Vikan - 11.01.1979, Blaðsíða 62

PÓSTIRIW
Á verfíð
Kæri Póstur.
Mig langar að spyrja þig
nokkurra spurninga, sem ég
vona að þú svarir.
1. Hvert á maður að snúa
sér ef maður ætlar á vertíð á
Austfjörðum, Vestfjörðum og
Norðurlandi?
2. Mig langar agalega mikið til
Englands I vist, til hvers getur
maður snúið sér? Ekki segja.
bíddu eftir auglýsingu I
dagblöðunum!
Fyrirfram þökk.
Ein ævintýrasjúk
Reyndu að auglýsa sjálf í
dagblöðum, hafa samband við
útgerðarmenn. Einnig gætir þú
talað við Ráðningarstofu
Reykjavíkurborgar og einhver
þessara ætti að geta aðstoðað
þig við að komast á vertíð, ef þú
hefur aldur til, sem Pósturinn
efast reyndar um. Viljirðu
komast til Englands í vist og
telur þó allsendis ófært að bíða
eftir auglýsingu í dagblöðunum
gætir þú reynt að fara í enska
sendiráðið á íslandi og biðja um
aðstoð og upplýsingar þaðan.
Prógramma-
söfnun
Kæri Póstur.
Þetta er ekki eitt af þessum
„Ég er hrifinn af stelpu, sem er
ekki hrifinn af méri’-bréfum.
Mig langar aðeins að vita hvort
einhver sé með umboð fyrir
bíóprógrammasöfnun hérá
íslandi og hvar það sé. Ef það
er ekki til, væri ekki ráð að
koma slíku upp. Þeir eru
örugglega margir sem vilja
safna bíó-prógrömmum: frekar
en ýmsu öðru sem umboð eru
fyrir.
Ég vona að Helga sé södd og
að þú skiljir skriftina mína.
Prógrammasafnarinn
Eina ráðið fyrir þig er sennilega
að skrifa Póstinum og biðja um
birtingu á nafninu þínu í
pennavinadálkinum. Þar tækir
þú að sjálfsögðu fram að þú
vildir komast í bréfasamband
við aðra sem hafa slíka söfnun
að áhugamáli.
Blaðamennska
Kæri Póstur!
Mig langar mikið að vita,
hvaða menntun maður þarf að
hafa til að geta stundað
blaðmennsku. Er til einhver
blaðamannaskóli hér á landi,
eða kemur einhver önnur
menntun til greina?
Með von um birtingu.
Kristján Jóhann
Það er enginn blaðamannaskóli
til á íslandi ennþá, en slíka
menntun sækja margir til hinna
Norðurlandanna og fleiri landa.
Sennilega eru fæstir íslenskir
starfandi blaðamenn með próf í
blaðamennsku, en það fer þó í
vöxt. Engrar ákveðinnar
menntunar er yfirleitt krafist.
Slíkt mun metið í hverju tilviki
sérstaklega, en þó munu ýmsar
greinar háskólanáms vera
nokkuð góð undirstaða.
Nafnið Silja
Hæ Póstur.
í 49. tbl. er spurt um
merkingu nafnsins Silja. Ég á
dóttur með þessu nafni og fékk
ég þær upplýsingar frá finnskri
konu, að Silja væri fnnska
orðið yfir grávíðir.
GH
Þessa merkingu var hvergi að
finna í uppsláttarritum Póstsins
og kann hann GH bestu þakkir
fyrir ábendinguna.
Pennavinir
Sigriður Guðlaug Björnsdðttir, Túngötu
47, 820 Eyrarbakka, óskar eftir
pennavinum á aldrinum 11-14 ára. Er
sjálf 12 ára.
Sigriður Þörstina Sigurðardóttir,
Gilsbakka 9, 710 Seyöisfirði óskar eftir
aö skrifast á við stráka og stelpur á
aldrinum 12-14 ára. Hún ersjálf 13 ára.
Áhugamál margvísleg.
Erling Chr. Darbo, Granettveien 3A,
3600 Kongsberg, Norge vill komast i
bréfasamband viö íslenska myntsafnara.
Hann er 15 ára gamall norskur strákur
með mikinn áhuga á myntsöfnun.
Elisabet Halldóra Pálsdóttir, Hliðarvegi
53, 625 Ólafsfiröi óskar eftir penna-
vinum, strákum á aldrinum 17-24 ára.
Hún er sjálf 16 ára. Mynd fylgi fyrsta
bréfi. ef hægter.
Jón Guðbrandsson, Holtsgötu 26, Y-
Njarðvík, óskar eftir að skrifast á við
stráka og stelpur á aldrinum 16-20 ára.
Áhugantál margvisleg og mynd óskast
með fyrsta bréfi ef hægt er.
Systirin skammast
endalaust
Halló Póstur.
Mig langar að biðja þig um að birta þetta bréf fyrir mig.
Þannig er mál með vexti, að ég er bvrjuð í skóla sem í er
varla nema besta fólk og bý á heimavist. Hér kynntist ég
stelpu sem ég heimsæki stundum. (Bara í herbergið, ekki
heim til hennar). Ég á svstur I sama skóla. Hana kalla ég bara
X þegar ég skrifa þetta. Hún er eldri en ég og ævinlega að
skamma mig. T. d. vorum við í sömu vinnu I sumar og
fyrrasumar, og þegar við vorum á leiðinni heim á kvöldin,
skammaði hún mig stöðugt fyrir að vinna illa. Nú skammar
hún mig fyrir að vera ekki með hinum krökkunum. Hún
skammar mig fyrir svo margt, að það væri ekki hægt að
skrifa þaö í þykkustu bók í heimi. Hún er svo ekkert skárri
sjálf. Við erum ekki I sama herbergi. Vinkona mín er í
herbergi á sama gangi og systir mín. Ég fer oft til vinkonu
minnar og þá fer ég til X í bakaleiðinni. En þá heldur hún
að ég eigi enga vini. Hún skammar mig oft, og ég grenja
undan henniféger 14 ára). Stelpan, sem ermeð XI herbergi, er
góð I sér. Það fer I taugarnar á henni þegar X skammar
mig. Vanalega segir X svo annarri systur minni frá, þegar
hún hefur skammað mig. Svo spyr sú systir mín því ég geri
þetta, sem X er að segja henni. Ég segi sannleikann en hún
trúir því ekki (Vanalega ýkir X dálítið). Þá spyr ég hana því
hún Ijúgi, en þá segir hún: Þetta hef ég aldrei sagt! Ég veit
ekki hverju ég á að trúa. Svo kjaftar systur mínar öllu. sem
ég geri, og nú er fólk farið að líta á mig eins og eitthvað
furðudýr eða hálfvita. Ég reyni að koma mér undan
skömmum, en mér misheppnast alltaf. Ef ég segi öðrum
h vernig þær eru þá er ég skömmuð og hótunum og áhríns-
orðum rignir yfir mig. Ég veit ekki hvernig ég á að haga
mér. Mig langar svo til að strjúka! Hvernig myndir þú þola
svona lagað? Viltu segja mér það.
Bæ.
Ein, sem bíður vongóð
eftir svari.
Eldri systkini geta orðið nokkuð erfið í umgengni á
unglingsárunum og Pósturinn getur vel skilið að þér finnist
ástandið illþolanlegt. Þú ættir nú samt að taka þessu öllu með
þögn og þolinmæði og reyna bara að vera sem minnst á vegi
systranna um tíma. Sennilega ert þú líka mjög viðkvæm og
tekur framkomu þeirra óþarflega nærri þér og einmitt það
getur orðið þeim mikil freisting til að skeyta skapi sínu á þér,
þegar illa árar hjá þeim sjálfum. Margir unglingar verða
óskaplega skapillir og erfiðir í umgengni á ákveðnu aldurs-
skeiði og líklega á það sinn þátt í atferli eldri systur þinnar.
Þetta gengur yfir og þið getið verið orðnar bestu vinkonur
eftir nokkurár.
62 Vlkan 2. tbl.