Vikan - 05.04.1979, Blaðsíða 70
PÓSTIRINX
James Last og
stóra stjarnan
í hásuðri
Kcera Vika!
Getur þú sagt mér eitthvað
um hljómsveitarstjórann James
Last, uppruna hans og feril.
Hvað heitir stóra stjarnan,
sem sést þessa dagana, snemma
á morgnana lágt á lofti í
hásuðri. §
Þessar síður teljast varla til
poppfræðidálks, svo það skal
alveg látið vera að svara
spurningum um James Last. Æ,
æ, nú stendur Pósturinn alveg á
gati, veit í sannleika sagt
skammarlega lítið um himin-
stjörnurnar. Kannski einhver
lesandinn gæti frætt okkur um
þessa stjörnu?
Aftur poppfræði-
ritið
Ég sé fram á það að ég verð
að skrifa hinu háttvirta tísku-
tímariti aftur.
Ég skrifaði Vikunni fyrir um
fjórum vikum og ætlaðist til að
það hréf birtist einhvers staðar í
blaðinu. En Vikunni hefur
greinilega fundist þetta
ósanngjörn gagnrýni, sem ég
setti fram í bréfi mínu. Ég ætla
mér að gefa Vikunni einn séns
enn og ef hún notar ekki
þennan séns, þá sé ég ekki
fram á annað en ég neyðist til
að segja upp áskrift blaðsins.
Ég er viss um að það gera fleiri
ef Vikan heldur áfram á þeirri
línu, sem hún er á nú.
Hér kemur innihald fyrra
bréfs míns.
Fyrir nokkrum mánuðum
hætti í tímaritinu Vikunni
fastur þáttur, sem bar nafnið
Poppfræðirit.
Þessi þáttur var mjög góður
og fróðlegur og þar var í
flestum tilfellum talað um
raunverulega tónlistarmenn, en
ekki neinar eftirhermur og
diskósnúða. í staðinn byrjar
Vikan svo með þáttsem kallast
Poppkorn. Þessum þætti
stjórnar hinn ágæti maður
Helgi Pétursson. Ég tel að þessi
þáttur hans Helga særi
tónlistarsmekk fólks, sem
hlustar og fylgist með
raunverulegri tónlist, en ekki
einhverri skrumtónlist. Helgi
virðist þarna í þætti sínum vera
að fylgja tískufyrirbæri en ekki
tónlistarstefnu. Síðan þátturinn
byrjaði hefur nær eingöngu
verið rætt um diskótónlist, ef
tónlist skyldi kalla, og súkku-
laðidrengi og stelpur. Boney M,
Andy Gibb, Bee Gees, Osmond
og fleiri slíka misþyrmara tón-
listar.
Eins og fyrr segir tel ég að
þetta tal sœri tónlistarsmekk
þess fólks, sem les Vikuna og
hefur gaman af tónlist. Ég
skoraði á Helga Pétursson og
Vikuna að bæta ráð sitt og
snúa blaðinu við og tala um og
birta fréttir af
RAUNVERULEGU tónlistar-
fólki.
Ég og örugglega fleiri erum
búin að fá nóg af þessu diskó-
skrumi, sem fyllir allar popp-
síður dagblaðanna, dynur í
útvarpinu og treður upp í
kvikmyndahúsunum.
Ég enda svo bréf mitt á því
að skora enn einu sinni á
Helga Pétursson og Vikuna að
bæta ráð sitt og birta myndir,
fréttir og snakk um almennilegt
listafólk svo sem: Santana,
Frank Sappu, Subertramp, Kinks,
Peter Gabriel, Steely Dan,
Jethro Tull, Thin Lissy, Bob
Marley, King Crimson,
Tangerine Dream, Weather
Report og marga, marga fleiri
virkilega listamenn. Þeir eru
eitthvað skárra en þetta eilífa
Gibba gibb og Boney M
skrum.
Svo skora ég á Vikuna að
sýna hugrekki og birta bréfið.
Með fyrirfram þökk fyrir
birtinguna.
Áskrifandi
Svo mörg voru þau orð og skutu
þau Póstinum svo mjög skelk i
bringu að hann birtir þitt annað
bréf um þetta efni, svo ef það
aðeins er uppsagnarástæða
getur þú nú óhræddur verið
áskrifandi til dauðadags. Kærar
þakkir fyrir umsögn þína um
hugrekki Póstsins og Vikunnar
og skulum við vona að þér fari
senn að svella móður. Hvað
tónlistarsmekk Helga Pé
viðkemur hefur þér verið svarað
í fyrra bréfi og svari við því og
vonandi sættirðu þig við þau
málalok. Annars væri ekki úr
Gerir ekkert annað en
sofa hjá
Kœri Póstur!
Nú langar mig að leita ráða hjá fólki, sem er vitrara en
ég. Hvað á ég að gera?
Sonur minn, sem er 23ja ára, kemur heim með 15 ára
skólastelpu, sem þar með hættir í skóla og gerir ekkert
annað en sofa hjá. Hvernig á ég að snúa mér í svona máli?
Foreldrar hennar skipta sér ekkert af þessu. Ég vil ekki hafa
hana á heimUinu, en það þýðir ekkert að segja henni það.
Nú bið ég ykkur um góð ráð.
Með kveðju.
Didda.
Það er í rauninni fátt, sem hægt er að ráðleggja þér að gera,
því allar athafnir þínar verða að byggjast á hvernig sambandi
þír.u við soninn er háttað. Hafi það verið gott og þið átt
auðvelt með að tala saman til þessa, ættir þú að ræða við
hann og reyna að hafa einhver áhrif á gang mála. Ef samband
ykkar hefur hins vegar verið stirt myndir þú gera langréttast í
því að láta þetta afskiptalaust eins og foreldrar stúlkunnar
virðast gera. Það er oft aðeins til hins verra að skipta sér af
einkamálum annarra, því sonur þinn er fullorðinn maður og á
að geta tekið eigin ákvarðanir hjálparlaust. Þú verður líka að
gera þér grein fyrir hvort þú ert aðeins afbrýðisöm út í
stúlkuna eða hefur einlægar áhyggjur af námi hennar og
framtíð, þvi þetta gæti orðið tengdadóttir þín. Ef hið síðara er
raunin getur þú örugglega hjálpað, því Pósturinn á bágt með
að trúa að ekki sé hægt að ganga í skóla líka, þótt kynlífið
reynist þeim eitthvað tímafrekt. Láttu alveg vera að ýta henni
út af heimilinu. Það gæti orðið til þess að sonur þinn færi líka
og vanhugsuð orð og athafnir foreldra eru oft orsök slæms
sambands við tengdabörn síðar.
70 Vikan 14. tbl.