Vikan - 24.05.1979, Blaðsíða 6
Ólafur Haraldsson, forstöðumaður Bahá'ia hér á landi og Halldór Þorgeirsson: — Við þurfum ekki
presta þvi hver og einn getur rannsakað sarinleikann upp á eigin spýtur.
Bahá'í-trúin
Eining mannkyns,
jafnrétti kynjanna,
alheimsfriður
1844 opinberaði Báb sig og bauð heiminum að
búa sig undir komu spámannsins Bahá'u'iiah.
Bahá 'iar miða tímatal sitt við atburð þennan og
þvi er árið 136 hjá þeim um þessar mundir.
Ólafur Haraldsson, forstöðumaður Bahá'i
safnaðarins á íslandi, og fólagi hans, Halldór
Þorgeirsson, ræða við Vikuna um trú sina.
— Við trúum því að öll trúarbrögð séu
komin frá einum Guði og að til jarðarinnar
komi spámenn með jöfnu millibili. Öll
þekkjum við Móses, Jesúm og Múhameð
og sá yngsti er Bahá’u’llah. Við trúum að
spádómar annarra trúarbragða hafi
uppfyllst með komu hans, — að hann sé
opinberun fráGuði.
Bahá’u’llah fæddist 1817, opinberaði sig
1864 og dó 1892 sem fangi. Síðustu 30 ár
ævi sinnar dvaldi hann í ísrael sem nú er
landið helga í augum og hugum sporgöngu-
manna hans. Þar er aðsetur alheimsráðs
bahá’ía.
— Þetta eru ný trúarbrögð, segja þeir
Ólafur og Halldór, það er ekki verið að
lappa upp á eldri kenningar heldur er þetta
ný opinberun. Bahá’u’llah er spámaður
samtimans líkt og Jesús var spámaður sins
tima. Rauði þráðurinn í kenningum
Bahá’u’llah er sameining mannkyns, jafn-
rétti kynjanna, aldheimsfriður undir eftir-
liti alheimsstjórnar, alheimshjálpartungu-
mál og alheimsskyldunám svo eitthvað sé
nefnt. Með alheimsskyldunáminu er stefnt
að því að hver einstaklingur verði fær um
að rannsaka kenninguna og sannleikann
upp á eigin spýtur, þannig að prestar og
predikarar verði óþarfir, enda hafa bahá’íar
enga slíka. Aftur á móti skilja þeir vel að
prestar séu nauðsynlegir á meðan fólk
almennt er ekki læst. Alheimshjálpartungu-
málið er nauðsynlegt til þess að sameina
allt mannkyn og alheimsfriðurinn verður
nokkurs konar vopnaður friður. Ef ein
þjóð ætlar að rísa upp og sýna ofbeldi rísa
allar aðrar þjóðir, sem ein, upp á móti
henni. Slikan frið kallaði Bahá’u’llah hinn
minni frið en hann talaði einnig um hinn
meiri frið, en sá friður var annars eðlis.
Fyrsta sporið í þá átt var stigið þegar
Bahá’u’llah sendi öllum þálifandi
þjóðhöfðingjum bréf þar sem hann kvaddi
þá til að leggja niður vopn og mynda hinn
mikla frið. En flestir hlógu að honum og
t.d. sagði Napóleon III að ef þessi maður
væri spámaður þá væri hann sjálfur í það
minnsta 3 spámenn. Þetta þótti óhemju
fyndið og varð fleygt. Viktoría Englands-
drottning brást aftur á móti betur við og
sagði að ef þessi maður væri spámaður þá
myndi það koma í ljós í fyllingu tímans.
Það er athyglisvert í þessu sambandi að ætt
Viktoríu drottningar er sú eina sem enn er
við völd af öllum þeim ættum sem
meðtóku bréf Bahá’u’llah.
Bahá’u’llah var mikið í mun að söfnuður
hans klofnaði ekki í smærri hópa og sér-
trúarflokka, þannig að hann skipaði son
sinn, Abdúl-Bahá, eftirmann sinn og skyldi
öllum vafaatriðum, sem upp kynnu að
koma varðandi kenningar hans, verða
skotið til sonarins sem myndi þá skera úr
um hvað væri rétt og hvað ekki. En Abdúl
var dauðlegur maður eins og við hinir og
þar kom, 1921, að hann skipaði Shogi
nokkurn Effendi eftirmann sinn. Nú er
Shogi einnig genginn til feðra sinna og við
hefur tekið allsherjarhús réttvísinnar sem
er kosið til 5 ára í senn.
— Grunntónninn í trúarbrögðum
bahá’ía er auðmýkt gagnvart Guði. Þeir
trúa að mannkyninu sé stöðugt leiðbeint af
Guði í gegnum opinberanir og að
Bahá’u’llah sé sjálfur í eigin persónu ein af
þessum opinberunum — í samræmi við
nýjar aðstæður og breyttan tíma. Enda
segir í Gamla testamentinu að Guð hafi
lofað Abraham að skilja mannkynið aldrei
eftir aleitt.
Þessi trúarbrögð eru frábrugðin flestum
öðrum að því leyti að þau hafa engar sér-
stakar helgiathafnir né sérstakan skrúða.
Þær sameiginlegu samkomur sem haldnar
eru eru á það víðum grundvelli að hver og
einn getur ráðið hvað úr verður. í dagatali
þeirra eru 19 mánuðir í árinu og 19 dagar í
hverjum mánuði. Fyrsta dag hvers
mánaðar, þ. e. á 19 daga fresti, koma
bahá’íar saman, lesa úr kenningum
spámannsins, leggja fram tillögur sínar um
breytta skipan safnaðarstarfsins eða annað
og drekka kaffi og borða með því. Bahá’íar
eru með jafnmarga helgidaga og kristnir, en
þá ber upp á annan tíma. T.d. ber nýársdag
upp á 21. mars, og er þá miðað við jafn-
dægur á vori.
Nú eru um 150 manns i íslenska Bahá’ía
söfnuðinum, en um heildarfjölda bahá’ía í
heiminum er ekki vitað með vissu því starf-
semi þeirra er bönnuð í mörgum löndum.
Þó hefur tala eins og 20 milljónir heyrst
nefnd.
Til gamans má geta þess að bahá’íar
þurfa ekki prest né annað slíkt til að
framkvæma giftingar, það geta hjónaefnin
gert upp á eigin spýtur, og giftingarheitið er
á þessa leið: „Vissulega erum við samhuga
vilja Guðs.”
EJ
6 VikanZl.tbl.