Vikan - 30.12.1965, Blaðsíða 51

Hvalveiöar
Stærsta dýrategund heims er smám
saman að deyja út. Sífellt fækkar
þeim þjóðum, sem stunda hvalveið-
ar, því að þær borga sig ekki leng-
ur. Hvalir eru brátt úr sögunni. Nú
á tímum eru aðeins þrjár þjóðir,
sem skipta fengnum á milli sín.
Japan, sem á 52% aflans, sem
veiðist, Noregur 28% og Sovétrlk-
in 20%. Á sínum tíma veiddust
rúmlega 50.000 hvalir árlega. Nú
er öldin önnur, á nýafstaðinni ver-
tíð var aflinn aðeins tæp 5000.
Brátt mun verða kölluð saman I
London nefnd til að fjalla um mál-
ið og búizt er við því, að hún láti
takmarka hvalveiðar, svo að stofn-
inn gangi ekki til þurrðar.
Sérfræðingar í hvalveiðibænum
Stavanger í Noregi segja, að afla-
magnið af bláhvö'um hafi minnkað
niður I 1000. Bláhvalurinn er
stærsta dýr jarðar:
Fyrir 1930 veiddist að meðaltali
28.000 b'.áhvalir árlega. Nú eru
þeir tímar löngu liðnir og einnig
eru aðrar hvaltegundir að deyja
út, bæði tannhvalir og skíðishval-
ir. Ef gengið verður svona á hval-
ina hér eftir sem hingað til mun
ekki líða á löngu, unz allur hvala-
stofn heims er til þurrðar genginn.
Japanir veiða hvali til manneldis
og Sovétríkin til vísindaþarfa. Norð-
menn eru orðnir þreyttir á að veiða
þann reyting, sem eftir er ( Suður-
íshafinu og hyggja á að leggja al-
gjörlega niður hvalveiðar í náinni
framtíð.