Vikan - 03.06.1965, Blaðsíða 50
KVENSKÓR
eingöngu
KVENSKÓR
FILCLAIR gróðurhús og vermireitaplast hefur á örfáum árum rutt sér braut
um gjörvalla Evrópu. FILCLAIR er sérstök samsuða af plasti og nælon og
er því mjög sterkt.
Vaxtarhraði plantna undir FILCLAIR er talinn vera allt að 50% meiri en
undir gleri.
Engin hætta er á að plöntur skrælni undir FILCLAIR, því hið sérstaka græn-
leita plastefni útilokar brunageisla sólarinnar.
Gerið tilraun með FILCLAIR, sem skjólbelti eða yfir vermireit, og þér mun-
uð komast að raun um að árangurinn er undraverður. En beztan árangur
fáið þér með því að kaupa gróðurhús 6x3,75 m. hæð 185 cm. Slík hús ættu
að vera í hverjum garði í sveit og við sjó. Það getur borgað sig á einu sumri,
ef skynsamlega er að farið. Eitt slíkt gróðurhús er til sýnis að Bústaða-
bletti 23.
EINKAUMBOÐ:
Heíldverzlun Andrésar Guðnasonar
Hverflsgötu 72, Símar 16230, 20540.
gQ VXKAN 22. tbl.
Hann var fljótari en hún. Hann
hafði læst dyrunum og stungið
lyklinum í vasann áður en hún
gat tekið í handfangið. — Þú ferð
þegar ég leyfi þér að fara, ekki
fyrr, sagði hann og augu hans
skutu neistum. Þetta var
meira en Jeff Halden þoldi.
Áður en hún vissi hvað hún var
að gera, hafði hún slegið hann
ærlega utanundir.
Meðan þessu fór fram, hafði
Pat hresst sig upp, klöngrast und-
an moskítónetinu og- smeygt sér
í inniskóna. Nú kom hún fram
í svefnherbergisdyrnar um leið
og kinnhesturinn small. Það var
eins og hann hefði dunið á rétt-
lætisvitund hennar og virðingu
fyrir Anders Andersyni.
— Hæ hó, æpti hún. — Hættu
þessu! Hvað á það að þýða að
slá herramann? Hann má ekki
slá aftur! Allt í lagi! Ef þú vilt
slást, skaltu slást við mig.
Jeff snerist á hæl og starði á
Pat. Hún var ekki sem snyrti-
legust. Leit ekki eins vel út og
hún hefði getað. Heldur ekki
Jeff. Hár hennar var úfið eftir
ferðina í opnum bílnum, í aug-
um hennar var annarleg glóð og
blússan hafði dregist upp úr pils-
inu, í samskiptum hennar við
Anders. Eini mismunurinn var
sá, að Pat sveif í litlu skýi, sem
var blandað saman úr kampa-
víni, viskíi og svefnleysi, en Jeff
ekki.
— Slást? Við þig? Hver ert
þú, að ég ætti að slást við þig?
Lítilsvirðingar og ásökunar-
augnaráð Jeff sagði þetta svo
greinilega, að Pat fannst hún
heyra orðin.
—• Jæja, svo þú heldur að þú
sért of góð til að slást við mig?
æpti hún. — En þú ert ekki of
góð til að heimsækja herramenn
á heimili þeirra seint um nótt.
Þig langar til að verða hefðar-
kona, er það ekki? Þokkaleg
hefðarkona eða hitt þó heldur.
Spillt og dekruð, flugrík tr ....
— Hlustaðu ekki á hana, hún
er drukkin, sagði Anders.
— Þú ert drukkin, sagði Jeff
og hörfaði undan eins og andar-
dráttur Pat vær eitraður.
— Þá er ég full, sagði Pat og
stillti sér í dyrakarminn. — Allt
í lagi, ég er þá full. Og hvað þá?
Ég er ekki full, herra Anderson.
Ég segi það satt, ég er það ekki.
En ef ég hefði aldrei drukkið
neitt, hefði ég ekki verið nógu
djörf til að koma hingað. Charl-
ey sagði, að eina leiðin til að fá
það sem mann langar, væri að
bera sig eftir því. En til að bera
sig eftir hlutunum, þarf maður
einn eða tvo létta. Eða ég þarf
þess að minnsta kosti. Charley
sagðist skyldi aka mér hingað,
og það myndi koma yður þægi-
lega á óvart. Hann gaf mér
nokkra snafsa til að örva mig og
vinna á móti óheilnæmu lofts-
laginu ...
Allt í einu rann upp ljós fyrir
Anders. — Var það Charley, sem
kom þér til að fara hingað? Fyllti
hann þig upp af áfengi og ók
þér hingað út til Lombok? spurði
hann.
— Yessir, það var það sem
hann gerði. Raunverulegur vinur,
Anderson — honum þykir eins
vænt um þig eins og þú værir
hans eigin bróðir. Hann sagði
mér það sjáfur.
Framhald í næsta blaði.
Heklað barnateppi
Framhald af bls. 48.
það í gegn um 2 1. og aftur í
gegn um 2 1.
Keðjulykkja: Ein 1. á nálinni.
Dragið garnið upp í gegn um fit-
ina og áfram í gegn um lykkj
una, sem fyrir var á nálinni.
Hæfileg stærð teppisins verður,
að 5 stuðlasamstæður mæli um 5
sm.
Breytið annars nálar- eða gam-
grófleika þar til rétt hlutföll
nást.
Fitjið upp 127 loftl., snúið við
og heklið 1 umf. með fastahekli
(= 126 fastalykkjur) og endið
umf. með 3 loftl. til þess að snúa
við. Heklið síðan munstur.
1. umf.: Hekl. 3 stuðla í aðra
lykkju frá byrjun * sleppið 2 1.
og hekl. 3 stuðla í næstu lykkju.
Endurtakið frá * umferðina á
enda, og endið með 1 stuðul í
síðustu 1. og 1 1. til þess að snúa
við. 2. umf.: (Rétta teppisins)
Heklið 1 fastal. í 3. 1. frá byrj-
un, 2 loftl., 1 fastal. í fastal.
fyrri umferðar, * sleppið 2 1. og
heklið 1 fastal., 2 loftl. og 1 fastal.
í næstu lykkju. Endurtakið frá *
umf. á enda og endið með 1
fastal. í síðustu 1. umferðarinnar
og 3 loftl. til þess að snúa við.
3. umf.: Hekl. 3 stuðla í 1. loft-
lykkjuboga milli 2ja fastalykkna
3 stuðlar í næsta loftlykkju-
boga. Endurtakið frá * umferð-
ina á enda og endið með 1 stuð-
ul í síðustu 1. umferðarinnar og
1 loftl. til þess að snúa við. End-
urtakið 2. og 3. umf. og myndið
með því heilarmunstur teppisins
og þá stærð, sem æskileg þykir.
Endið með 3. munsturumferð og
síðan 1 umf. fastahekl eins og í
byrjun. Hekl. síðan 1 umf. fasta-
hekl frá réttu í kring um teppið
og síðan eina umf. með loft-
lykkjubogum: l fastal. * 3 loftl.,
sleppið 2 1. og hekl. 1 fastal. í
næstu 1. Endurtakið frá * um-
ferðina á enda. Ath. að á horn-
unum er vissara að sleppa 1 1. í
stað 2ja áður, svo ekki herpist.
Heklið aðra umf. í kring um
teppið með loftlykkjubogum.
Festið nú bogunum niður með
1 fastal. niður í boga fyrri um-
ferðar. Leggið teppið á þykkt
stykki, nælið form þess út með
títuprjónum, leggið raka klúta
yfir og látið þorna næturlangt.
Hnýtið að lokum 8 sm. langt
kögur í hvern loftlykkjuboga í
kring um teppið.