Vikan - 27.12.1968, Blaðsíða 11

Stutt spjall viö fulltrúa ungu kynslóðarinnar 1968, Soffíu Wed-
holm. Verðlaun hennar sem sigurvegara keppninar var sumar-
dvöl í skóla í Englandi, og hér segir frá veru hennar þar.
nokkur heimavinna, en ekki mikil.
Við fórum líka í nokkur ferðalög á
vegum skólans, meðal annars til
Kantaraborgar, Oxford og Stratford-
upon-Avon, líka til London, þar sem
við fórum á söfn.
Margate er álíka stór borg og
Reyk|avík, en sambyggð við aðrar
borgir. Við vorum á einkar rólegum
stað og notalegum. Þarna eru líka
baðstaðir, og þangað fórum við,
þegar sól var, en ég var heldur
óheppin með veður, það var sjald-
an sól en þeim mun oftar rigning.
Þegar ég átti frí, fór ég oft á stað
þarna skammt frá, þar sem sumar-
nemendur úr allri Margate söfnuð-
ust mikið saman til að spila bowl-
ing. Annars var ég líka oft heima,
horfði á sjónvarp og talaði við fólk-
ið, einkum litlu strákana, og eftir að
Dominique kom, spiluðum við oft á
spil. Þessar 12 vikur voru ótrúlega
fljótar að líða, og mig langar aga-
lega að fara aftur næsta sumar.
Hvort það verður hægt, er allt ann-
að mál.
Þarna kynntist ég ungu fólki
frá fjölmörgum löndum en Bretun-
um kynntist ég ekki mikið. Þeir eru
lengi að kynnast, og þeir eru líka
heima hjá sér, og hafa þess vegna
önnur viðhorf til útlendinga, en út-
lendingar hver til annars. Bezt lík-
aði mér við unga fólkið frá Persíu,
það er kátt og fljótt að kynnast,
sömuleiðis það frá Kuwait. Þarna
voru líka 18—20 íslendingar, þeg-
ar mest var, þeirra á meðal Kristfn
Waage, Fulltrúi unga fólksins 1967.
Þeir voru á öðrum skólum í Margate;
það er mjög mikið af sumarskólum
þar. Á Deniscroft voru ekki aðrir ís-
lendingar en við Valur.
Hvað ég geri núna? Ég fékk
ekkert að gera, fyrsta mánuðinn
eftir að ég kom heim. Svo fékk ég
skrifstofustarf í Pöntunarfélagi Esk-
firðinga, og núna var ég send hing-
að suður til að gera innkaup. Ég
veit ekkert, nema ég sé búin að
setja pöntunarfélagið á hausinn!
Annars er það kannski ekki hægt
um vik, þvf heildsalarnir eiga eng-
ar vörur eða fá ekki að leysa þær út.
Og þar með er hún þotin aftur.
Nett og liðleg, hógvær en þó létt í
framkomu, fulltrúi unga fólksins í
innkaupaferð fyrir pöntunarfélag
fyrir austan. ☆
51. tbi. VIKAN 11