Vikan - 03.03.1977, Blaðsíða 42

íslenskir sjónvaupsáhorfendur þekkja
hana sem Mildred, húsmóðurina á
neðri hæðinni i ,,Maður til taks.”
Hún fjargviðrast sifellt, fussar og
fjasar við bónda sinn, George,
brigslar honum um skort á
mannasiðum og þó einkum getuleysi
til hvílubragða. í einkalífinu heitir
hún Yootha Joyce og er afar ólík
þeirri konu, sem hún sýnir á
sjónvarpsskjánum. Eftirfarandi er
úrdráttur úr grein eftir blaðamann,
sem heimsótti hana í London.
Mildred
í einkalífinu
Yootha Joyce er ánægð með að
vera Yootha Joyce. nema að einu
leyti: Aliir virðast halda, að hún sé
M ildred Roper í einkalifinu jafnt og á
skjánum. Allir þekkja Mildred,
þessa fussandi og fjasandi húsmóð-
ur, sem þráir snoturt heimili, falleg
föt — og spennandi eiginmann.
Það síðasttalda virðist allra fjærst
lagi, því George, (leikinn af Brian
Murphy), sýnir ekki minnsta lit á
því að koma til móts við konu sína.
Yootha leikur Mildred svo sann-
færandi, að mörgum finnst hún
hljóti að vera svona sjálf. Það er
ekki óalgengt. að til dæmis vörubil-
stjórar halli sér út um gluggann á
trukknum sínum og kalli til Yoothu
ágötunni: , ,Kf þú færð ekki nóg hjá
George, ljúfan. þá er ég reiðubú-
inn!"
En þeir sem heimsækja Yoothu i
íbúð hennar í London, komast
fljótiega að raun um, að hún og
Mildred eiga fátt sameiginlegt.
I fyrsta lagi er það enginn aula-
legur og sóðalegur George, sem
býður í bæinn, heldur hávaxinn
myndarlegur ungur maður, smart
klæddur og að minnsta kosti 20
árum yngri en Yootha sjálf, sem er
að nálgast fimmtugt. Og þetta er
ekki sonur hennar!
Yootha kynnir sambýlismann
sinn: — Þetta er Terry, hann er lika
i skemmtanaiðnaðinum, en ekki
leikari.
Og svo er boðið til sætis i
nýtiskulegri stofu í sænskum stíl,
gjörólíkri þeirri, sem Ropershjónin
eiga.
I
— Terry er stórkostlegur, segir
Yootha. Vissulega gæti hann verið
sonur minn, en hvað með það? Við
höfum búið saman síðastliðna 18
mánuði, og við erum mjög, mjög
hamingjusöm. í rauninni hugsar
hann um mig, eins og hann væri
faðir minn — burtséð frá kynferðis-
iegri hlið málsins, bætir hún svo
við, eins og til að fullvissa um, að sú
hlið málsins sé sannarlega í lagi. —
Við erum afsaplega hrifin hvort af
öðru.
Það kemur i ljós, að Terry er
Terry Dixon, 30 ára, framkvæmd-
astjóri og leiksviðsstjóri. Yootha
er ánægð með að láta hann stjana
við sig og viðurkennir fúslega, að
hún sé sjálf litið fyrir heimilisstörf
og að stjana við aðra. Blaðamaður
spyr Yoothu, hvort samband henn-
ar við svo miklu yngri mann hafi
ekki valdið miklu umtali.
— Ekki meðal samstarfsmanna
minna. Þeim likar öllum vel við
hann. En ég veit, að mörgum finnst
þetta einkennilegt. Mikið er þetta
annars vitlaust! Ef miðaldra maður
nær sér í unga stulku, þá er litið á
hann sem karl í krapinu. En konur!
Ég sé ekkert athugavert við þetta
samband. öll mín ástarsambönd
hafa verið farsæl, og þau hafa öli
endað í vinsemd, jafnvel hjónaband
mitt.
Yootha var í þrettán ár gift
leikaranum Glyn Edwards, og enda
þótt þau hafi verið skilin i átta ár,
eru þau enn bestu vinir.
Við eignuðumst engin börn, en ég
er guðmóðir barnsins, sem hann á
núna. Er hægt að hugsa sér betra
samband eftir skUnað? Ég held, að
Glyn hafi alltaf langað til að
eignast barn, en ég álít, að mann
verði að langa alveg afskaplega
mikið til að eignast barn, tU þess að
leyfa sér það. Og mig langaði aldrei
svo afskaplega tU þess. Mér finnst
það blátt áfram eigingirni að fæða
barn inn i þennan heim, bara af því
flestir gera það.
Og samband þeirra Yoothu og
Terrys virðist sannarlega ekki líða
fyrir barnleysi. En skyldi það ekki
valda Yoothu neinum áhyggjum,
hversu miklu yngri hann er? Er hún
aldrei hrædd um, að hann stingi af
með yngri konu?
— Ég reyni ekki að blekkja mig,
segir hún. Hverju má ekki búast
við, ef elskhuginn er mörgum árum
yngri? Annars er aldrei að vita,
kannski verður hann enn hjá mér,
þegar ég verð komin um áttrætt. Á
hinn bóginn ætla ég að vona, að ég
getið tekið þvi með karlmennsku, ef
hann hittir einhverja aðra og verður
ástfanginn á ný. Við Terry höfum
verið afar hamingjusöm, og ég tel,
að okkar samband hafi að minnsta
kosti hingað tU verið ólíkt ham-
ingjusamara en gengur og gerist
meðal margra hjóna.
En þegar Yootha er spurð, hvort
hún muni giftast aftur, Terry eða
einhverjum öðrum, þá svarar hún