Vikan - 03.05.1979, Blaðsíða 31

ELVIS COSTELLO
- NÚTlMA
PRESLEY?
Hann er í útliti alger þversögn við
hefðbundnar hugmyndir um popp-
stjörnu, lifandi sönnun þess að það
verður sífellt erfiðara að skilgreina, hvað
það er sem skapar frægðina. Ef til vill
eru vinsældir hans tákn um gerbyltingu
á poppstjörnuimyndinni, því í útliti er
hann einna líkastur venjulegum
heimilisföður eða skrifstofumanni á
árunum í kringum 1960. Svipaða mann-
gerð var einmitt að finna á þeim árum á
leið til vinnu rétt fyrir níu á morgnana í
hverjum einasta strætisvagni Reykja-
víkurborgar. Þó verður það að segjast
eins og er að fæstir þeirra höfðu til að
bera þetta sérstæða aulalega yfirbragð,
sem einkennir Elvis Costello.
Hann er sagður 32ja ára gamall og
næstum blindur án gleraugna. Hér fyrr
á árum gekk hann undir nafninu Declan
MacManus, síðar D.P. Costello og að
síðustu Elvis Costello. Hann var áður
ósköp venjulegur tölvutæknir hjá fyrir-
tæki Elizabethar Arden, bjó i úthverfi
ásamt eiginkonu sinni og barni — en
samdi lög i frístundum.
Lítið er vitað um fortíð hans þar til í
ágúst 1976 er hann gekk inn á skrifstofu
Stiff Records og fékk samning á stund-
inni. Síðan hafa vinsældir hans aukist
hröðum skrefum og í Lögum unga
fólksins hér uppi á Fróni er hann að
verða eitt stærsta nafnið.
Svona í lokin: Hans mestu aðdáendur
segja að músík hans eigi alls ekki að láta
þægilega í eyrum. Sé svo hafir þú hlust-
að á rangan máta og verðir að byrja
alveg frá grunni á nýjan leik.
baj
18. tbl. Vlkan 31