Vikan - 24.05.1979, Blaðsíða 7

því að maður upplifir sjálfan sig sem aðra
og aðra sem sjálfan sig. Þegar þessi orð hafa
öðlast einhverja merkingu hjá þeim sem
þau segir er þetta ekki lengur neinn skrípa-
leikur heldur merkingarfull staðreynd.
— Við leggjum ekki einungis stund á
þessar andlegu æfingar heldur einnig líkam-
legar og fylgjum sérstöku mataræði,
neytum einvörðungu jurtafæðis og þá án
lauks. Það eru nefnilega efni í lauk sem
hafa of örvandi áhrif á hugann.
— Hreyfingin byggist mikið upp á félags-
legri þjónustu og við reynum að veita
jákvæðum áhrifum inn í samfélagið sem
byggjast á þessum uppbyggjandi kröftum
sálarlífsins sem ég talaði um áðan. Hér á
íslandi erum við með mjög kröftugt
fræðslustarf í þeirri hugmyndafræði sem
við byggjum á, enda telur leiðtogi okkar,
Srii Srii Anandamurti, að það ætti að
kenna öllum jarðarbúum hugleiðslu,
ókeypis. Hann telur það grundvallar-
mannréttindi.
— Hér á landi erum við með barna-
heimili og Kornmarkaðinn, en það er
verslun sem verslar með þau hráefni sem
við notum í mat okkar. Þjónusta barna-
heimilisins og Kornmarkaðarins einskorð-
ast ekki eingöngu við félagsmenn okkar,
heldur er þetta fyrir alla. Hreyfingin barst
hingað til lands 1975 með islenskri stúlku
sem dvalið hafði í Skandinavíu, en með
henni komu 2 jógakennarar. Það eru ekki
nema um 20 mjög virkir meðlimir í
íslandsdeild Ananda Marga, en aftur á
móti hefur fjöldinn allur af fólki tileinkað
sér hugleiðsluaðferð okkar.
Hreyfing okkar er ekki neitt halelúja-
félag sem fólk getur stokkið inn í á
sunnudögum og fengið einhverja guðlega
náð yfir sig, heldur er þetta ákveðið siðrænt
kerfi með andlegu markmiði, leið til að lifa,
ákveðinn lífsmáti. Við hugleiðum að
minnsta kosti tvisvar á dag og þá í hálftíma
til klukkutíma í einu.
— Ananda Marga er skipt niður í fjöl-
margar deildir og þar á meðal er velferðar-
nefnd kvenna og hefur hún t.d. unnið
geysigott starf á Indlandi. Við heyjum ekki
kvenréttindabaráttuna á sama grundvelli
og gert hefur verið t.d. hér á landi undan-
farin ár, vegna þess að við viljum leggja
rækt við þá eiginleika í fari konunnar sem
borin hefur verið hvað mest virðing fyrir í
gegnum aldirnar. Margir af þeim þáttum
eru svo afskaplega mikils virði fyrir
samfélagið í dag, s.s. móðurhlutverkið,
fórnfýsi konunnar o.fl. Við leggjum mikið
upp úr þessum fíngerðu þáttum konunnar.
Við trúum því að karlmaðurinn búi yfir
meiri rökhugsun en konan, en hún aftur
yfir meira innsæi. Það er auðsær munur á
kynjunum, sem þýðir ekki þar með að þau
séu ekki jafningjar.
Hreyfingin er fjármögnuð með frjálsum
framlögum. EJ
Björg Bjarnadóttir og sonur hennar: — Þetta er ekkert halelújafélag heldur leið til að lifa.
Ananda Marga
„Maðurinn er eina
lífsbirtingin sem með-
vitað getur flýtt and-
legri þróun sinni"
. . . segir Björg Bjarnadóttir, meðlimur i Ananda
Marga hreyfingunni, og bætir við að Ananda
Marga só frekar Hfsmáti en trúarbrögð.
— Ananda Marga er sanskrítarorð og
merkir vegur alsælunnar. Heitið er dregið
af hugmyndinni, sem allt kerfið er byggt á,
þ.e. að allt sköpunarverkið hafi sinn tilgang.
í þessu sambandi tölum við um andlegt tak-
mark sem felst í sameiningu einstaklingsins
við alheimsvitundina, hina tæru vitund.
Með raunverulegum jógaæfingum og
hugleiðslu reynum við að ná þessu
takmarki, enda merkir orðið jóga: eining.
Við álítum að aðeins með einlægri viðleitni
við að finna þennan andlega grundvöll
tilverunnar takist manninum að fullnýta þá
orku sem í honum býr, þ.e. að maðurinn
beinir allri sinni orku i einn farveg og þegar
hann uppgötvar getu sína til þess innra með
sér þá göfgar hann allt sitt eðli, allt sem í
honum býr. Þá fer hann einnig að finna til
skyldleika síns við allt og aðra — allt lífið.
Þetta hefst með jógaæfingum og
hugleiðslu.
— Margt af því jóga, sem stundað er, er
aðeins stæling og skæling á raunverulegu
jóga. Það jóga, sem við byggjum á, er
ævafornt og nefnist „tantra-jóga” og
útheimtir fyrst og fremst það að við
þroskum upp í okkur staðfestu og baráttu-
vilja. Það er nauðsynlegt því að við verðum
að berjast gegn viðteknu hugsanamynstri,
neikvæðum áhrifum úr uppeldi og fleira.
Þá orku, sem til þarf í þessa baráttu, fáum
við úr hugleiðslunni sem við nefnum
tantríska hugleiðslu. Við höfum engan
fastan kennara þó einn íslendingur sé
fullnuma í fræðunum, en hann starfar í
Tyrklandi. Aftur á móti koma kennarar til
okkar að utan á minnst 3 mánaða fresti.
— Við lítum svo á að maðurinn sé eina
lífveran sem af sjálfsdáðum getur þroskað
sig frá grófum hugsunum allt til þeirra
fíngerðustu af öllum hugsunum, sem er
hugmyndin um hina tæru vitund. Þá er
maðurinn kominn í hring, búinn að höndla
upphaf sitt og endi, búinn að ná takmarki
sínu, sem er að sameinast hinni tæru
vitund. Hann uppgötvar innsta kjarna
tilverunnar þaðan sem allt er komið.
Tilfinningin, sem þessu ástandi fvlgir, felst í
ll.tbl. Vlkan7