Vikan - 22.07.1965, Blaðsíða 9
Regiscope — mynd af andliti framseljenda og ávísuninni.
Ávísanaævintýramenn
á myndum
Ávísanir eru mjög þægilegur gjaldmiðill og hentugur í öllum meðför-
um. en tiltölulega fámenn stétt ávísana-ævintýramanna hafa gert þær
að gjaldmiðli, sem vekur tortryggni víðast þar sem þeim er hampað.
Hérlendis er þó ekki svo mikið um beina ávísanafölsun, þ.e.a.s. að menn
skrifi út ávísanir á reikninga, sem ekki eru til, með nöfnum, sem ekki
eru til, eða á reikninga sem aðrir eiga með fölsuðum undirskriftum, held-
ur mun algengasta tegund ávísana-ævintýramennsku hérlendis vera hin-
ir svonefndu gúmmíkarlar, sem gefa út gúmmítékka, þ.e.a.s. innstæðu-
lausar ávísanir á raunverulega reikninga með réttri undirskrift. En víða
erlendis er fyrri gerðin mikil vandræða stétt, og hefur verið gripið til
margvíslegra ráðstafana gegn henni. Eitt það nýjasta hjá þeim í London
er svokallað Regiscope, sem sett er upp við kassana í bankanum og helztu
verzlunum, og þegar einhver borgar með ávísun, tekur Regiscopið mynd
af þeim sem framselur ávísunina og ávísuninni. Og þetta er sagt hafa
dregið geysilega úr ávísanaævintýramennsku í þeirri borg.
V _______________________________________)
Kommúnisminn,
hvert fór hann?
Fram til sumarsins 1964 var sífellt verið að klifa á kommúnistahættunni
í Ameríku, og þá einkum í þeirri Latnesku Ameríku, en svo er Suður-
Ameríka gjarnan kölluð. Nú heyrist þessi hætta varla nefnd i Washingt-
on. Fidel Castro, sem einu sinni var versti óvinur frelsis og lýðræðislegs
stjórnarfars í þeirri heimsálfu Ameriku, heyrist ekki nefndur, frekar en
dauður væri. Og við snögg yfirlit yfir kommúnistahættuna í Latnesku
Ameríku, standa málin þannig:
Kúba er ennþá kommúnistaríki, en ekki lengur „smitandi". Það stafar
framar öllu öðru af þvi, að Kúbumenn eiga erfitt með að draga fram líf-
ið einir sjálfir, þrátt fyrir kommúnismann.
Venezuela hefur að engu gert þau hermdarverkasamtök kommúnista,
sem þar tii á síðasta ári gerðu Caracas að lífshættulegum stað.
Guatemala hefur orðið fyrir sprengjuofsóknum, sem eyðilagt hafa 23
bandarísk farartæki — og það er talinn tittlingaskítur og smámunir-
Paraguay telur að þar i landi séu kommúnistar, en ekki margir.
Honduras hefur kommúnista innan landamæranna, en þeir eru taldir
hættulausir.
En mikilvægast er þó það, að nýja stjórnin í Bralisíu hefur heppnazt
mætavel, að þrátt fyrir örðugt efnahagslíf hefur Argentína ekki smitazt,
og Mcxíkó, það stóra land, heldur stöðugt áfram sinni réttu þróun án
þess að kommúnisminn komi þar nokkurs staðar nærri. Og ekkl má
gleyma Chile, þar sem kommúnistarnir töpuðu siðustu kosningum, þrátt
fyrir efnilegt útlit fyrir þá. Og nú er spurt um alla Ameríku: Kommún-
istminn ... hvert fór hann?
Og á meðan framleiða hinir fáu vinJr Fidels Castros plasthausa í liki
foringjans og aðdáendur hans fá kollana keypta — með eða án húfu.
V _______________________________________________/
ifim
Veiðímenn!
Aldrei fyrr hafa svo
vandaðir veiðijakkar
verið fáanlegir hér á
landi.
Það bezta er þó aldrei
of gott.
Komið og sjáið.
Vinnufataliúðin
Laugavegi 76.
Sokkabúðin
Laugavegi 42 — Sími 13662.
KcmÍGT’S
fást hjá
okkur
Vegna sívaxandi eftir-
spurnar og til hagræðis
viðskiptavinum okkar
munum við kappkosta að
hafa ávallt allar
KANTERS vörur
á boðstólum.
VXKAN 29. tbl. Q