Vikan - 10.05.1972, Blaðsíða 47
ÁriS 1970 var Christine Francis kjörin
fegurðardrottning „Miss Queensland". Hún
sést hér á myndinni í mjög stuttum kjól.
Fimmtán mánuðum síðar kraup þessi sama
stúlka við bænaaltarið í kirkju í London.
Þá var hún búin að ákveða að
segja skilið við glaum þessa heims og
ganga í klaustur í Dorset...
Þessi háfætta, dökkhærða stúlka var eins og aðrar kynsystur
hennar, hrifin af fallegum fötum, snyrtivörum, skartgripum og
allskonar skemmtunum. Hún var líka heppnari en margar aðrar,
því að hún var kjörin fegurðardrottning í heimalandi sínu og
það var dagblað í Brisbane sem stóð fyrir þessari keppni. Verð-
launin voru heldur ekki af verri endanum; hnattreisa, fullar
töskur af fötum, ríflegir dagpeningar og bíll í ofanálag. Þetta
hefði nú átt að nægja til að gera hverja stúlku ánægða.
En Christine hafði annað í huga. Hún var ákveðin í
því að gerast nunna og hafði eiginlega haft það í huga frá því
hún var sautján ára, svo þetta er sannarlega yfirvegað ráð. Dag-
inn áður en hún fluttist til klaustursins var henni haldið mikið
hóf af kunningjum sínum og vinum. Þá drakk hún síðasta glasið
og drap í síðustu sígarettunni og hélt svo glöð til klaustursins,
sem er gömul bygging frá 12. öld. Það eina sem hún tók með sér
var hitapúði.
FEGURDAR-
DROTTNINGIN
GEKKIKLADSTDR