Vikan - 02.01.1970, Blaðsíða 3

1. tölublað - 2. janúar 1970 - 32. árgangur
I ÞESSARI VIKU
Getið þér hugsað ySur konu sem forsætis-
ráðherra? Haldið þér, að kona geti borið
ábyrgð á stjórn rikisins? Ef þér svarið þessum
spurningum neitandi, er tvöföld ástæða til
að lesa grein i þessu blaði, sem heitir „Amma
tekur við stjórninni", en þetta sögðu andstæð-
ingar Goldu Meir, er hún tók við forsætis-
ráðherraembættinu i Israel.
„Ævi mín og konurnar minar þrjár"
nefnist nýr greinarflokkur, sem hefst í þessu
blaði og er þar um að ræða fyrsta hluta af
æviminningum íranskeisara, sem hann hefur
sjálfur látið skrásetja eftir sér. Þetta er
ævintýraleg frásögn og á margan hátt
óvenjuleg og minnisstæð.
„Hún hefur dökkt, liðað hár, blá augu
og ósköp smágerðar tær og fingur,
og hún er hreystin uppmáluð; sparkar og
hlær, og er ekki að neinu leyti frábrugðin
jafnöldrum sinum. En þó var hún eiginlega
dauðadæmd fyrir fjórum mánuðum." —
Við segjum í þessu blaði ótrúlega sögu af
litlu barni undir fyrirsögninni
„Hún var dauðadæmd".
I NÆSTU VIKU
VIKAN birti fyrir nokkru greinar um merka
landkönnuði, til dæmis Livingstone
og Stanley, sem báðir könnuðu
myrkviði Afríku. I næsta blaði verður
fjallað um barón Adolf Erik Norden-
skjöld, sem fyrstur manna hafði það af að
sigla meðfram ströndum Evrópu og
Asíu út i Kyrrahaf. Þetta er hin svokallaða
Norðausturleið, sem margan hefur heillað.
Við höldum áfram með palladóma
Lúpusar í næsta blaði og er þá fjallað um
utanrikisráðherra og fyrrverandi
formann Aiþýðuflokksins, Emil Jónsson.
Þar næsti þáttur birtist mjög fljótlega,
og þá er röðin komin að Eysteini Jónssyni,
fyrrverandi formanni Framsóknarflokksins.
I næsta blaði Ijúkum vrð greinaflokkinum
um Gretu Garbo, en þá birtist
fjórði hluti hans. Þessar greinar eru
byggðar á bók, sem nýlega er komin út og
hefur vakið mikla athygli erlendis.
Hún varpar alveg nýju Ijósi á hina frægu
og vinsælu kvikmyndaleikkonu Gretu Garbo,
sem enn á sér aðdáendur um allan heim.
FORSÍÐAN Halldór Pétursson, listmálari, teiknar áramótaforsíðuna okkár
þessu sinni og tekur til meðferðar mál málanna um þessar mundir: EFTA.
að
I FULLRI ALVÖRU
SiénvarpiO oo bttrnin
Aðalbjörg Sigurðardóttir minntist á það í merku
sjónvarpsviðtali, að kvikmyndaerftirlit rikisins
hefði í rauninni harla litlu hlutverki að gegna,
en hún hefur verið formaður þess um árabil.
Hún kvaðst ekki sjá ástæðu til að vera að banna
kvikmyndir kvikmyndahúsanna börnum, þegar
viðlíka myndir væru sýndar öllum landslýð í
sjónvarpinu og allir vissu, að börn horfðu mikið
á þær.
Þessi ummæli Aðalbjargar eru vissulega at-
hyglisverð. Það er enn furðumikið um viður-
styggilega glæpi í myndum sjónvarpsins, sem
sýndar eru á þeim tíma, sem börn eru enn á
fótum víðast hvar og verða vitni að þessum
ósköpum.
Lengi hefur verið sá háttur hafður á í sjón-
varpinu að sýna myndir sérstaklega ætlaður
börnum á miðvikudögum klukkan sex. Myndin
um Lassí var sýnd þar í fyrra og naut mikilla
vinsælda og var vel við hæfi lítilla barna. En (
hennar stað hefur verið sýnd mynd, sem alls
ekki er ætluð litlum börnum, þar sem í henni
er of mikið af likamlegum átökum og hegðun,
sem skelfir minnstu börnin og er þeim síður en
svo holl fyrirmynd.
Sjónvarpið þyrfti að verða sér úti um góðar
barnamyndir til sýningar á þessum tima, til dæm-
is teiknimyndir eða annað græskulaust gaman af
slíku tagi. Það er engum vafa bundið, að slags-
mál og ofbeldi hafa slæm áhrif á börn og spilla
hegðun þeirra.
Sjónvarpið er áhrifamesta uppeldistækið, sem
til er, og þess vegna væri ráðlegt að taka mark
á ummælum Aðalbjargar Sigurðardóttur, sem alla
ævi hefur barizt fyrir velferð barna og reynt að
koma í veg fyrir allt það, sem hefur miður holl
áhrif á uppeldi þeirra. Það er nóg af ofbeldinu
i heiminum, þótt ekki sé reynt að ala á þeirri
hneigði með yngstu og saklausustu borgurunum.
G.Gr.
VIKAN
Útgeíandi: Hilmir hf. Bitstjóri: Gyltl
Gröndal. BlaSamenn: Dagur Þorleifsson, Matthlldur
Edwald og Ómar Valdimarsson. Útlltsteiknlng: Hall-
dóra HaUdórsdóttir. Auglýsingastjóri: Jensina Karls-
dóttir. — Ritstjórn, auglýslngar, afgreiðsia og dreif.
ing: Skipholti 33. Símar 35320 — 35323. PósthóU 533.
Ver8 í lausasölu kr. 50,00. ÁskriftarverS er 475 kr.
fyrir 13 tölublöð ársfjórSungslega, 900 kr. fyrir 24
tölublöð misserislega. ÁskriftargjaldlS greiSlst fyrir-
fram. Gjaldd. eru: Nóvember, febrúar, mai og ágúat.
1 tbi. VIKAN 3