Vikan - 05.08.1965, Blaðsíða 7

Eru engin viðurlög, sem ná yfir
svona hegðun? Er ekki hægt að
kæra verzlunina fyrir þetta? í
það minnsta finnst mér, að verzl-
anir ættu að sjá sóma sinn í því
að hafa ekki svona fólk í þjón-
ustu sinni.
Reið móðir.
Þetta er hreint ekkert falleg
saga, en mun þó því miður ekk-
ert einsdæmi. Ég efast um, að
hægt sé að gera nokkuð í þessu
eins og málum er háttað, en von-
andi skammast viðkomandi sín,
þegar hann sér þetta og bætir
ráð sitt. Það er að sjálfsögðu allt-
af hægt að gera mistök, jafnt í
þessu starfi sem öðru, en vissu-
lega átti maðurinn að biðjast af-
sökunar á þessu. Ég myndi
stimpla hann sem rudda, og slíka
menn er ekki gott að hafa í þess-
um störfum. Dóttir þín þarf engu
að kvíða í þessu sambandi, það
er hún sem hefur hreina sam-
vizku, og segi hún kunningja-
fólkinu, hvemig í pottinn er bú-
ið, er það áreiðanlegt, að hún fær
heldur jákvætt en hitt út úr
þessu. Svo væri ekki úr vegi að
senda forstöðumanni þessarar
verzlunar línu og skýra honum
frá framkomu mannsins. Annars
þekki ég lítið dæmi, hvemig for-
stöðumenn einnar verzlunar
brugðust við, þegar svipað til-
felli kom fyrir í þeirri verzlun.
Ung hjón, sem voru að verzla,
voru kölluðu upp á skrifstofu,
og þegar í ljós kom að um mis-
skilning var að ræða, voru þau
margsamlega beðin afsökunar og
að lokum fékk konan nýja kápu
að gjöf frá verzluninni, en hann
fékk gæruskinnsúlpu. Þetta eru
heldur ólíkar móttökur eða dótt-
ir þín fékk, og ólíkt eftirbreytni-
verðari. En vafasamt er, að nokk-
uð þýði að kæra verzlunina þar
sem þig vantar vitni að því sem
fram fór í skrifstofunni.
VINALAUS.
Kæri póstur.
Reyndu nú að hjálpa mér í
vandræðum mínum. Ég er ein-
mana vesalingur, sem á enga vini,
en langar il að eignast þá. Getur
þú hjálpað mér?
M. G.
Ósköp er þetta eitthvað rauna-
legt hjá þér. Verst er bara að
vita ekki, hvort þú ert ungur eða
gamall, eða hvort þú ert drengur
eða stúlka. En ég þóttist geta
ráðið af rithöndinni, að þú sért
drengur og sá á póststimplinum,
að þú átt heima í Reykjavík. Það
er alls engin ástæða fyrir þig að
vera vinalaus, það finnast svo
margar leiðir til að afla sér vina.
Til dæmis er Æskulýðsráð
Reykjavíkur til húsa að Frí-
kirkjuvegi 11, og þar gætirðu
áreiðanlega fundið einhverja,
sem vildu vera vinir þínir. Svo
gætirðu gengið í eitthvert knatt-
spyrnuliðið, þar eru menn vana-
lega fljótir að kynnast. Ef þú hef-
ur áhuga fyrir bréfaviðskiptum,
geturðu fundið bréfavini bæði
hérlendis og utanlands í flestum
blöðum. Gangi þér vel.
FRÍMERKI.
Kæra Vika.
Mig langar til a8 leita ráða hjá
þér. Er nokkuð gefið fyrir frí-
merki, sem eru síðan 1912 eða
eldri? Ég á tvö dönsk merki, ann-
að, grænt með konungsmynd, 5
aura, og hitt brúnt 25 aura, og
svo á ég nokkur íslenzk merki
jafngömul.
Bless, ég kaupi altlaf Vikuna,
því að systir mín selur hana.
Guggi.
Það er bezt fyrir þig Guggi
minn að fara með þessi merki þín
til einhvers frímerkjakaupmanns,
eða að verða þér úti um verð-
lista, þar sem þú getur séð verð-
gildi hvers merkis. En ef þú safn-
ar frímerkjum er ekkert vit fyrir
þig að láta svona gömul merki,
kannske fyrir litinn pening. En
þú skalt ekki gera þér of háar
hugmyndir um verðgildi merkj-
anna, það getur verið, að þau séu
af algengri tegund og séu lítils
virði, þótt hið gagnstæða geti líka
verið fyrir hendi.
Okkur hafa borizt í hendur
þrjú bréf frá útlendingum, sem
vilja skrifast á við íslendinga.
Eitt er frá norskri stúlku, sem
vill skrifast á við pilta og stúlk-
ur 17—20 ára. Hún er 17 ára
sjálf og heimilisfangið er:
Marit Klakegg,
Förde i Sunnfjord,
Norge.
Nútíma kona notar
Yardley fegrunarvörur
Vardley fegrunarvörur eru fram-
leiddar fyrir yður samkvaemt
nýjustu tækni og vísindum, eftir
margra ára rannsóknir og til-
raunir í rannsóknarstofum Yardl-
ey í London og New York.
Yardley veit að þess er vænst
af yður, sem nútíma konu, að
þér lítð sem bezt út, án tillits
til hvar þér eruð eða hvernig
yður líður.
Þess vegna býður Yardley yður
aðeins hin réttu andlitsvötn og
krem, hvernig svo sem húð yðar
er og Yardley tízkul itirnir í
varalitum, augnskuggum og
make up, sem fara yður bezt.
BIÐJIÐ UM YARDLEY í NÝJUSTU
PAKKNINGUNUM.
Innflytjandi GLÓBUS h.f.
VIKAN 31. tbl. ij