Vikan - 11.12.1975, Blaðsíða 52
HNÉHÁIR
SOKKAR
Fátt er eins óþægilegt og að
vera kalt á fótum, og þess vegna
alveg bráðnauðsynlegt að eiga
hlýja uilarsokka. Hnéháir sokkar
með tám eru ekki á hverju strái,
og hér geturðu lesið um, hvernig
búa má svona sokka til.
I þessa sérkennilegu sokka má
nota hvaða garn sem er, en ekki
gróft. Barnafatagarn hentar vel.
Sokkarnir eru dökkbláir með
rauðar, gular, grænar og hvitar
rendur og tær. Af dökkbáa garn-
inu þarf 150 grömm, en nýta má
afganga i rendur og tær. Prjónar
eiga að vera nr. 2 og 2 1/2. Gróf-
leikinn á að vera ca. þannig, að ef
prjónaðar eru 27 lykkjur með
sléttu prjóni, á prjóna nr. 2 1/2, á
það að vera um 10 cm.
Fitjið upp 84 lykkjur, og setjið
þær á fjóra prjóna. Prjónið stroff-
ið, 1 slétta og eina brugðna til
skiptis, á prjóna nr. 2, og hafið
það 4 sm langt. Þegar það er bú-
ið,skiptið þá yfir á prjóna nr. 2 1/2
og prjónið rendurnar með sléttu
prjóni. Prjónið 3 umferðir með
hverjum lit, en siðan með bláum
alveg niður að tám. Þegar sokk-
urinn er orðinn 10 sm langur frá
röndum, á að byrja að fella af.
Fella skal af aðra lykkju og þá
næstsiðustu i umíerðinni og gera
það tvisvar með tveggja sm milli-
bili. Þegar það er búið, á að fella
af með sama hætti og fyrr, en nú
með 4ra sm. millibili, þangað til
að aðeins 52 iykkjur eru eftir á
prjónunum. Þegar sokkurinn er
orðinn 32 sm langur, á að auka við
lykkjum á sama stað og þær voru
felldar úr áður, en nú aðeins i
sjöttu hverri umferð alls fjórum
sinnum. Þegar sokkurinn er orð-
inn 38 sm langur, er byrjað á
hælnum, og hann prjónaður. Þeg-
ar lokið er við hælinn, á að prjóna
slétt prjón, að tám. Litlu tána á að
prjóna með hvitu garni. Svona á
Svefnbekkir í úrvali á verksmiðjuverði.
4 gerðir 1 manns
1 gerð 2ja manna.
Fallegt áklæði.
Tilvalin jólagjöf.
Sendum gegn póstkröfu.
SVEFNBEKKJA
nsr[
Höfðatúni 2 - Sími 15581
Reykjavík
að prjóna tærnar: Byrja skal á
hvitu með þvi að taka 5 siðustu
lykkjurnar á fyrsta prjóni og 5
fyrstu lykkjurnar á öðrum prjóni
og fitja siðan upp 2 nýjar lykkjur
inn á næstu tá. Prjóna skal 12 um-
ferðir, og siðan 2 og 2 lykkjur
saman, tvær umferðir. Siðan skal
draga garnið i gegn og ganga frá
endanum. Fellið úr fyrir hinar
tærnar á sama hátt. Til þess að
hafa nógu rúmt pláss milli tánna,
er best að prjóna eina umferð
með bláu garni eftir að lokið er
við hverja tá fyrir sig. Þegar
hvita táin er búin á þvi að prj. 1
umferð með bláu garni, áður en
byrjað er á grænu tánni. Þá á að
taka upp 6 lykkjur frá hvorri hlið,
tvær lykkjur frá hvitu tánni og
fitja upp tvær nýjar til hliðar
fyrir næstu tá. Prjónið 14 um-
ferðirog ljúkið við grænu tána. Þá
er byrjað á gulu tánni á sama hátt
og þeirri grænu, og prjónaðar nú
lOumferðir. Siðasta táin er prjón-
uð með rauðu garni og á sama
hátt og hinar en 18 umferðir.
Stóra táin: Taka skal lausar
lykkjur og 2 lykkjur frá rauðu
tánni, og 18 umferðir prjónaðar.
Og nú á sokkurinn að vera tilbú-
inn.
5 2 VIKAN 50. TBL.