú hundruð árum. Ég skal
segja yður hvernig morð í raun
og veru gerast: Einn fær liögg í
hausinn, annar er stunginn með
hnif eða skotinn með byssu.
Endrum og eins eru menn drepn-
ir á eitri. Sá sem morðið framdi,
reynir að koma sér undan og
við förum og leitum að lionum,
þangað til við finnum hann.
Það er allt og sumt í niu tilfell-
um af hverjum tíu. Sönnunar-
gögn og ábendingar. Já. Það er
stundum erfitt að finna það.
Auðvitað. En ég hef aldrei rek-
izt á eins fáránlegt sönnunar-
gagn og sólskífu eða fjarvistar-
sönnun, sem byggist á sekúndu-
broti i minni þeirra sem í hlut
eiga. Trúið mér til. Morð eru
næstum aldrei framin á sama hátt
og i leynilögreglusögunum og
fram úr morðgátunum er aldrei
ráðið á sama hátt og þér hafið
lesið yður til. Undirforinginn
þagnaði og saup á tómu glasinu.
— Glasið yðar, sagði Annie
blíðlega, — er tómt. Hún stóð
upp, losaði það varlega úr mátt-
vana höndum undirforingjans
og gekk fram í eldhúsið.
— Colhaus, sagði undirforing-
inn. — Ef....
-— Nei, sagði Charley. — Ann-
ie. En ég held að þú hafir haft
töluverð áhrif á hana.
— Ég myndi vilja hafa meiri
áhrif. Ég myndi vilja sýna henni
nú, undir eins og persónulega,
hvernig morð er framið.
Annie kom aftur með glas
undirforingjans og hringaði sig
svo upp i sófann. — Mér skilst
sem sagt á yður, undirforingi,
að hvert það sönnunargagn,
sem fer minna fyrir en alblóðugu
morðvopninu með fullkomnu
setti af fingraförum, sé varla
gaumur gefandi, vegna þess að
Undirforinginn greip fram í,
um leið og hann gretti sig og
skoðaði í glasið sitt. — Það er
skrýtið bragð af þessum drykk,
sagði hann.
— Er það? Súpið á aftur,
sagði Annie.
Undirforinginn saup á aftur.
— Það er ennþá skrýtið bragð.
— Ég veit það, sagði Annie
elskulega. — Ég setti salt í það.
Undirforinginn setti glasið
varlega frá sér.
— Salt? spurði hann með ógn-
þrunginni rósemi. — Hvers-
vegna?
— Til að sýna yður, að ef
þetta væri ekki salt, sagði Ann-
ie, — heldur tse tsum, væruð þér
nú dauður. Þér hefðuð dáið á
tveimur sekúndum.
— Sjáiff. .. .
— Ég skal ná i nýtt i glasið
yðar, flýtti Annie sér að segja.
— Ég vil ekki meir! Hvað á
þetta að þýða?
Annie leit i vörn af undirfor-
ingjanum á Charley og svo aftur
á undirforingjann. •— Þið eruð
báðir svo sniðugir, að ég ætlaði
að sýna ykkur svolítið. En þið
eruð ekki sniðugri en svo, að
þið gætuð báðir legið hér á
gólfinu núna, dauðir. Þegar tse-
tsum, sem er sjaldgæft frum-
skógaeitur, er notað, sýnir krufn-
ingin ekkert annað en hjarta-
bilun, svo að það er ekki hægt
að sanna neitt. Og þar að auki
myndi enginn gruna mig, vegna
þess, eins og þér voruð að út-
skýra rétt i þessu, að morð eru
aldrei framin á þennan hátt.
— Já, sagði undirforinginn
rólega. — Og hvar fáið þér þetta
sessum? í næsta apóteki?
— Það fæst ekki, sagði Ann-
ie kæruleysislega.
Undirforinginn dró djúpt and-
ann. Hann hélt áfram að anda
að sér með þöndum nasvængjum
eins og hann ætlaði að breyta
sjálfum sér í blöðru. Andlits-
litur hans breyttist úr rósbleiku
í mjög fallega appelsinugult, lit
eyðimerkursólarlagsins. Svo
hringdi síminn.
Framirald á bls. 37.
Bifreiðaeigendur
Athugið
Höfum aftur fyrirliggjandi hinn
þekkta (loftstýrisútbúnaS).
AIR - O - MATIC
sem hefur sannaS ágæti sitt á
þjóSvegum þessa lands, er á
allar gerSir bifreiSa, sem búnar
eru loftþjöppu
TRAUSTIR - ÖRYGGI - ÞÆGIiDI
Sendum gegn póstkröfu.
T. Hannesson & Co. h.f.
Umboðs- og heildverzlun
Brautarholti 20 - Sími 15935 og 15882
EITT FULLKOMNASTA VATNS-
KASSAVERKSTÆÐI LANDSINS
Bifreiðaeigendur: Latið athuga kælikerfi
bílsins fyrir sumarið.
Viðgerðir á vatnskössum.
Endurnýjum eliment.
Rennslisprófanir á vatnskössum.
Sjóðum óhreinindi úr elementum.
Tökum vatnskassa úr og setjum í.
Gufuþvoum mótora o.fl.
Eigum fyrirligjandi vatnskassa
í flestar tegundir bifreiða.
Eigum ávallt fyrirliggjandi hosur,
vatnsdælur, vatnslása o.fl.
BIFREIÐAVERKSTÆÐIÐ
Sfiimpill h.f
Grensasvegi 18. — Sími 37534.