Vikan - 11.01.1979, Blaðsíða 13

Elliheimili rokksins
Því fylgja margir kostir að
vera rokkstjarna. Einn er sá að
þá getur komið mynd af þér í
^Vikunni og þú verður dáður
meðal allra íslendinga. Annar
er, að þér veitist mjög auðvelt að
vinna þér inn nokkrar milljónir
hér og nokkrar milljónir þar.
Það er líka eitt atriði í viðbót
sem er mjög athyglisvert. Þú
verður aldrei of gamall!
Það eru um það bil 22 ár,
síðan rokktónlistin fæddist.
Margar af þeim stjörnum, sem
þá voru hvað frægastar, eru enn
í fullu fjöri. Auðvitað heltast
alltaf einhverjir úr lestinni, en
þeir eru líka margir sem ekki
hafa látið aldurinn verða sér
fjötur um fót. Þá vaknar sú
spurning, hvað geta
rokkstjörnur eiginlega orðið
gamlar? Það sem einu sinni var
álitið tónlist fyrir táninga, er nú
lorðið uppáhald þeirra sem eru
Lvitlausu” megin við þrítugs-
aldurinn! í raun og veru er það
staðreynd, að þær stjörnur sem
hafa náð hvað mestum vinsæld-
um, eru allar komnar vel yfir
unglingsárin. Enginn hefur
spilað eða samið fleiri lög, sem
komist hafa á vinsældalista, en
Paul McCartney, sem er 36 ára
gamall. Stevie Wonder er á góðri
leið með að ná þeim aldri, svo
ekki sé talað um Rolling Stones,
þar sem einn félaganna, Bill
Wyman, er nú þegar orðinn
fertugur.
Keith Moon í Who söng á My
Generation um, að þeir
vonuðust til að verða aldrei
gamlir. Keith varð 32 ára.
Það eru aðeins mestu
átrúnaðargoðin eða þeir sem
standa stutt við á stjörnu-
himninum, sem virðast rétt hafa
slitið barnskónum.
Það er mikið rætt um það nú
hvar rokkstjörnurnar eiga að
setja mörkin. Ættu menn að
hætta sjálfkrafa, þegar á þritugs-
eða fertugsaldurinn er komið?
Varla á þrítugsaldrinum, þá
væri mikill skaði skeður. Og
fertugsaldurinn er nú ekki svo
agalegur heldur. Chuck Berry,
sem ferðast stöðugt um heiminn
og rokkar af meiri krafti en
nokkur táningur, er orðinn
fimmtugur!! Hann hefur engar
áætlanir um að setjast I helgan
stein til að hlusta á vel stilltar
fiðlur í sígildum tónverkum.
Nei, þá vill hann heldur: „Roll
Over Beethoven, yeah — yeah
— yeah!
Too Old To Rock’n Roll, To
Young To Die, syngur Ian
Andersson og segir okkur að þó
þú dragir þig í hlé, þá líði ár og
dagar þar til gröfin blasir við.
lOcc hafa einnig minnst á þetta
vandamál á hljómplötu sinni
Sheet Muxid í laginu Old Wild
Men. Þar er sagt frá öllum
gömlu rokkurunum sem nú eru
á stjörnuhimninum, eða á
„elliheimili rokksins”. Paul
McCartney syngur „Treat Her
Gently/Lonely Old People.
Here we sit / out of breath / and
nobody asked us to play. Það er
eins og hann sé að ímynda sér
sjálfan sig og Lindu, þegar ellin
færist yfir.
Þó ég verði 64 ára gamall.þá
fær mig enginn til að hætta að
rokka eins og brjálæðingur,”
sagði John Lennon fyrir átta
árum, þegar hann var nýorðinn
þrítugur.
Margir aðrir á hans aldri hafa
tekið undir þetta í lögum sínum
og viðtölum. Rolling Stones
hafa engin áform um að hætta I
bráð, og margir fleiri, sem eru í
sömu aðstöðu, eiga erfitt með að
halda sér á mottunni.
En aftur á móti er það
nauðsynlegt að einhver sinni
rólegri hlið tónlistarinnar.
Síðustu ár sín var Elvis Presley
orðinn nokkurs konar svar eldri
kynslóðarinnar við Frank
Sinatra. Þó að unga kynslóðin
hafi vart mátt mæla fyrir
hrifningu er hann kom fyrst
fram, fór þó svo, að hann lagði
smám saman mesta áherslu á
rómantískan fagnaðarboðskap,
sem kom tárunum út á einmana
húsmæðrum. Sömu sögu var að
segja um Paul Williams, það
dísætasta af öllu sætu.
Það vita allir, að rokk-tónlist-
in hefur breyst á margan hátt
síðustu ár. Stjörnurnar verða
eldri og eldri, á meðan
átrúnaðargoðanna er að leita í
röðum yngri kynslóðanna.
Málið hefur líka snúist þannig,
að fleiri og fleiri kunna að meta
rokkið. í gamal daga átti rokkið
einungis við táninga, en nú eru
foreldrarnir ekki síður hrifnir.
Þessa þróun getum við þakkað
Bítlunum og áhuginn hefur
ekki minnkað, jafnvel ekki hjá
gamlingjunum, sem náð hafa
ellilaunaaldrinum.
* ’ í

Öítlarnir, sem allir eru löngu orðnir þrítugir.
2. tbl. Vikan 13