Vikan - 09.12.1965, Blaðsíða 5

Ég vil halda því fram að eina
leiðin sem sé fær væri að þjappa
bændabýlunum saman á staði
sem eru bezt til þess fallnir að
landbúnaður sé stundaður. Þar
sem þá væri hægt að fullnægja
betur kröfum vélvæðingar í
landbúnaði og meðfædds félags-
lyndis landsbúa. Einnig væri með
minna tapi hægt að efla sam-
göngur með betri vegum eða ein-
teinungi. Því þó að aluminíum-
verksmiðja kæmi við Hafnarf jörð
er ég persónulega ekki viss um
að við hefðum efni á þeim miklu
fólksflutningum til Suð-Vestur-
lands sem af því stafaði.
Svo þakka ég fyrir hið góða
lesefni Vikunnar sem ber höfuð
og herðar yfir önnur vikublöð
og vona með ykkur, að hægt
verði hið bráðasta að fella niður
tollinn af góðum pappír, jafn-
framt því sem ég vona að „í
fullri alvöru“ haldi áfram að
skrifa um vandamál þjóðarinn-
ar.
Gáfnaljós.
Ég fæ ekki betur séð, en bæði
gáfnaljósin Iogi með svipaðri
birtu; geislamir falla kannski
ekki alveg saman, en mjög nærri
því. — Það væri einn af kostun-
um við að sveitafólk legði nið-
ur of kostnaðarsaman búskap og
flyttist í þéttbýlið — og vonandi
þá heldur ekki í þau þorp úti
á landi sem ekkert vit er í að
halda gangandi eins og málin
standa nú — að yfirborgana farg-
anið myndi minnka og þar með
sú fjárhagslega ofþensla, sem af
því hlýzt. Sömuleiðis myndi of-
framleiðsla mjólkurafurða lagast
af sjálfu sér og smjörfjallið góða
étast upp. Þegar eftirspurnin eft-
ir landbúnaðarafurðum verður
meiri en framboðið, hlýtur að
liggja í sjálfu sér, að búnaður
verður arðvænlegur og getur
staðið undir sér sjálfur, og þá
hafa menn alltaf einhver ráð með
stofnkostnaðinn. Við sjáum þess
dæmi í iðnaði, verzlun og sjávar-
útvegi, og hvers vegna þá ekki í
landbúnaði? Það er engin hætta
á, að fólksflóttinn úr sveitunum
yrði svo ör, að kaupa þyrfti
landbúnaðarvörur erlendis frá,
allra sízt mjólkurafurðir, svo
sjávarútvegur og iðnaður þarf
ekki að leggja gjaldeyri í það,
vegna þess að ef lögmálið um
framboð og eftirspurn er látið
ráða í lýðfrjálsu og haftalausu
þjóðfélagi, heldur það jafnvægi
af sjálfu sér. Mjólkurbú eru þeg-
ar orðin nógu mörg í bili og eng-
ar horfur á að þau leggist niður,
þótt hætt verði að beita kröft-
um við að halda jafnvægi í byggð
landsins, vegna þess að í kring-
um þau er hinn æskilegi þéttbýl-
iskjarni, sem fólkið flýr ekki. Og
þar skína saman okkar gáfnaljós:
Við viljum báðir láta þjappa
bændabýlunum saman á þá staði,
sem bezt eru fyrir landbúnað
fallnir, og það myndi verða út-
koman, þegar uppflosningar færu
aftur að búa, af því það væri
farið að borga sig.
S.H.H.
f FLOTTUM BÍL.
Kæri Póstur!
Þú sem hjálpar öllum. Nú lang-
ar mig til að biðja þig að hjálpa
mér.
Þannig er mál með vexti að ég
var í sumar með strák, en í haust
fór hann út á land að vinna.
Eftir að hann var farinn byrjaði
ég að vera með vini hans, og
er ennþá með honum. Ég er
ekkert hrifin af honum, það eina
er að hann á svo flottan bíl, en
aftur á móti er ég hrifin að
stráknum sem ég var með í sum-
ar. Um daginn komst ég að því
að ég er ófrísk og ég veit ekki
eftir hvorn.
Hvað á ég að gera, á ég að
segja þeim frá því, ég pr viss um
að þeir eru báðir hrifnir að mér,
sá fyrri skrifar mér alltaf, og
hann veit ekkert um að ég sé
með hinum.
P.S. Hvernig er skriftin?
Ein í rusli.
Ef þú hefur lagt lag þitt við bíl-
eigandann af því einu að hann
á flottan bíl, er ekki hægt að
hjálpa bér. Þá áttu ekki betra
skilið en vera ólétt út í loftið og
mátulegast væri á þig að þú eign-
aðist mótorhjól í fyllingu tímans.
■— Geturðu ekki fengið einhvern
þriðja sem á ennþá fínni bíl til
að feðra króann?
Skriftin gæti verið betri.
SVAR TIL UPPGEFINNAR.
Vertu öldungis róleg. Það er ekk-
ert hættulegt á leiðinni.
NILFISK
verndar gólfteppin -
því að hún hefur nægilegt sogafl og afburða
teppasogstykki, sem rennur mjúklega yfir
teppin, kemst undir lægstu húsgögn og
DJÚPHREINSAR jafnvel þykkstu teppi full-
komlega, þ.e. nær upp sandi, steinkornum,
glersalla og öðrum grófum óhreinindum, sem
berast inn, setjast djúpt í teppin, renna til,
þegar gengið er ó þeim, sarga undirvefnað-
inn og slíta þannig teppunum ótrúlega fljótt.
NILFISK slítur alls ekki teppunum, þar sem
hún hvorki burstar né bankar, en hreinsar
aðeins með rétt gerðu sogstykki og nægilegu
sogafli.
hreinsar hátt og lágt -
því henni fylgja fleiri og betri sog-
stykki, sem nó til ryksins, hvar sem
það sezt, fró gólfi til lofts, og auka-
lega fóst bónkústur, hárþurrka,
málningarsprauta, fatabursti o.m.fl.
þægilegri -
því hún hefur stillanlegt sogafl, hljóðan gang,
hentuga áhaldahillu, létta, lipra og sterka
slöngu, gúmmístuðara og gúmmíhjólavagn, sem
„eltir" vel, en hægt er að taka undan, t.d. í
stigum.
hreinlegri -
því tæmingin er 100% hreinleg og auðveld,
þar sem nota má jöfnum höndum tvo hreinleg-
ustu rykgeyma, sem þekkjast ( ryksugum, málm-
fötu eða pappfrspoka.
traustari —
því vandaðra teeki fæst ekki — það vita þær,
sem eiga NILFISK — og jafnvel langömmur, sem
fengu hana fyrir mörgum áratugum og nota
hana enn, geta ennþá fengið alla varahluti á
stundinni, því þá höfum við og önnumst við-
gerðir á eigin verkstæði. Gömlu NILFISK ryk-
sugurnar voru góðar, en þær nýju eru ennþá
betri.
NILFISK HEIMSINS BEZTA RYKSUGA!
Vegleg jólagjöf
- nytsöm og varanleg.
Sendum
um allt
land.
F
S í MI 2-44-20 - SUÐURGATA 10 - REYKJAVÍK
Undirrit. óskar að fá sendan NILFISK myndalista með upplýsingum
um verð og greiðsluskilmála.
Nafn: ....................................................................
Heimili:..................................................................
Til: FÖNIX S.F. Pósthólf 1421, Reykjavlk.
V-49
VIKAN 49. tbl. £