Vikan - 05.08.1965, Blaðsíða 20
hægt að vera þar. Hann sagði
það allmikla vinnu að lialda í
horfinu svo stórum garði, sem
þau hjónin hafa og helzt þarf
eitthvað að grípa í það á hverj-
um degi og gæta þess að láta ekki
safnazt fyrir.
í þessu failega efnamanna-
hverfi i Beckenliam er talsverð-
ur kunningsskapur milli ná-
granna og jafnvel samgangur. Að
sumrinu eru haldin garð-partý,
þar sem nágrannarnir mæta og
skemmta sér saman. Þetta er
samstillt fóik og rólegt, sagði
Jóhann. En það er ekki skemmti-
stöðunum fyrir að fara þótt bær-
inn sé á stærð við Reykjavík.
Þar er eitt bíó og eitt samkomu-
hús. Ef fólk fer út að skemmta
sér, þá fer það í aðra borgar-
hluta, svo sem til Bromley eða
þá inn í borgina. Aftur á móti
eru til staðar annars konar stofn-
anir mönnum til ánægju svo sem
tennisklúbbar. Og skautahöll er
þar skammt frá. Jóhann fer
stundum með félögum sínum i
golf og með börnin á skauta —
jafnvel um hásumarið.
Lestin sem Jóhann fer með,
er um 20 mínútur inn á Victoria-
járnbrautarstöðina, en samtals er
hann um 45 minútur á leiðinni
Ástæðan fyrir því að hann fer
ekki á bíl, er ekki vegalengdin,
heldur bílastæðavandamálið inni
við miðbik borgarinnar.
Maria Teresa Gonsalves og Páll Heiðar Jónsson ásamt dóttur þeirra Maríu Jónínu Christie.
ViS Redcliff Street í London búa þau Maria-Teresa Gonsalves og Páll
HeiSar Jónsson. - Hún sunnan frá Canaríeyjum-Hann frá íslandi.
AU kynntust í London, Maria-Tlieresa Gon-
salves og Páll Heiðar Jónsson og mættust
á miðri leið; hún komin sunnan frá Can-
aríeyjum, þar sem fólk er talið í blóðheit-
ara lagi og engin furða undir þessari brenn-
andi sól ár og síð, — hann kominn norðan frá
fslandi. Síðan hafa þau mætzt á miðri leið í
hverju máli.
Maria-Teresa kom til London til þess að læra
hjúkrun og nú er hún útlærð lijúkrunarkona. Páll
réðist til starfa hjá Flugfélagi íslands í London
og var nýlega kominn utan, þegar fundum þeirra
Mariu-Theresu har saman, — á balli að sjálfsögðu.
Þar sá hann þessa bráðfallegu stúlku og bað um
dans. „Dansinum er ekki lokið enn,“ segir Maria.
Nú hafa þau verið gift i nærri tvö ár og giftu
sig raunar hér heima á íslandi. Síðan hafa þau
nokkrum sinnum verið á ferðinni hér og voru
það til dæmis, þegar þessar línur voru skrifaðar.
Þau eiga eina dóttur, ársgamla, sem heitir Maria
Jónina Christie, og nú hefur María-Theresa liætt
störfum sem hjúkrunarkona og tekið við hlutverki
húsmóðurinnar í Redcliff Street 9A. Það er í
vesturhluta Londonar. íhúðin er í kjallara, tveggja
herbergja og þau verða að borga sem svarar fjór-
um þúsundum í liusaleigu.
En þau ætla sér ekki að vera þar lengi. Páll
er farinn að líta í kringum sig eftir þriggja her-
bergja hæð eða þvi sem næst og ætlunin er að
ráðast í kaupin meb haustinu. Hann taldi að
þriggja herbergja liæð á sæmilegum stað,
mundi kosta sem svaraði 840 þúsund isl. krón-
um. En það þarf aðeins að hafa 10% eða 84
þúsund i staðgreiðslu. 90% af verðinu mundi
væntanlega vera liægt að fá að láni í sérstök-
um sparisjóðum, eða bulding societies, sem
borga hærri innlánsvexti en bankarnir. Þeir
lána til 135 ára og vextirnir eru 6%. Þetta
mundu þykja þvílík kjör á fslandi, að það
þætti svo sem ekki neitt að kaupa samanhorið
við ástandið eins og það er og hefur verið,
þegar það flokkast undir náð eða happdrætt-
isvinning að fá 25 jiúsund króna víxil til sex
mánaða. En eftir því sem Páll sagði, þá þarf
maður einungis að hafa áhyggjur af því að
skrapa saman tíunda lilutann í útborgun-
ina.
Á sunnudögum ganga þau sér til hressingar
og skemmtunar upp í Kensington-garðana með
dótturina. Annars sagði Páll, að megnið af
helgunum færi í að lesa sunnudagsblöðin, sem
eru mikil að vöxtum og Maria-Tlieresa kvart-
aði yfir því, að hann væri stundum helzt til
niðursokkinn í blöðin. Hún kvaðst ekki sakna
eyjanna sinna, sem þó liafa verið auglýstar
sem einskonar ferðamannaparadis. Hún sagði,
að það væri prýðilegt að koma þangað og
vera þar gestur, en hún kærði sig ekki um að
eiga þar heima.
Framhald á bls. 41.
2Q VIKAN 31. tbl.