Vikan - 15.07.1965, Blaðsíða 7
ANNÁLL ALDARINNAR.
Hr ritstjóri.
Það hefur verið feitt á stykk-
inu í Vikunni að undanförnu.
Greinin um móttöku á útlendum
ferðamönnum á íslandi var
hreint afbragð og svo þakka ég
bæði Vikunni og Ólafi Hanssyni
fyrir Annál aldarinnar. Bæði
myndirnar og greinin voru eins
og bezt varð á kosið. Það má
gjama fljóta léttmeti með, þegar
maður á von á því að sjá svona
vel unnið efni öðru hvoru. Hvað
mig sjálfan snertir, þá hefði ég
viljað hafa Ragnar Jónsson í
Smára sem einn af mönnum ald-
arinnar, líklega helzt í staðinn
fyrir Alexander. Annars var ég
sammála.
Með beztu kveðjum,
Jóhannes Guðmundsson.
Kæra Vika!
Hvernig dettur ykkur annað eins
í hug. Að kalla Ólaf heitinn Frið-
riksson einn af mönnum aldar-
innar, en maður eins og Sigurð-
ur Nordal verður ekki einn af
þeim tíu hæstu. Þetta var nán-
ast hlægilegt.
J.K.S. Jökuldal.
Okkur hefur ekki dottið neitt
í hug, kæri J.K.S. Það voru tíu
þjóðkunnir menn, sem völdu
menn aldarinnar fyrir Vikuna.
Kæra Vika!
Ég náði ekki uppí nefið á mér,
þegar ég sá, að þið höfðuð kosið
kerlingu eins og Bríeti Bjarnhéð-
insdóttur meðal „manna aldarinn-
ar“, en Þórbergur Þórðarson, sem
óumdeilanlega hefði átt að vera
í hópnum, hann komst ekki á
blað að heitið gæti. Og Sigurð-
ur Nordal hefði átt að vera einn
af tíu fremur en Alexander Jó-
hannesson, þó hann hafi sjálf-
sagt verið mætur maður.
Sig. M. Kristjánss.
UPPBURÐARLEYSI.
Svar til Jónu Jóns.
Kæra Jóna, þetta er alls ekki
eins svart og það Iítur út fyrir að
vera. Pilturinn er bara svona af-
skaplega feiminn við þig. Feimni
er nokkuð, sem oft er erfitt að
yfirstíga og hún getur verkað
mjög niðurdrepandi á fólk. Farðu
samt ekki að minnast á það við
hann, að hann sé feiminn, feim-
ið fólk er oft mjög metnaðar-
gjamt og því er ákaflega annt
um heiður sinn. Það að hann
veigrar sér við að tala við þig,
þegar aðrir eru viðstaddir, staf-
ar eflaust af því, að hann er
hræddur við að glopra einhverju
út úr sér, sem gæti rýrt álit þitt
og annarra á honum. En hann er
áreiðanlega ekki hættur að hugsa
um þig, úr því að hann kom
strax og þú hringdir í hann.
Reyndu að yfirbuga þessa feimni
hans með því að tala frjálslega
og glaðlega við hann, hvort sem
aðrir heyra til eða ekki. Reyndu
að leiða talið að áhugamáium
hans eftir mætti. Ef hann er
íþróttamaður, talaðu þá um það,
þegar aðrir heyra til. Hafi hann
fengið góða einkunn á prófum,
reyndu þá að koma því að. Þetta
uppburðarleysi hans getur stafað
af minnimáttarkennd. Reyndu að
uppræta hana. Gangi þér vel.
ENGINN HLUSTAR.
Kæri Póstur!
Það er kannske ekkert mikið
vandamál, sem ég ber undir þig,
en ég kem nú samt með það. Þeg-
ar ég er með öðru fólki undir
ýmsum kringumstæðum, fer allt-
af á sömu leiðina, ef ég á að taka
þátt í samræðum. Það eru alltaf
hinir sem tala, en ég sit þögul
og hlusta á. Ef ég fæ einhvern
tímann löngun til að segja eitt-
hvað, drukknar það alltaf í há-
vaðanum frá hinum. Yfirleitt
leiðist mér aldrei í félagsskap
annarra, en stundum þykir mér
hálfvegis fyrir þessu. Af hverju
hlusta þau aldrei á mig?
Þögul.
Það er vandasöm list að halda
uppi skemmtilegum samræðum,
það á bæði við um þann, sem tal-
ar um allt og ekkert og hinn,
sem situr og segir ekki orð. Þú
segir, að þér þyki stundum fyrir
þessu. Það gæti verið skortur á
sjálfsáliti. En úr því að þetta er
ekkert sérstaklegt vandamál fyr-
ir þig og þér leiðist ekki að vera
innan um aðra, skaltu ekkert
vera að ergja þig yfir þessu og
leyfa skrafskjóðunum að mala
sitt. Það getur líka einmitt verið,
að þessi hæfileiki þinn til að
hlusta á aðra, geri það að verk-
um, að þú sért vinsæl af félögum
þínum.
Nútíma kona notar
Yardley fegrunarvörur
Yardley fegrunarvörur eru fram-
leiddar fyrir yður samkvæmt
nýjustu tækni og vísindum, eftir
margra ára rannsóknir og til-
raunir í rannsóknarstofum Yardl-
ey í London og New York,
Yardley veit að þess er vænst
af yður, sem nútíma konu, að
þér lítð sem bezt út, án tillits
til hvar þér eruð eða hvernig
yður líður.
Þess vegna býður Yardley yður
aðeins hin réttu andlitsvötn og
krem, hvernig svo sem húð yðar
er og Yardley tízkulitirnir í
varalitum, augnskuggum og
make up, sem fara yður bezt.
BIÐJIÐ UM YARDLEY í NÝJUSTU
PAKKNINGUNUM.
Innflytjandi GLÓBUS h.f.
VIKAN 28. tbl.
7