Vikan - 08.05.1975, Blaðsíða 40

FLÓÐBYLGJA
Kæri draumráðandi!
Mig langar til að biðja þig að ráða fyrir mig draum,
sem stendur óvenju fast í mér, því að ég er ekki vön að
muna draumana mína. Hann var svohljóðandi:
Mér fannst ég vera stödd á baðströnd einhvers
staðar við Miðjarðarhaf og var þar á gangi með ein-
hverri konu. Við gengum inn í verslun og ég ætlaði að
kaupa dúkku handa dóttur minni, en þá var ekki til
nein dúkka minni en einn til einn og hálfur metri á
hæð. Á hana fengust föt í h'tlum pappakössum.
Svo f annst mér við vera komnar of ar i bæinn, og þá
tók ég eftir því að það er að koma ógurleg f lóðbylgja.
Þó fannst mér við ganga í rólegheitum og koma að
gatnamótum. Á hægri hönd fannst mér vera stór og
fallegur garður, sem mig langaði mikið að fara inn í,
en í kringum hann var hátt grindverk.
Mér á vinstri hönd voru há raðhús og mér fannst við
ganga inn í eitt þeirra. Mér leið hræðilega illa, því að
mér f annst sjórinn vera allur ólgandi þarna í kringum
mig, en þó kom hann aldrei við mig.
Þessu næst fannst mér við fara inn i herbergi, þar
sem ekkert var inni nema sökkull af hjónarúmi og var
hann fullur af skjannahvítri sjávarfroðu.
Síðan fannst mér ég fara út og horfa út yf ir sjóinn.
Þá sá ég, að farið var að f jara út, og sást þarinn
langar leiðir. Við þetta létti mér mikið og ég vaknaði.
Kær kveðja.
N.N.
Mikil flóð eru sjómönnum fyrir góðum afla. Þessi
draumur bendir því til töluverðrar fengsældar þinnar
og góðrar efnalegrar afkomu. Hins vegar er ekkert í
honum, sem bendir til skilnaðar. Þvert á móti virðist
sem ekkert verði úr honum. Draumráðandi les ekki úr
skrift.
Á FLÓTTA
Kæri draumráðningaþáttur!
Heldurðu, að þú getir orðið mér innan handar og
ráðiðfyrir mig þennan draum, sem mig dreymdi ekki
alls fyrir löngu. Hann var á þessa leið:
Mér fannst ég vera staddur austur í .... hjá bróður
mínum og konu hans, og fannst mér konan hlaupa á
eftir mér og sækjast eftir lífi mínu, en mér tókst að
sleppa f rá henni eftir mikil hlaup. Fannst mér ég hafa
stokkið yfir tvo skurði og komið síðan að á, sem ég
taldi ólíklegt, að ég kæmist yf ir. Eftir mikið erf iði og
basl komst ég þó yf ir hana, þar sem hún var mjóst og
grynnstl Mér fannst ég hafa verið að f lýja til Banda-
ríkjanna, eða einhvers annars lands.
Allt í einu fannst mér ég vera staddur hjá skurð-
inum framan við hús bróður míns. Hinum megin við
skurðinn stóð hann með byssu í hendinni og fannst
mér hann ætla að skjóta mig, en þess í stað skaut hann
stóran fugl, sem sat uppi i símastaur. Fuglinn datt
ofan í skurðinn og mér fannst ég hlaupa þangað, sem
fuglinn lá, en kom ekki auga á hann. Eftir smástund
sá ég þó, hvar hann maraði í hálfu kafi í vatninu í
skurðinum. Allt í einu fannst mér hann vera á túninu,
og þar gekk ég frá honum með því að rota hann með
spýtu. Með sjálf um mér tautaði ég eitthvað á þá leið,
að bróðir minn væri ræfill og þetta væri eftir honum.
Skyndilega fannst mér eins og skollið hefði á stríð
og fólkið hefði farið f rá í hópum, sumt jafnvel til
anriarra landa. Mér fannst ég hafa flúið, en eftir
dálítinn tíma fannst mér ég hafa snúið til baka. Þá
blöstu við mér hús, sem voru brunnin að innan, og fór
ég inn í eitt þeirra. Þar var mamma stödd og f ór ég að
tala við hana um stríðið. En allt í einu fannst mér ég
vera staddur hjá stóru húsi, sem ekki er til þarna í
raun og veru, og var margt fólk þar saman komið í
hóp. Allt í einu kom pabbi minn og sagði, að Jesús væri
kominn og ég skyldi koma og líta á himininn. Um leið
og ég leit upp heyrði ég undurf agran söng og sá margt
fólk, sem sveif um himininn í mjög skærlitum fötum.
Um ieiðog þaðfór framhjá, sá ég Jesús, og kallaði á
hann. Hann fór fremstur í rauðum kuf li. En hann fór
f ramhjá mér ásamt fólkinu, án þess að svara mér, og
hvarf.
Hvað getur þessi draumur táknað?
Með fyrirfram þökk fyrir birtinguna.
Virðingarfyllst,
H.I.H.
Draumráðandi biðst afsökunar á því, hve lengi
hefur dregist að ráða þennan draum, en það er vegna
misgánings. Hann átti að birtast í blaðinu löngu fyrr.
Það er greinilegt að þú ert ákaf lega einmana og munt
verða áfram, jafnvel finnst þér fólk ofsækja þig. Þú
ættir að skipta um umhverfi eins f Ijótt og þú sérð þér
fært, og reyna að afla þér nýrra vina.
BIDRÖD
Kæri draumráðandi!
Mig langar til að biðja þig að ráða eftirfarandi
draum fyrir mig!
Mér f annst ég standa í biðröð svo óendanlega langri,
og var ég kominn vel f ram fyrir miðju í röðinni. Ekki
vissi ég eftir hverju allt þetta f ólk var að bíða.
Allt í einu fannst mér einhver taka mig út úr röðinni
og var ég þá staddur á hæð nokkurri þarna nálægt og
horfði yf ir röðina. Sá ég þá, að hún var tvöföld og
myndaði eins konar oddaf lug gæsa, og var óendanlega
löng.
Ég tók eftir því, að maður var kominn í mitt pláss í
röðinni. Ekki þekkti ég þennan mann, enda sá ég hann
bara tilsýndar, en hann var í Ijósdröppuðum frakka,
og vaknaði ég við það, að ég hugsaði, að honum hefði
legið mikið á því að komast í mitt pláss.
Virðingarfyllst.
G.N.G.
Draumráðandi áfellist hvorki þig né aðra bréfritara
fyrir að segja svolítið f rá högum sínum, en hins vegar
getur það spillt fyrir ráðningu draumsins, þar sem
alltaf er hætta á, að draumráðandi taki of mikið tillit
til slíkra upplýsinga við ráðningu draumanna. Til
dæmis skín berlega í gegnum þínar upplýsingar,
hverja þú álítur merkingu draumsins. Draumráðandi
er hins vegar á öðru máli. Hann telur drauminn vera
fyrir því, að þú takir aðra afstöðu í viðkvæmu máli en
flestir aðrir í kringum þig.