Vikan - 21.09.1967, Síða 16

VIÐTAL VIÐ KARL SIGHVATSSON
EFTIR
EYRflNU
Andpés Indriðason
Fpmskilwði il sanstarf sé gott -
et hliómsveitii ó að eó árimarí
MYNDIR: SIGURGEIR SIGURJÓNSSON.
Kari Sighvatsson er einn af þeim náungum,
sem ætla mætti að hefðu alið allan sinn aldur
í sviðsljósinu, Slíkir fuglar eru sannarlega sjald-
gæfir, a. m. k. hér á landi. Því miður verður það
að segjast, að margir okkar ágætu skemmti-
krafta eru eins og upptrekktar spiladósir. Það
er oft og tíðum engu líkara en að þeim dauð-
leiðist að þurfa að troða upp. En það er eitt-
hvað í fari Karls, þar sem hann stendur frammi
fyrir fimm þúsund áheyrendum — eins og átti
sér stað [ Húsafellsskógi um síðustu verzlunar-
mannahelgi — sem fær fólk til að hrífast með.
Þessi piltur veit áreiðanlega meira um „show-
business" en margir aðrir skemmtikraftar, sem
eldri eru í hettunni. Hann er aðeins 1 7 ára.
Til skamms tíma lék Karl með hljómsveitinni
Dátar, en nú er hann kominn á aðrar slóðir og
hefur stofnað hljómsveit ásamt þremur fyrrver-
andi liðsmönnum Toxic, Jónasi Jónssyni, Rafni
Haraldssyni og Arnari Sigurbjörnssyni og bróð-
ur sínum, Sigurjóni, sem áður lék með hljómsveif-
inni Mods. Allir voru þessir piltar mikilvækir
póstar í sínum hljómsveitum, svo mikilvægir að
því er virðist, að þær hurfu af sjónarsviðinu —
allar þrjár — þegar þessi samsteypa myndaðist.
Flestir furðuðu sig á, að Dátar skyldu hætta, en
þessi ágæta hljómsveit átti mjög vinsæla hljóm-
plötu ( gangi og önnur tólf laga var ( undirbún-
ingi. Sennilega hafa vinsældir hljómsveitarinnar
aldrei verið jafn miklar og þegar hún hætti. —
16 VIKAN 38-tbl-
Rúnar Gunnarsson var ekkert sérstaklega bjart-
sýnn, þegar þessi mál bar á góma fyrir skömmu
og kvað með öllu óráðið, hvert stefni nú hjá
hljómsveitinni.
Og nú mun hljómsveitin vera komin á kreik
— skipuð Jónasi sem söngvara, Karli (orgel),
Sigurjóni (bassa) og Arnari (gítar). Ég náði í
skottið á Karli, um það leyti sem þeir voru að
stilla saman strengi sína í fyrsta sinn, og ég bað
hann fyrst að segja mér, að hvaða leyti þessi
hljómsveit yrði ólík Dátum, þeirri hljómsveit,
sem hann hafði leikið með við svo ágætan orð-
stír. — Hann sagði:
— Við erum allir stilltir inn á sömu bylgju-
lengdina: okkur langar til að eiga efnisskrá við
allra hæfi og við ætlum framar öllu að forðast
hávaða. Við viljum reyna að vera smart klæddir
— en þó skal það ekki ganga út f öfgar. Sviðs-
framkoman er líka veigamikið atriði — auðvit-
að — og við munum leggja áherzlu á, að gera
hana skemmtilega og vera allir sem einn í þvf.
Karl er snaggaralegur, ungur maður, ákveð-
inn og lítur út fyrir að vera eldri en hann er í
rauninni. Hann er sjóðmælskur og getur látið
dæluna ganga tímunum saman. Hann lifir og
hrærist í músikinni og hefur um hana mjög á-
kveðnar skoðanir og er ekki feiminn við að láta
þær í Ijósi. Karl er Akurnesingur og hlaut eld-
skírn sína, er hann kom fram með Dumbó sext-
Framhald á bls. 41.
Þetta er hin nýja hljómsveit. Frá vinstri: Arnar
Sigurbjörnsson, Sigurjón Sighvatsson, Jónas Jóns-
son, Rafn Haraidsson og Karl Sighvatsson. „Við er-
um allir stilltir inn á sömu bylgjulengdina," segja
þcir. Hér eru þeir a. m. k. í tveimur lengjum, sem
snúa hvor á móti annarri!
O „Við munum leggja áherzlu á að gera sviðs-
framkomuna skemmtilcga og standa saman um það
allir sem einn.“