Vikan - 17.07.1975, Blaðsíða 40

mig dreymdi
IVATNI
Kæri draumráðandi!
Mig langar að biðja þig að ráða fyrir mig draum,
sem mig dreymdi fyrir stuttu.
Mér fannst ég vera stödd uppi í sveit í einhverju ó-
kunnu landi. Veðrið var alveg óskaplega gott og þarna
var mjög mikill gróður, og engu var líkara en einhver
grænn bjarmi væri yfir öllu. Mér fannst þetta allt
saman mjög fallegt. Ég gekk eftir mjórri moldargötu
og með mér var einhver strákur. Mér þótti við vera á-
kaflega kát og létt i skapi. öðrum megin við götuna
var lítið aflangt vatn, og fannst mér við ákveða að
synda í vatninu.
Þegar við höfðum afklætt okkur, stakk strákurinn
sér út í vatnið, og f annst mér ég bara standa og horfa
á hann og dást að því, hvað hann gerði þetta vel. Svo
hoppaði ég sjálf út í vatnið. Það var volgt, og mér leið
óskaplega vel. Ég synti margar ferðir fram og aftur,
og var alltaf að hugsa, hvað mér liði nú dásamlega vel
þarna í vatninu.
Með fyrirfram þökk fyrir birtinguna. s.Þ.
Því miður verður það að segjast eins og er: Þessi
draumur er fyrir einhverjum veikindum. Samkvæmt
því sem þú segir í niðurlagi bréfsins, sem ekki er birt
hér, virðist vera um að ræða einhvern minni háttar
kvilla, sem ekki getur talist alvarlegur, en þú átt erfitt
með að losna alveg viðog veldur þér óþægindum.
VÍSARNIR AF
Kæri draumráðandi!
Mig langar að biðja þig að ráða fyrir mig draum,
sem m.ig dreymdi fyrir stuttu.
Hann hljóðar svona:
Mér fannst ég vera stödd á skrifstofunni, sem ég
vinn á. Mér fannst ég standa í salernisdyrunum og
horfa fram eftir ganginum. Ég sá þrjá viðgerðar-
menn vera að setja gulan dúk á skrifstof ugólf ið. Svo
sá ég þá vera að bera úr brúnan sóf a, sem er vanalega
inni hjá forstjóranum, en ég sá ekki, hvort þeir komu
honum alveg út úr dyrunum. Tveir menn og ein stúlka,
sem vinna með mér, komu gangandi í áttina til mín.
Þau töluðu saman og hlógu mikið. Þau settust við
borð, sem stóð beint á móti salernisdyrunum. Ég tók
engan þátt í gleði þeirra.
Mér varð litið á úrið mitt, sem er gullúr, en það
hafði stöðvast.
Dálitlu seinna varð mér aftur litið á það, en þá var
ég allt í einu komin með bleikt plastúr, sem einnig var
stopp. Svo duttu vísarnir af því á gólfið.
Mér fannst mamma standa þarna hjá mér, og ég
sagði við hana: Sjáðu, vísarnir duttu af!
Er það! sagði hún hissa.
Með þakklæti fyrir ráðninguna. S.S.
Skoðanir þínar og öll afstaða til tilverunnar breytist
mjög á næstu misserum.
LEITAÐ AÐ KÖTTUM I HLÖÐU
Kæri draumráðandi!
Mig langar að biðja þig að ráða þennan draum!
Ég og strákur, sem ég er hrifin af, vorum tvö ein
inni í hlöðu og vorum að leita að köttum, sem týndust
Við f undum þá nærri alla. Þó voru tveir eða þrír, sem
við fundum ekki.
Strákurinn kom svo nálægt mér, og ég f ann svo mik-
inn unað af því, en svo leiddi hann mig út og sagði ekki
neitt allan tfmann.
Með fyrirfram þökk fyrir birtinguna og ráðning-
una. K.K.S.
Er þetta ekki bara dagdraumur, K.K.S.? Annars
getur verið, að þú eigir von á mörgum gestum, en þeir
geti ekki alveg allir komið.
MYND AF PILTI
Kæri draumráðandi!
Mig langar til að þú reynir að ráða þennan draum
fyrir mig!
Mér fannsteins og einhver stelpa kæmi og rétti mér
mynd af strák, sem ég er hrifin af. En þegar ég tók
við myndinni, sá ég, að andlitið var alveg svart svo
það var ekki hægt að greina það. Með honum á mynd-
inni voru einhverjir tveir aðrir strákar, sem ég hélt,
að væru bræður hans. Myndin af þeim var mjög skýr.
Eftir því sem ég horfði lengur á myndina, skýrðiát'
andlitið, en þegar það var orðið alveg skýrt, tók stelp-
an myndina af mér aftur. Vinkona mín kom þarna að
og varð ákaflega reið.
Með þökk fyrir ráðninguna.
Helga.
P.S. Fyrir hverju er að dreyma mikið fyllerí?
Pilturinn, sem myndin var af, er ekki allur þar sem
hann er séður. Mikill drykkjuskapur í draumi er fyrir
rosa.
DRAUMUR, SEM KOMINN ER FRAM
Til draumráðningamanns Vikunnar.
Mig dreymdi draum.
Ég var staddur á knattspyrnuvelli, sem ég hafði
aldrei komiðá áður. Leikur var að hef jast. Þeim meg-
in, sem ég var á vellinum, var enginn nema ég, en ég
var á miðjum vallarhelmingi um það bil tíu til fimm-
tán metra frá hægri kanti. Fullskipað lið andstæðinga
hafði raðað sér upp við miðlinu. Engum venjulegum
leikreglum var fylgt. Á vellinum voru hvorki dómari
né línuverðir. Áhorfendur voru hins vegar óhemju
margir. Knötturinn lá á miðlínu og einn andstæðing-
anna tók langa atrennu, og reyndi með hörku skoti að
senda knöttinn í opið markið min megin. Mér tókst
að snerta knöttinn svo hann fór aftur fyrir endamörk
skammt frá horninu. Ég hljóp á eftir knettinum, því
að ég bjóst við því, að næst kæmi hornspyrna. Þá
heyrði ég tilkynnt í hátalara: Knötturinn f innst aldrei.
Leiknum er lokið.
Draumur þessi er kominn f ram. Hann stendur ekki í
neinu sambandi við íþróttakeppni. Hvernig er skrift-
in?
Ungur en gamall þó.
Þú segist sannfærður um, að draumurinn sé kominn
fram, og fæ ég þvi varla séð til hvers þú ert að senda
hann, nema til þess að 4>rófa visku mína og spá-
mennsku. Og það er ekki nema sjálfsagt að leyfa þér
aðheyra þá ráðningu, sem draumráðandi telur líklega
á þessum draumi. Þú og félagar þinir — sennilega á
vinnustað — verða ósáttir, og þú stendur einn gegn
þeim. Þig óar hálfpartinn við baráttunni, sem þú telur
þig eiga fyrir höndum, en aðilar utan hópsins gripa
inn í og koma i veg fyrir vandræði. önnur ráðning er
einnig hugsantega á þessum draumi, en varla nema
þú hafir haft einhver umsvif með höndum — atvinnu-
rekstur eða því um líkt. Sé svo getur draumurinn bent
til þess, að fyrirtækið komist í f járþröng, verði jafn-
vel gjaldþrota. Skriftin er vel læsileg, en ekki falleg.