Vikan


Vikan - 02.01.1970, Blaðsíða 4

Vikan - 02.01.1970, Blaðsíða 4
:'.':¦.":¦:¦.".::.'.: V -¦¦:¦:¦'-.¦ : í þessari bók opinberar Juliette Benzoni enn einu sinni fágæta hæfileika sína til að segja sögu. Lýsingar henn- ar eru myndrænar og ljósar og baksviðið er hið glæsta Frakkland fimmtándu aldar. Hröð og spennandi at- burðarásin gerir þessa sögu að sjálfstæðu, örlaga- þrungnu verki, sem stendur fyllilega jafnfætis öðrum bókum hennar um sömu sögupersónu, Catherine. Áður hafa komið út „Sú ást brennur heitast" og „Catherine", sem fengu mjög góðar viðtökur lesenda. Fæst hjá næsta bóksala HILMIR HF. SKIPHOLTI 33 POSTHOLF 533 SÍMI 35320 REYKJAVÍK Cannabis um leið og bjórinn Kæri Póstur! Það var nokkuð gaman að lesa viðtalið við sálfræðinginn í síðasta blaði. Sérstaklega það sem hann sagði um eiturlyfin, sem nú er sem mest talað um. . Löngum hefur því verið hald- ið fram að hash og þess háttar væri stórhættulegt eitur, og hver sá sem smakkaði það yrði for- fallinn það sem eftir væri æv- innar. Nú kemur fram maður sem vit hefur á og segir að þetta sé sízt hættulegra en áfengi. Að- alhættan sem af þessu stafar kemur til af því, að glæpahring- irnir sem selja þetta blanda ópí- um í marijuana og annað slíkt, til að venja fólk á sterkari lyfin, sem veruleg hætta stafar af. Og af.hverju er sala allra svo- kallaðra eitur- og fíknilyfja, hættulegra og meinlausra, í höndum glæpahringjanna? Vegna þess að yfirleitt er þetta allt sett undir einn hatt, bæði sauðmein- laus efni eins og marijuana, sem varla er hættulegra en bjór, og stórhættulegt eitur á borð við heróín. Allt er þetta kallað jafn- hættulegt og þeir sem kannski hafa ekkert gert nema reykja marijuana einu sinni eða tvisv- ar upp á fikt, dæmdir æru- lausir rónar og glæpamenn, eins og þessir ræflar í pophljómsveit- inni. Afleiðingin af banninu á sölu og neyzlu kannabis í heim- inum hefur auðvitað ekki orðið sú að hindra söluna og neyzluna á þessu, það er margsannað og þess háttar bönn hindra ekkert. Afleiðingin hefur orðið sú ein að salan á þessu hefur komizt í hendur glæpahringjanna, sem smygla þessu og eiga hægt með, því að sumir þeirra eru kannski voldugasti auðhringurinn í sín- um heimalöndum, eins og Cosa Nostra í Bandaríkjunum. Og þessa einokunaraðstöðu sína á sölunni hagnýta eiturlyfjahring- irnir auðvitað til að lauma að grunlausum neytendum við- bjóðslegu eitri eins og heróíni eða morfíni. Lausnin á þessu er sú ein að gera skýran greinarmun á hvað eru eiturlyf og hvað ekki. Raun- veruleg eiturlyf á auðvitað að banna, þótt erfitt sé að sjá hvern- ið hægt er að koma í veg fyrir útbreiðslu þeirra, meðan hring- arnir sem selja þau eru voldug- ustu öflin hjá sumum stórveld- unum og ekkert er gert til að útrýma þeim, þótt allir viti hverjir að þeim standa og hvað þeir gera. En kannabisið á að gefa frjálst. Ef það yrði eins og hver önnur söluvara, misstu glæpahringirnir einokunartökin á því og gætu ekki lengur eitr- að það. Það væri til dæmis ekki úr vegi fyrir Alþingi fslendinga að slá tvær flugur í einu höggi og leyfa þetta um leið og bjór- inn. Hvað finnst þér, Póstur sæll? Þinn Á. J. Mergurinn málsins er að sjálf- sögðu sá, hvort marijuana og skyld lyf eru hættuleg eða ekki. En u m það eru menn alls ekki á eitt sáttir. í desemberhefti Úr- vals er til dæmis grein eftir yfir- mami heilbrigðiseftirlitsins í Noregi, Karl Evang. Hann hefur starfað á vegum Sameinuðu þjóðánna og verið formaður nefndar, sem rannsakaði eitur- lyfjamál. f greininni segir meðal annars: — Ungu kaupendurnir eru ginntir af áróðri sölumannanna. Til dæmis segja þeir: „Marijú- ana er ekki hættulegt og engin hætta á því, að menn venjist á notkun þess, þótt neytt sé." All- ar þessar fullyrðingar, sem sett- ar eru fram á mismunandi hátt af eiturlyfjasölumönnum, hafa ekki við rök að styðjast sam- kvæmt vísindalegum athugunum. Marijúana er hættulegt nautna- lyf, sem gerir menn sér áhða á stuttum tíma og er mjög auðvelt að útbreiða það. Marijúana og haschisch myndu eyðileggja allt samlif og leggja atvinnuvegi Norðurlandanna í rúst, ef þessi eiturlyf væru notuð í sama mæli og tóbak og vín í þessum lönd- um. Svo mörg voru þau orð. Og meðan ekki fást neinar óyggj- andi sannanir fyrir því, að mari- júana og fleiri skyld Iyf sé hættulaus, er það sú skoðun okk- ar, að lausn vandans sé ekki sú að gefa þau frjáls, heldur upp- ræta starfsemi eiturlyfjasalanna, og koma með öllum tiltækum ráðum í veg fyrir útbreiðslu þeirra. Hvað getum við gert..? Breiðadalsvík, 7/12 1969. Elsku Póstur! Við erum hérna tvær stelpur sem langar að spyrja þig fáeinna spurninga. 1. Hvað getum við gert til að fá löng og þétt augnahár? 2. Hvað er hægt að gera við hárið á sér svo það verði þykkra og vaxi betur? 4 VIKAN *• tbl-

x

Vikan

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vikan
https://timarit.is/publication/368

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.