Vikan - 12.04.1979, Blaðsíða 34

Á síðasta plankanum
stóð Jón
Kæri draumráðandi!
Mig langar að biðja þig að ráða
þennan draum, sem mig dreymdi fyrir
ári. Mig dreymdi, að ég og strákurinn,
sem ég hef verið með um tíma, vorum
að fara með skipi, en pabbi minn var
bryti á skipinu, og pabbi stráksins var
skipstjóri. Þegar skipið var að fara frá
bryggju, datt ég út í sjó. Næsta sem ég
man var það, að Jón var að láta
planka út í sjóinn, og plankarnir voru
þrír, og sá síðasti kom alveg upp að
mér. Komst ég á hann og líka þann
næsta, en á síðasta plankanum stóð
Jón og rétti mér höndina, og ég tók í
hana. En þegar ég var að stökkva til
hans, þá sá ég tóbaksdós úr gulli með
upphafsstöfum pabba míns, og var
dósin næstum dottin í sjóinn, en Jón
greip hana. Svo var okkur bjargað upp
á bryggjuna, og þegar ég leit niður
fyrir mig, sá ég tvær tóbaksdósir úr
gulli með upphafsstöfum pabba míns
og pabba hans. Lengri var draumurinn
ekki.
Með von um birtingu.
Edda.
Draumur þessi boðar þér snögg
umskipti á mörgum sviðum og óvænt
tíðindi í því sambandi. Líklega mun ein-
hver verða þér til ómetanlegrar
aðstoðar, afleiðingar þess koma síðar i
ljós og verða þér til framdráttar.
Eitthvað stendur í vegi fyrir þér og
áætlunum þínum, sem ekki verður á
nokkurn máta yfirstigið nema með
aðstoð utanaðkomandi aðila. Óvæntir
atburðir, ef til vill tvíþættir og tengdir
feðrum ykkar beggja, vega hér þungt.
Hálsmen úr appelsínu-
bleikum kröbbum
Kæri draumráðandi!
Mig langar að biðja þig um að ráða
draum, sem mig dreymdi og er mjög
forvitin að vita, hvað hann þýðir. Eg
skrifaði þér fyrir um það bil mánuði,
en ég hef ekkert svar fengið svo ég viti
ti! nú ætla ég að reyna aftur og
vonast eftir ráðningu.
Draumurinn var á þessa leið:
Mér fannst einhver vera að gefa mér
litla appelsínubleika krabba, sem ég
átti síðan að gera hálsmen úr. Mér
Mig
dreymdi
fannst eins og það væri pottur fullur
af þessum kröbbum. Ég leit ofan I
pottinn og mér var boðið að taka einn,
en sagði nei, því þeir gætu bitið mig.
Þá var mér sagt að þeir væru allir
dauðir. Leit ég þá aftur ofan I og sá að
einn hreyfði sig. Mér fannst þeir allir
Ijótir og svartir nema einn, sem ég var
með í lófanum. Mér fannst hann
fallegastur, appelsínubleikur ogég
passaði hann mjög vel
Svo fannst mér ég vera að fá mér
gullkeðju til að gera þetta krabbaháls-
men. Þá fannst mér ég vera komin
með gullhring og úr og einhver vera
að setja, pranga eða neyða á mig
hálsmeni einnig úr gulli. Mér fannst
það a/ltof klossað, en ég er mikið fyrir
netta og fina skartgripi. En svo prófaði
ég hálsmenið og fannst það ekkert svo
slæmt og setti það á mig.
Bestu kveðjur,
O.S.H.
Það er ýmislegt sem vantar í lýsingu
þína á draumnum sem gæti skipt máli
varðandi ráðninguna, en það má reyna
að geta sér til um ákveðna þætti. Að
mörgu leyti er þetta fremur slæmur
draumur og er þér vænlegast að gæta
vel að eigin framkomu og taka nýjum
kunningjum með varúð. Ýmislegt í
draumi þessum gæti jafnvel boðað fang-
elsun annaðhvort mjög náinna vina eða
sjálfrar þín. Þó eru þarna einnig mjög já-
kvæðir þættir og bendir ýmislegt til að
þú eigir vin, sem reynast mun þér meiri
vinur í raun en nokkurn gat órað fyrir.
Farðu mjög varlega í því að tengjast
vafasömum persónuleikum sterkum
tilfinningaböndum, þvi þú gætir borið
alvarlegan skaða af.
Eldsvoði
Kæri draumráðandi!
Mig langar að biðja þig að ráða
þennan draum, sem mig hefur dreymt
mjög oft. Hér er svo draumurinn:
Ég var sofandi og það kviknaði í
húsinu. Pabbi minn stóð hjá rúminu
mínu og vakti mig. Ég flýtti mér I
fötin og hljóp fram. Pabbi minn vildi
flýta sér út, en mamma vildi vera eftir
og bjarga skartgripaskríni. Pabbi sagði
þá: „Ég ætla ekki að brenna mig og
tvö börn mín inni fyrir skartgripa-
skrín." Svo flýttum við okkur út. Ég
vaknaði þegar við komum út.
Dóra
Líklega er þetta fyrirboði um erfiðleika,
sem fjölskylda þín lendir í. Á einhvern
máta munuð þið reyna í lengstu lög að
forðast að taka ákvörðun í deilumáli, en
ættuð að hafa hugfast að það getur
enginn flúið vandamálin. Því er skárri
kostur að ræða þetta út í eitt skipti fyrir
öll og reyna að takast á við dökku
hliðarnar í tilverunni í sameiningu.
Silfurhringur í viðgerð
Kæri draumspekingur!
Mig dreymdi að ég fór með silfur-
hring í viðgerð. Ekki veit ég af hverju,
það kom ekki fram að neitt væri að
honum. Ég átti einu sinni svona hring,
þetta var grannur silfurhringur með
munstri gröfnu á hann allan.
Þegar ég sótti hringinn aftur var
munstrið horfið, hringurinn orðinn
sléttur og breiðari og þynnri, rétt eins
og hann hefði bara verið flattur út.
Strákurinn sem gerði við hann (enginn
sem ég þekki) sagðist ekki hafa getað
gert þetta öðruvísi.
Hvað lestu úr þessu? Ég man ekkert
annað úr draumnum, yfirleitt man ég
ekkert af því sem mig dreymir, svo ég
er forvitin að vita hvað þú segir.
Bestu kveðjur
Anna Guðmundsdóttir
Þú endurnýjar vináttu við gamlan
kunningja og kunningsskapur þessi
verður þér meira virði en nokkru sinni
áður. Gömul misklíð jafnar sig og þú
kemst að raun um að þessi gamli
kunningi er þér sannur og tryggur og
skilningur ykkar á milli verður dýpri og
haldbetri en áður.
34 Vikan is.tbl.