Vikan - 25.01.1979, Blaðsíða 56

Pöddurnar vildu ekki af
Kœri draumráðandi!
Mig langar til að biðja þig að ráða
fyrir mig eftirfarandi draum:
Mig dreymdi, að ég og vinkona mín
stæðum fyrir framan hús mágkonu
minnar. Stóðum við á gangstéttinni, og
var bifreið stödd þar, en ég man ekki
litinn á henni, en bifreiðin glansaði.
Fannst mér, að við ætluðum að fara
að spila á húddinu. Var þá vinkona
mín með rauð spil, en ég blá, en
hennar spil voru aðeins stærri. Segir
hún þá, að hún geti ekki spilað, vegna
þess að spilin séu svo fitug. Fór ég
þá að skoða spilin, sem voru úr pappa,
en í rauninni var þetta ekki fita,
heldur litlar, brúnar pöddur. Finnst
mér þá, að svört, stór padda sé á úln-
liðnum, og ætla ég að slá hana af mér,
eins og þegar moskítóflugur setjast á
mann, en hvað oft sem ég sló, þá fór
hún ekki af. Þá finnst mér hún stinga
mig og detta síðan af og skilja eftir sig
tvo svarta punkta. Þá sá ég, að það
voru tvær aðrar svartar pöddur á
handleggnum. Fór ég þá að tala um
þetta við vinkonu mína, en hún sagði
ekki neitt, en reif I þess stað upp
bolinn, sem ég var I, og skellti
spilunum á magann á mér. Leit ég þá
niður, og var ég þá öll stungin á
maganum.
Virðingarfyllst. Halla
Þú lendir sennilega í einhverjum
vandræðum alveg á næstunni og eiga
þar vinir þínir hlut að máli. Gættu þín á
að vera ekki of auðtrúa og gerðu þér
grein fyrir að ekki eru allir jafneinlægir.
Ekið yfir brú
Kæri draumráðandi!
Mig langar að fá ráðningu á tveimur
draumum mínum. Mig hefur tvisvar
sinnum dreymt, að ég væri í bíl og
keyrði eftir dal (ég var í sveit, þegar ég
var lítil). Mér fannst vegurinn vera
mjór og vondur yfrferðar, og ég kem
að brú. Brúin var mjög mjó og erfitt
að komast yfir hana og sérstaklega,
þegar ég fór yfir hana í bakaleiðinni.
Þá endaði draumurinn. tseinni
draumnum var eiginmaður minn með
og við förum alveg sömu leið og þá,
sem égfór Ifyrri draumnum. Þegar
við erum komin yfir brúna, keyrum
við smáspöl, en þá er allt í einu
kominn mjög mikill snjór. Mér finnst
hann fara út úr bílnum ásamt fleirum,
svo ég verð ein eftir. Þeir voru að
Mig
drcymdi
sækja eitthvað í flugvél þarna rétt hjá,
en svo kom maðurinn minn bara einn
aftur og var engin bakaleið. Varð
draumurinn ekki lengri.
Núna á stuttu tímabili hefur mig
dreymt þrjá drauma og eru allir mjög
svipaðir. Mér finnst ég alltaf vera
komin á skólabekk aftur, með sama
fólkinu og í sama barnaskólann og ég
var í rauninni í. í einum draumnum
finnst mér ég hafa son minn hjá mér í
vöggu við hliðina á borðinu. Eldri
sonur minn eða maðurinn minn hafa
ekkert komið fram I þessum þremur
draumum.
Með fyrirfram þökk fyrir birtinguna
Ein dreymin.
Fyrri draumarnir eru fyrir mikilli
auðsæld og gæfu og gæti þar jafnvel
verið um happdrættisvinning að ræða.
Siðari draumarnir eru fyrir óvinum, sem
reyna að lítillækka þig, og þú ættir að
gæta þess að láta ekki fljótfærni ráða
gerðum þínum.
Grænt slím inn um
stofugluggann
Kæri draumráðandi!
Mig dreymdi, að það væri að ganga
veiki, sem var kölluð græna veikin.
Hún var mjög hœttuleg. Svo eitt
kvöldið, er ég, maðurinn minn, barnið
mitt og mamma mín vorum heima I
rólegheitum, þá brotna allt í einu
stofugluggarnir og grænt slím kemur
inn um þá, ogþað heldur áfram að
leka inn. Svo að við forðum okkur, ég
fer og pakka nokkrum fötum ofan í
plastpoka, plastpokarnir voru þrír. Við
vissum, að allir, sem fengu veikina,
dóu. Svo var eins og græna slímið æti
allt, sem það fór yfir, allt bara brann,
en svo hellti ég vatni á það, þá hætti
það að skemma allt. Svo sáum við bíl
fyrir utan og fórum upp I hann öll
fjögur. Þá vaknaði ég.
Ég vona, að þú getir hjálpað mér
með þennan draum. Með fyrirfram
þakklæti.
3406-1144 Fríða
Draumur þessi boðar þér aðsteðjandi
erfiðleika og ef til vill einhverja hættu.
Þér mun þó takast að komast yfir þetta
og betri tímar eru í nánd.
Kristján Eldjárn
í draumi
Kæri draumráðandi!
Mig dreymdi, að ég vœri fyrir utan
einhvern kastala, hann var gamall og
svolítið draugalegur. Þá sé ég allt I
einu Kristján Eldjárn og konu hans og
margt fieira fólk. Ég sé Kristján koma
til mín, hann var I grábláum jakka-
fötum, í hvítri skyrtu með bindi. Hann
sagði: „Komdu sæl H", en þó með
svolitlum kulda.
Þá sé ég, að maður gengur I átt til
hópsins, en hann var örugglega
útvarpsmaður, því hann var með
míkrófón. Hann gengur að konu, en
konan var í svartri kápu og með dökkt
hár og fiýtti sér mjög mikið. Maðurinn
spurði hana, hvort hún kviði ekki
fyrir, að nú fengju þau ekkert annað
að borða en fisk eða kaldan mat. En
þá kom Kristján Eldjárn og sagði, að
það væri liðin tíð, að þau fengju
heitan og góðan mat. En þessi matur,
sem þau fengu, væri ekki svo vondur,
og allt í einu sagði hann: „ Gellur eru
fitandi. ” (Vinkona mín er kölluð
Gella).
Síðan labbaði hann til mín og sagði:
„Nei, komdu sæl og blessuð, H mín,
vonandi gengur þér vel í skólanum. Ef
ég hefði vitað, að þú œtlaðir að koma,
þá hefði ég komið með eitthvað að
gefa þér. ” En ég sagði: „Það er allt í
lagi, ég þarf ekkert."
Draumurinn varð ekki lengri, og ég
vona, að þú ráðir hann fyrir mig, því
mig er búið að dreyma tvisvar sinnum
mjög líka drauma og þennan.
Ein berdreymin
Sennilega verður þú fyrir óvæntu happi
og munt líklega njóta aðstoðar manna í
mikilsmetnum þjóðfélagsstöðum. Þetta
er þó blandið nokkrum erfiðleikum, sem
þú ættir þó að geta yfirstigið með nægri
sjálfsgagnrýni og dugnaði.
56 Vikan 4- tbl.