Vikan - 24.05.1979, Blaðsíða 5
jBrúðhjónin Inga Hrönn Þorvaldsdóttir
og Jóhannes Ingimarsson.
unnar en við höfnum þeirri kenningu að
barn geti verið fullt af djöflinum og sjáum
ekkert fegurra í mannlífinu en nýfætt og
elskulegt barn. Við veljum sjálf okkar
lífsmynstur en ekki foreldrarnir, þó að
foreldrar geti óbeint haft óheillavænleg
áhrif á börn sín, til dæmis með drykkju-
skap.
Við lítum alvarlegum augum á hjóna-
bandið og brýnum fyrir fólki að flýta sér
ekki of mikið við makaval. Og við erum
algjörlega á móti lausasamböndum. Það
mikilsverðasta sem fólk kemur með inn í
hjónabandið er hreinleikinn. Ég gifti fólk
en les það aldrei í sundur.
— Við setjum lika algjört bindindi á vín
og tóbak sem skilyrði fyrir inngöngu í
söfnuð okkar.
— Hjá okkur er afar gróskumikið
safnaðarlíf. Hér er opið allan daginn og
bænarstundir kl. 4 hvern dag.
— Á þriðjudögum er biblíufræðsla og
einmitt núna vorum við að ræða um ísrael
Gamla testamentisins með hliðsjón af
samningunum milli Sadats og Begins. Og
þá sjáum við að orðið er að rætast í dag, þvi
að í Jesaja spádómsbók, 19. kafla, segir svo:
Á þeim degi skal vera brautarvegur frá
Egyptalandi til Assúr (Sýrlands), og
Assýringar skulu koma til Egyptalands og
Egyptar til Assúr. Og Egyptar munu til-
biðja ásamt Assýringum. Á þeim degi
munu þessir þrír taka saman: ísrael,
Egyptaland og Assúr, og vera blessun á
jörðinni miðri. Þvi Drottinn hersveitanna
blessar þá og segir: Blessuð sé þjóð mín
Egyptar, verkið handa minna Assúr og
arfleifð mín ísrael.
— Og svo er hérna spádómur sem varðar
ísland og einnig er að rætast í dag: Frá ysta
jaðri jarðarinnar heyrum við lofsöngva;
Dýrð sé hinum réttláta.
— Við búum á ysta jaðri jarðarinnar og
lofsöngvarnir er Passíusálmarnir, sem
fulltrúar okkar í Afríku eru einmitt að
dreifa út núna í enskri þýðingu.
JÞ
Sigurður Bjarnason: — Frelsarinn mun koma, og þá sem konungur.
Aðventistar
Halda hvíldardaginn
heilagan og bíða
komu frelsarans
Sigurður Bjarnason, formaður landsambands
Sjöunda dags aðventista, segir frá söfnuði
sinum, starfi og trú.
— Við tökum biblíuna sem innblásinn
boðskap frá Guði til mannanna. Hugmynd-
irnar gaf Guð en mennirnir reyndu síðan
að skrá þær með sínum fátæklegu orðum.
Jesús Kristur er kjamaatriði í trú okkar, allt
í senn skapari, frelsari og sá sem veitir fyrir-
gefningu syndanna. í biblíunni eru margir
spádómar um endurkomu Krists og við
trúum þvi að einn daginn muni hann snúa
aftur til jarðarinnar og þá ekki sem barn i
jötu heldur sem fulltíða maður — sem
konungur.
— í nafni okkar, sem er „Sjöunda dags
aðventistar”, felast tvær af þeim kenning-
um sem við boðum. Annars vegar er það að
við höldum síðasta dag hverrar viku, þ.e.
laugardaginn, heilagan en ekki
sunnudaginn eins og flestir kristnir menn
gera. Guð stofnaði daginn vegna
sköpunarinnar og Kristur segir okkur að
sá dagur hafi til orðið vegna mannanna.
Hann á að minna okkur á sköpunina og
endurkomu frelsarans. Hins vegar er orðið
„aðventisti”, „sá sem væntir”, sá sem trúir
og bíður endurkomu Krists konungs.
í söfnuði aðventista hérlendis er nú
skráður 521 maður og kona og eru þá börn
ekki meðtalin. Aðventistar skíra niður-
dýfingarskírn, eins og Kristur var skírður,
en það merkir að allur líkaminn er færður i
kaf en til þeirra verka hafa aðventistar
komið sér upp sérstakri laug í kirkju sinni
sem stendur við Ingólfstræti í Reykjavík.
Aðventistar reka 4 barnaskóla hér á
landi, auk þess sem þeir sjá um rekstur
Hlíðardalsskóla í Ölfusi þar sem eru tveir
bekkir grunnskóla og tveir bekkir mennta-
skóla. Mjög virk liknarfélög eru starfandi
meðal aðventista og sáu þau m.a. um alla
fataúthlutun í Vestmannaeyjagosinu við-
fræga. Einnig hafa þeir verið með sérstök
námskeið fyrir þá sem vilja hætta að
reykja.
Prestar aðventsafnaðanna eru menntaðir
í sérstökum skólum í Englandi og ljúka
þar námi með M.D. gráðu sem merkir
„Master of Divinity”. 4 prestar hafa verið
vígðir til þess konar þjónustu hérlendis, og
þar af eru 3 starfandi í dag. Safnaðar-
starfið felst aðallega í guðsþjónustum og
biblíurannsóknum.
Söfnuðir aðventista eru nú starfandi í
189 löndum af þeim 221 sem eru á skrá hjá
Sameinuðu þjóðunum. 3.2 milljónir manna
L.ru skírðir inn í söfnuðinn víðsvegar um
heiminn og eru börn þá ekki meðtalin.
Heimssamband aðventista hefur aðsetur í
Washington D.C., og er forseti þess kosinn
lýðræðislegri kosningu til 5 ára.
Fólk í aðventistasöfnuðum greiðir tíund,
þ.e. það greiðir einn tíunda af tekjum
sinum til safnaðarins og fara þeir
fjármunir til greiðslu á launum prestanna.
Aftur á móti skattleggur fólkið sig sjálft til
að standa straum af kostnaði við rekstur
skólanna sem áður var getið. Einnig reka
íslenskir aðventistar bókaútgáfu og er fyrir-
hugað að hún muni gefa út 5 bækur á
þessu ári sem nú er að líða.
EJ
21. tbl. Vikan 5