Vikan - 08.02.1979, Blaðsíða 62
PÓSTIRIW
Dónalegt bréf
frá Snjáldru
Kæri Póstur!
Við vorum að enda við að
lesa fremur nýtt tölublað af
Vikunni, og þar rákumst við á
mjög dónalegt bréf frá
einhverju fyrirbæri, sem kallar
sig Snjáldru. Hún ber það á
okkur, að við höfum víxlað
nöfnum meðlima ABBA á
þann veg, að við segjum (sem
rétt er) að Agnetha og Björn
séu gift og Anni-Frid og Benny
búi saman. Snjáldra snýr þessu
hins vegar við. Eftir þessu bréfi
Snjáldru að dæma, höfum við
fengið þá hugmynd um hana,
að hún sé rugluð á háu stigi.
Gerir Snjáldra sér grein fyrir
því, að Agnetha og Björn hafa
verið gift í tœp sjö ár og eiga
saman tvö börn Elínu Lindu og
Peter Christian. Anni-Erid og
Benny hafa búið saman í átta
ár, en giftu sig 7. okt. sl. Ef
Snjáldra trúir þessu ekki ennþá,
þá viljum við benda henni á
bókina um ABBA, sem kom út
um jólin 77. Þar fœr hún alla
þá vitneskju um hjónabands-
mál meðlima ABBA, sém
HÚN þarfnast. En hins vegar,
ef hún vill afla sér meiri
vitneskju um ABBA eftir að
hafa lesið „Bókina um
A BBA ", þá viljum við benda
henni á bókina „ABBA ” eftir
Harry Edgington og Peter
Himmelstrand, hún er reyndar
á ensku, en gefur mjöggreinar-
góðar upplýsingar umþau. Að
lokum viljum við afsaka það
sem við skrifuðum um heimili
Anni-Frid og Benny, en þau
búa á Sundingö, en ekki í
Gamla Stan, eins og við
sögðum. Og svo að lokum,
getur þú sagt okkur, hvað
konan hans Björg\>ins Halldórs-
sonar heitir?
Virðingarfyllst.
51995 og 52504
P.S. Fyrirfram þökk fyrir
birtinguna!
Svo mörg voru þau orð frá
51995 og 52504. Hinn
poppfróði Póstur ætlar alls ekki
að blanda sér í deilu ykkar og
Snjáldru, en þeirri síðarnefndu
er að sjálfsögðu boðið rúm í
dálkinum fyrir svarbréf. Ó-o, nei
Pósturinn veit ekkert um hjóna-
bandsmál Björgvins Halldórs-
sonar!
— Ertu að reyna að tæla mig,
Magnús?
Við rífumst
alltaf
Kæri Póstur!
Ég er í hrœðilegum vanda
núna. Það er nefnUega
þannig, að við vinkona mín
getum varla talast við, án þess
að byrja að rífast. Við erum
búnar að vera vinkonur í 7 ár,
og á öllum þeim tíma höfum
við aldrei rifist eins mikið og
síðustu 3-4 mánuði. Við höfum
alltaf verið eins og tvíburar, en
nú erum við alltaf að rífast.
Hvorug okkar er langrækin,
svo þegar við hittumst þá er
alltaf allt í himnalagi. En ég er
að verða vitlaus á því að vera
alltaf að rífast og sættast.
Tilefnin eru mjög mismunandi,
t.d. segir önnur okkar kannski,
að hin haf ekki komið eins og
hún haf lofað, og þá finnst
henni þetta vera svona en
hinni hitt. Þetta virðist
voðalega heimskulegt, en þetta
er alvarlegt mál. Fjölskyldan
mín segir t.d„ að lykti langar
leiðir af mér fýlan. Ég vona
bara, elsku póstur minn, að þú
gefir mér eitthvert gott ráð, en
segir ekki eins og mamma, að
þetta sé bara aldurinn (vinkona
mín er 14 ára, en ég 13).
Með von um birtingu og
svar.
Ein, sem vill ekki
tapa bestu vinkonu
sinni fyrir fullt |
og allt.
Er ég kynköld?
Kæri Póstur!
Mig langar að leita ráða hjá þér í sambandi við
vandamál, sem ég á við að glíma.
Þannig er að ég er trúlofuð strák, sem ég hef verið með
síðan ég var 14 ára (ég er 17, hann 21). Fljótlega eftir að
við byrjuðum að vera saman höfðum við líkamlegt samband,
sem gekk vel þar tilfyrir rúmu ári, þá fór ég að missa
áhugann. Þetta veldur mér miklum áhyggjum, því mér
þykir mjög vænt um piltinn og ég held að hann sé orðinn
hálfpirraður á þessu áhugaleysi, þó hann láti ekki á því
bera.
Getur verið að ég sé það, sem kallað er að vera kynköld,
og er þá hægt að gera eitthvað við því? Ég vona að þú
svarir þessu bréfi oggefir mér einhverjar ráðleggingar.
Með fyrirfram þökk fyrir birtinguna.
Kolka
Þetta er nokkuð algengt vandamál hjá stúlkum, sem byrja
mjög ungar fast samband. Ástæður geta verið fjölmargar og
samverkandi, en varla þó óyfirstíganlegar. Pósturinn telur
nokkuð vist að þú hafir tekið pilluna til þess að forðast getnað
og sé það rétt getur það verið stærsta orsökin fyrir þessu.
Pillan er talin geta valdið tímabundnum kynkulda hjá konum
svo þú ættir að taka þér góða hvíld og reyna þá eitthvað
annað í hennar stað. Einnig geta þarna verið einhverjar
sálrænar orsakir, þér hafi ef til vill verið um megn það sálræna
álag, sem óhjákvæmilega hlýtur að fylgja, þegar þú hefur ekki
verið nema fjórtán ára og því vafasamt að þú hafir verið búin
að ná þeim andlega þroska, sem til langvarandi sambands
þarf. Þegar fólk almennt talar um kynkulda er ekki átt við
sambærilegt vandamál og þú átt við að glíma, því það er
ósennilegt að þetta ástand hjá þér vari til langframa. Ræddu
þetta af hreinskilni við vin þinn og þið ættuð að geta hjálpað
hvort öðru í leit að viðunandi lausn. Þar sem þú býrð úti á
landi er fremur eritt fyrir þig að ná tali af sérfræðingi í
kvensjúkdómum, sem reyndar væri rétti aðilinn að snúa sér til
í þessu máli. Gerðu þér samt grein fyrir að Pósturinn hefur
enga undralausn á þessu, og allar tilraunir til úrbóta taka tals-
verðan tíma, svo nú reynir á þolinmæðina hjá ykkur báðum.
62 Vikan 6. tbl.