Vikan - 14.05.1970, Blaðsíða 3
20. tölublað - 14. maí 1970 - 32. árgangur
Eldhús Vikunnar, sem Dröfn H. Farestveit,
húsmæðrakennari sér um, hefur
alltaf eitthvað nýtt góðgæti á boðstólum,
og að þessu sinni eru það pönnukökuréttir.
Það er nefnilega hægt að gera
miklu fleira með pönnukökur en að
bera á þær sultu og rjóma.
Fulltrúi ungu kynsióðarinnar í hinni árlegu
keppni, sem Vikan og Karnabær
standa fyrir, var að þessu sinni kjörin
Guðbjörg Haraldsdóttir. í þessari Viku birtist
viðtal við Guðbjörgu, þar sem lesendum
gefst kostur á að kynnast
nánar skoðunum hennar og viðhorfum.
„Jón Gunnar Árnason bregður hnífi
undir nasir yður, og þegar þér finnið loks
fyrir egginni, vitið þér hvað veruleiki er."
Þannig komst svissneskur lista-
maður, René Scherrer að nafni, að
orði í dómi um listsýningu Jóns Gunnars
Árnasonar, myndasmiðs, í Gallerí
Súm í fyrrasumar. í þessu blaði er viðtal
við Jón, sem áreiðanlega er meðal athyglis-
verðustu yngri myndlistarmanna okkar i dag.
I vor fóru flugfreyjur Flugfélags íslands
í nýja og hárauða búninga, sem eiga að vera
meir í takt við ríkjandi tízku en
gömlu búningarnir. I tilefni af þessu
hefur VIKAN tekið saman grein í myndum
og texta um búninga flugfreyjanna
hjá Flugfélagi íslands allt frá fyrstu tið.
í ÞESSARI VIKU
I NÆSTU VIKU
Nýja framhaldssagan, sem hefst í næsta
blaði, nefnist „Ævintýri á Spáni". Hún fjallar
um sumarleyfi tveggja ungra stúlkna
á sólbökuðum ströndum Spánar.
Sagan er skemmtileg og spennandi
lesning, ekki sízt á þessum tima árs,
þegar hugurinn snýst um sólskin og
sumarleyfi framar öllu öðru.
wmm
„Það þarf að tryggja gistingu á einum bæ
í öllum venjulegum sveitahreppum
landsins fyrir þá, sem vilja ferðast ódýrt,
hvort sem þeir eru á bíl, ríðandi
eða gangandi." Þetta er ein af mörgum
tillögum í athyglisverðri grein, sem
Björn Stefánsson skrifar í næstu viku. Hann
stingur einnig upp á, að skipulagðar verði
gönguleiðir og reiðleiðir um sveitir landsins.
FORSÍÐAN er af fulltrúa ungu kynslóðarinnar 1970, Guðbjörgu Haraldsdóttur.
Sjá fleiri myndir og stutt viðtal á bls. 10—13. (Ljósm. Sigurgeir Sigurjónsson).
I FULLRI ALVÖRU
FEGURÐ 0G NYTSEMI
Það mál, sem flestir hafa látið til sín taka á
opinberum vettvangi að undanförnu, er virkjun
Laxár í Þingeyjarsýslu. Hér er um að ræða eitt
af þeim málum, sem snerta tilfinningar manna,
svo að þeir geta ekki orða bundizt, þótt þeir séu
annars afskiptalitlir um þjóðmál.
Sá hópur manna, sem lætur sér annt um nátt-
úru landsins, ekki aðeins í orði kveðnu heldur
af heilum hug, hefur farið vaxandi að undan-
förnu. Helzti ávinningur þessa er aukin von til
þess, að náttúra íslands fái að haldast nokkurn
veginn óspillt, svo sem framast er kostur. Það
mátti ekki seinna vera, að augu manna opnuðust
fyrir því, hversu verðmæt og sjaldgæf ósnortin
náttúra er orðin á þessum síðustu og verstu tim-
um. Margt hefur áunnizt á skömmum tima. Nú
er Náttúruverndarráð starfandi og hefur vakandi
auga með málefninu og Skaftafell í Oræfum hef-
ur verið friðlýst sem þjóðgarður, svo að fáein
dæmi séu nefnd.
Og nú er deilt hatrammlega um virkjunaráform
og verndun Mývatns og Laxár, og skiptast menn
að vonum í tvær fylkingar. Verður þó ekki annað
séð af því sem fram hefur komið í blöðum og
nú síðast á fjölmennum fundi i Háskólabíói, en
að áhugamenn um náttúruvernd séu í meirihluta.
Fundur þessi var lofsvert framtak og í lok
hans var samþykkt áskorun til rikisstjórnar
og annarra ráðamanna orkumála þess efn-
is, að fallið verði frá öllum þeim virkjunar-
áformum i Laxá, er valda áhættu og tjóni á
hinu viðkvæma náttúrulífi þessa dýrmæta svæð-
is. Fundurinn taldi réttilega, að Laxár og Mý-
vatnssvæðið sé í flokki þeirra dýrgripa þjóðar-
innar, sem á engan hátt megi spilla eða tefla í
tvisýnu.
Vitaskuld þurfum við rafmagn, en að áliti
margra fróðra manna voru í þessu tilfelli ýmsir
fleiri og heppilegri möguleikar en Gljúfurvers-
virkjun.
Og nú verður fróðlegt að sjá, hvernig þessu
máli vindur fram: hvort skellt verður skolla-
eyrum við mótmælum manna um land allt og
fegurðinni fórnað á altari nytseminnar, eða snú-
ið við af braut skammsýninnar og fundin lausn,
þar sem saman fer nýting og náttúruvernd.
G.Gr.
VIKAN Útgefandi: Hilmir hf. Ritstjóri: Gylfi
Gröndal. BlaÖamenn: Dagur Þorleifsson, Matthildur
Edwald og Ómar Valdimarsson. Útlitsteikning: Hall-
dóra Halldórsdóttir. Auglýsingastjóri: Sigríöur Þor-
valdsdóttir. — Ritstjórn, auglýsingar, afgreiösla og
dreifing: Skipholti 33. Simar 35320 — 35323. Pósthólf
533. Verö í lausasölu kr. 50,00. ÁskriftarverÖ er 475
kr. fyrir 13 tölublöö ársfjóröungslega, 900 kr. fyrir
26 tölublöð misserislega. — Áskriftargjaldið greiöist
fyrirfram. Gjaldd. eru: Nóv., febrúar, mai og ágúst
20. tw. VIKAN 3