Vikan - 15.02.1979, Blaðsíða 39
Nautin breyttust í
svertingja_______________________
Kæri draumráðandi!
Mig langar að biðja þig um að ráða
draum fyrir mig. Hann var á þessa leið:
Ég var stödd úti á bryggju og var að
bíða eftir strák (sem ég er í alvörunni
hrifin af). Við vorum að fara á bal! og
var þetta seint á laugardagskvöldi. Ég
var búin að bíða langi, þegar strákur
sem við getum kallað Z kom labbandi
eftir bryggjunni (hann er gamall vinur
minnj.Þá sé ég hvar X kemur, og
dettur hann allt í einu milli báts og
bryggju. Við Z náðum honum upp, en
hann var þá dáinn. Við Z urðum
svolítið hrædd og ákváðum að labba í
burtu. Þá vorum við allt í einu komin
að stóru túni, og voru þar margar
beljur og naut, sem voru alveg að
detta I sundur af hor. Við vorum á
leiðinni inn í girðinguna, þegar mér
finnst einhver grípa í okkur og hlaupa
burt með okkur. Þá breyttust nautin í
svertingja en beljurnar hurfu. Okkur
var hent inn í einhverja hlöðu, og þá
sáum við að maðurinn sem hafði tekið
okkur var krypplingur í engum fötum,
fyrir utan slitinn stráhatt, sem hann
var með á hausnum og perlufesti sem
var vafin um mittið. Allir
svertingjarnir voru komnir inn, en
krypplingurinn bar þá út á tún aftur.
Við notuðum þá tœkifœrið og skriðum
út um lítið gat á hlöðunni.
Krypplingurinn elti okkur, en náði
okkur ekki, og það næsta sem ég vissi
var, að við vorum komin á ballið. Og
þá var Z allt í einu orðin X! Við það
vaknaðiég. Joakim von And.
Þessi draumur er aðvörun til þín um að
ef þú hafir ekki betri taum á
imyndunaraflinu geti illa farið. Einnig
eru þarna tákn um nokkur fjárhags-
vandræði og óvenju erfitt árferði.
Bátur sem hvolfír
Kæri draumráðandi!
Mig langar til að biðja þig að ráða
þennan draum fyrir mig.
Mig dreymdi að ég sat við gluggann
í herberginu mínu og horfði yfir
höfnina. / höfninni var stór hvítur
bátur. Allt í einu hvolfir bátnum og ég
sé mennina úr honum fjóta í sjónum.
Ég varð hrædd og ætlaði cð fara að
sækja hjálp. Þegar ég er að fara út
verður mér litið í spegil, og sé ég þá,
að tennurnar I mér eru allar kolsvartar
og svo byrja þær að detta úr. Ég
hugsaði ekki meira um það heldur
flýtti mér niður í forstofu og fer að
klæða mig í úlpu, það gengur heldur
Mig
dreymdi
illa, því hárið á mér þvælist svo fyrir.
(Ég er með stutt hár, en í draumnum
var ég komin með mikið sítt hár.)
Þegar ég kem út er allt hulið blárri
móðu svo ég sé ekkert hvert ég er að
fara. Þegar ég er búin að ganga stutta
stund, hitti ég strák og segi honum frá
mönnunum I sjónum. Hann leiðir mig
niður að sjó og við ákveðum að
hjálpa þeim, en þegar þangað kemur
flnnum við þá hvergi. Við syndum
aftur í land og þá er komið glaða
sólskin. Við göngum upp ífljall og
liggjum þar og látum sólina þurrka
okkur og ég man að mér leið mjög vel.
Með fyrirfram þökk fyrir birtinguna.
KM
Líklega verður þú að ganga í gegnum
mikla erfiðleika innan skamms, sem þér
finnst á stundum að engin lausn sé á. En
þú kemst yfir þetta eftir því sem tímar
líða og verður bæði reynslunni ríkari og
stendur einnig betur að vígi að flestu
öðru leyti, þegar öll kurl koma til grafar.
Akstur, hundar og vatn
Kæri draumráðandi!
Mig dreymdi drauma fyrir nokkru
sem mig langar til að biðja þig að ráða
fyrir mig.
Sá fyrri er svona. Ég var að aka
rútu með manninum mínum, það voru
tvö stýri á henni, og sat ég við annað
en maðurinn minn við hitt. Börnin
okkar voru fyrir aftan okkur. Allt I
einu fer maðurinn minn út og hverfur
og ég átti í mestu vandræðum með að
stýra rútunni með báðum stýrunum í
einu. En mér tókst það með æflngunni
og gífurlegri einbeitingu. Þá var allt í
einu kominn í bílinn gamall vinur
minn og sat hann aftur I bílnum, hjá
börnunum. Mér fannst hann vera að
passa krakkana fyrir mig, en hann var
mjög hlýr og undirgeflnn og vildi allt
fyrir mig gera.
Jörðin var frosin og öll lögð svelli,
og mér fannst ég líta í spegilinn. Þá sé
ég tvo hunda koma hlaupandi á eftir
bílnum, það lagaði blóð úr fótunum á
þeim og þeir voru illa til reika. Annar
var svartur en hinn hvítur. Ég
stoppaði bílinn og tók þá upp í, og
breyttist þá svarti hundurinn í strák,
u.þ.b. 4 ára gamlan, dökkan yflr/itum,
en sá Ijósi breyttist í stúlku 2-3 ára
gamla. Drengurinn var frekar baldinn
og erfiður og mér fannst vinur minn
hafa nóg að gera við að passa börnin.
Ég ók áfram og kom að smábrekku
niður í móti og olli það mér erflðleik-
um að stýra bílnum. En ég hægði
ferðina og fór þetta rólega.
Framundan blasti við grösugur dalur
og sólskin. Síðan fór ég heim, og var
þá maðurinn minn kominn þangað.
Hann kallaði á mig, og þegar ég spurði
hvað hann vildi, hellti hann úrflska-
búri yflr mig, óvart þó, og fannst mér
það allt í lagi.
Seinni draumurinn er svona. Ég var
stödd í þorpi og voru allar götur
þaktar vatni, frekar djúpu. Ég var að
hoppa þarna á milli þurru blettanna
og vöknaði í fæturna við og við. Mér
fannst fólkið á staðnum agalega ruglað
og aumingjalegt yflr öllu þessu vatni
og hver reyndi að bjarga sér eins og
hann best gat. Ég fór inn í hús hér og
þar og var að leita að einhverju, sem
ég man ekki hvað var. Þegar ég kem á
einn staðinn, sé ég foreldra vinar míns,
sem ég talaði um í fyrri draumnum.
Þau sátu í rólegheitum og var allt
þurrt í kringum þau. Égsettist niður
hjá þeim og spjallaði um stund, en hélt
síðan áfram.
Jæja, þá er ég búin. Ég vona að þú
getir ráðið eitthvað úrþessu kæri
draumráðandi. Takk fyrir birtinguna ef
af henni verður. Ein dreymin
Þarna er nokkuð sterkur fyrirboði um
að illa geti farið ef öll reglusemi og
varfærni er látin lönd og leið. Þú getur
átt von á einhverjum persónulegum
erfiðleikum, bæði í samskiptum við
manninn þinn og aðra, sem þér eru
kærir. Farðu þér hægt og reyndu að
hugsa allar gjörðir af skynsemi og festu,
því sennilega kemst þú í gegnum þetta
allt án aðstoðar annarra, ef viljinn er
fyrir hendi. Veikindi setja að líkindum
mark sitt á ákveðið tímabil, en það er
aðeins tímabundið ástand. Gættu þess
vandlega að láta ekki augnabliksáhrif
ráða ferðinni, því ella getur farið verr en
þú hyggur í fyrstu
7. tbl. Vikan 39