Vikan - 22.05.1975, Blaðsíða 15
NÝTT LEIKHÚS Á
HÓTEL LOFTLEIÐUM
Höfundaleikhúsið er um þessar mundir
að hefja sýningar á nýjum einþáttungi
eftir Jökul Jakobsson i fundarsal Hótels
Loftleiða. Vikan leit inn á æfingu á verk-
inu og forvitnaðist um það og leikhúsið.
Þjóðleikhúsiö er nýorðið aldar-
fjórðungsgamalt, og starfsemi
þess I tuttugu og fimm ár hefur
verið tíunduð i blöðum. Lof hefur
verið borið á sumt, sem vel hefur
þótt fara hjá leikhúsinu, en fundið
að öðru. Meðal þess, sem að-
finnsluvert hefur þótt, er að leik-
húsið hefur ekki orðið sú lyfti-
stöng islenskri leikritun, sem
vonast var til, og hefur ýmsu ver-
ið um kennt.
Um þessar mundir er nýtt leik-
hús að hefja sýningar, og þvi er
beinlinis ætlað að hvetja islenska
leikritahöfunda til dáða. Leikhús-
ið gengur undir nafninu Höfunda-
leikhúsið og mun einbeita sér aö
þvi að sýna ný verk islenskra höf-
unda. Sýningar leikhússins fara
fram i fundarsal Hótels Loftleiða.
Fyrir nokkru litum við inn á æf-
ingu á fyrsta verkefni leikhúss-
ins, en það er einþáttungur eftir
Jökul Jakobsson, sem ber heitiö
Hlæðu Magdalena hlæðu.
Leikritið fjallar um tvær konur,
Ingiriði og Magdalenu. Þær hafa
einangrast frá umheiminum og
hafa nánast engin samskipti viö
annað fólk. 1 einangruninni hefur
myndast milli þeirra djúpstætt
samband, þar semMagdalena
stjórnar Ingiriði og hefur nautn af
að kvelja hana. Sér til framfæris
reka þær Ingiriöur og Magdalena
tau- og tölubúð, en verslunin
gengur ekki betur en svo, að þær
búast við þvi að það verði lokað
fyrir rafmagnið á hverri stundu.
Með hlutverk kvennanna fara
þær Þóra Friðriksdóttir og Herdis
Þorvaldsdóttir, en Hrafn Gunn-
laugsson stjórnar sýningunni i
samráði við höfundinn. Else Duch
sér um búninga og leikmynd.
Að sögn þeirra Jökuls og
Hrafns er hugmyndin að Höf-
undaleikhúsinu ekki alveg ný af
nálinni, þótt leikhúsið hafi ekki
farið fyrr af stað. Þeir lögðu
áherslu á, að tilraunaleikhús sem
þetta væri ákaflega þýðingarmik-
ið fyrir leikrithöfunda, þvi að
þarna gæfist höfundum kostur á
að koma á framfæri verkum, sem
að lengd væru ekki miðuð við
heilskvöldssýningu, en til þessa
hefðu atvinnuleikhúsin tvö veigr-
að sér við að sýna einþáttunga og
önnur styttri verk, jafnvel þótt
um væri aö ræða tvö eða fleiri
verk, sem saman hefðu fullnægt
kröfum um sýningarlengd. Þeir
Hrafn og Jökull tóku fram, að
Höfundaleikhúsið væriekki stofn-
sett til höfuðs atvinnuleikhúsun-
um, enda hefðu þau sýnt málinu
skilning og veitt ýmsa aðstoð.
Hrafn og Jökull kváðust ekki
kviða þvi, að verkefnaskortur
yrði leikhúsinu fjötur um fót I
framtiðinni, þvi að margir höf-
undar hefðu sýnt leikhúsinu
áhuga. Þeir nefndu nokkur nöfn i
þvi sambandi, en I algerum trún-
aði, svo við þorum ekki að hafa
þau eftir, heldur biðum aðeins
eftir fleiri sýningum Höfunda-
leikhússins, svo það megi sanna
ágæti sitt.
21. TBL. VIKAN 15