Vikan - 11.01.1979, Blaðsíða 31

Ein þekktasta og jafnframt vinsælasta
hljómsveit í Bretlandi síðustu fimm árin
er tvímælalaust hljómsveitin SMOKIE.
Níu af lögum þeirra hafa hlotið feikna
vinsældir í Bretlandi og náð efsta sætinu
á vinsældalistum, og plötur þeirra hafa
náð metsölu út um alla Evrópu.
Hljómsveitarmeðlimirnir Chris
Norman, Terry Uttley og Alan Silson
þekktust allt frá barnæsku og voru
skólafélagar. Sá fjórði, Peter Spencer,
var einnig góður kunningi þeirra þótt
hann byrjaði ekki að spila með hljóm-
sveitinni fyrr en nokkrum árum eftir að
hún var stofnuð. Aðalstöðvar hljóm-
sveitarinnar eru í heimabæ þeirra,
Bradford.
Samstarfið gekk heldur brösótt í
byrjun, en hljómsveitin er stofnuð árið
1974. Eftir að þeir komust á samning
hjá Chinn og Chapman (sem einnig eru
umboðsmenn fyrir t.d. Suzi Quatro,
Mud og Sweet) hefur þó allt gengið
þeim i haginn. í júní 1975 kom út lagið
If You Think You Know How To Love
Me og komst það í annað sæti á breska
vinsældalistanum. Á eftir fylgdu
Something’s Been Making Me Blue, I’ll
Meet You At Midnight, Living Next
Door To Alice, Lay Back In The Arms
Of Someone, It’s Your Life, Needles
And Pins og nú síðast Oh, Carol og
Mexican Girl sem hafa orðið hvert öðru
vinsælla. Ekki þurfa aðdáendur þeirra
að hafa neinar áhyggjur af því, að ekki
fylgi fleiri slík lög á eftir, því Smokie
hafa engar ráðagerðir uppi um það að
hætta samstarfinu í bráð.
Plötulisti:
Pass It Around.
ChangingAll TheTime.
Midnight Cafe.
Greatest Hits.
Bright Lights And Back Alleys.
The Montreux Album.
Auk þess hafa þeir gefið út fjöldann
allan af litlum plötum.
)
Z. tbl. Vikan31