Vikan - 05.08.1965, Blaðsíða 50
EGGERT KRISTJANSSON & CO HF
SlMI 11400
¥mi§leg:t g^ódgæti
Frönsk hrísgrjónakaka.
1 1. mjólk, 250 gr. hrísgrjón, 150 gr. sykur, sultaðir kökuávextir, vanillusykur,
2 eggjarauður, Vz glas romm. Glassúr: 2 dl. sykur, 3 matsk. sjóðandi vatn.
Sjóðið hrísgrjónin í mjólkinni. Bætið síðan sykrinum, vanillunni, eggjarauð-
unum og romminu í og síðast sultuðu ávöxtunum (má nota kokkteilber). Bræð-
ið sykurinn í glassúrinn á pönnu og hrærið í jiar til hann er jafn og ljósbrúnn.
Hellið þá sjóðandi vatninu í og hrærið þar til það er jafnt og slétt. Hellið sykr-
inum í formið, þannig að hann þekji það allt, líka brúnirnar. Setjið deigið í
formið og bakið í ca. 30 mín. í 250 gr. heitum ofni. Kakan borin fram köld.
Eplamarengs.
5 — 6 epli eru flysjuð og skorin í báta, síðan sett í velsmurt eldfast fat. Sykri,
kanel og negul stráð yfir og bræddu smjöri hellt á. Þakið mcð marengs úr 2
eggjahvítum og bakað i lítið heitum ofni (175 gr.) I u.þ.b. hálftíma. Hrákrem
borið með, en það er gert úr cggjarauðum og flórsykri og þeyttum rjóma.
Kínverkst ragú.
Yz kg. svínakjöt, 3 matsk. hakkaður laukur, svolítill hvítlaukur, tesk. timian,
1 tesk. sæt chilisósa, 3 matsk. kínversk soya, 3 dl. kjötsoð, 3 púrrur.
Svínakjötið skorið í litlar lengjur og steikt lauslega með lauknum í olíu. Hvít-
lauknum bætt í og öllu hinu og kjötsoðinu hellt yfir. Látið malla við lítinn hita
í 20 mín. Hafi kjötið verið skorið nógu smátt, ætti það að vera soðið á þeim
tíma. Púrrurnar skornar í sneiðar og settar í síðustu 5 mínúturnar. Jafnað að-
eins upp með hveitijafning. Laussoðin hrísgrjón borin með.
Góður smáréttur.
4 franskbrauðssneiðar, smjör eða smjörlíki, 1 Iaukur, 1 gulrót, 25 gr. smjör
cða smjörlíki, salt, % tesk. basilikum, 4 sneiðar hamborgarhryggur, grófrifin
piparrót.
Brauðsneiðarnar steiktar í smjörinu. Laukurinn saxaður og guiræturnar skorn-
ar í þunnar sneiðar og hvort tveggja brúnað lauslcga í smjörinu. Vilji það verða
of brúnt, má setja örlítið vatn í. Kryddað og lagt á brauðsneiðarnar. Hamborgar-
sneiðarnar Iagðar ofan á og efst rifna piparrótin.
Ungversk súpa.
1 stórt rautt piparhulstur, 1 grænt piparhulstur, 1 — 2 stórir laukar, 1 dl. hrís-
grjón, 2 matsk. smjör, 154 1. kjötsoð, svartur pipar, timían.
Skerið laukana í þunnar sneiðar og sjóðið þá um stund í smjörinu. Bætið
hrísgrjónunum í og látið þau aðeins brúnast við lítinn hita, hellið svo soðinu
yfir og látið sjóða í 10 mín. Skerið piparinn í þunnar lengjur og látið hann sjóða
með síðustu 15 mín. Súpuskálin þakin með rifnum osti um leið og súpan cr borin
fram.
Einfalt ávaxtasalat.
Kaupið Iitla dós af ananas í bitum og látið hana standa yfir nótt á köldum
stað í ísskápnum, þannig að ávextirnir verði ískaldir. Veiðið þá upp úr legin-
um, en látið ckki renna af þeim, skerið banana í sneiðar og blandið saman við.
Þeyttur rjómi borinn með, eða súrmjólk höfð út á.
gQ VIKAN 31. tbl.