Vikan - 24.05.1979, Blaðsíða 8

Halvard Iversen, Moon.
Moon
Kærleikurinn er
algjört skilyrði fyrir
fegurra mannlífi
segir Halvard Iversen, norskættaður fulltrúi
Samtaka heimsfriðar og sameiningar á íslandi
eða Moon.
— Moon-hreyfingin á upptök sin í
Kóreu þar sem trúarleiðtogi okkar, séra Sun
Myung Moon, varð fyrir opinberun á
páskadag 1936. Þá birtist Jesús honum á
bænastund og talaði til hans um trúboð
sem hann yrði að framkvæma gegnum
Moon.
Árið 1954 eru svo Samtök heimsfriðar
og sameiningar opinberlega stofnsett í
Seoul, og starfa nú í 130 löndum.
— Við trúum á endurkomu Krists og
nýja tíma. En fólk er alveg jafnilla undir
það búið að taka á móti honum nú og það
var fyrir tæpum tvö þúsund árum. Það var
aldrei upprunaleg ætlun Guðs að Jesús yrði
krossfestur, heldur olli þvi vanþekking
ísraelsmanna á vilja Guðs. Og nútíma fólk,
sem lifir og hrærist í sjálfsdýrkun og sjálfs-
elsku, er engu færara um að taka á móti
honum.
— Og svo er það skilningurinn á sjálfu
orðinu Guð. Algengast er að fólk líti á
hann sem eitthvað heilagt og almáttugt,
langt fyrir ofan okkur. Fáir reyna að kryfja
það nánar. Við lítum hins vegar á Guð sem
föður okkar og álítum að við eigum að hafa
samband við hann sem börn hans.
— Við höfum verið ásakaðir um að
starfa undir áhrifum austurlenskrar heim-
speki, en það er fjarri lagi. Tilgangur okkar
er aðeins að kryfja til mergjar hvað býr í
okkur sjálfum og leita innilegra tengsla við
Guð.
— Við berum mikla virðingu fyrir biblí-
unni en tökum hana ekki bókstaflega. Því
hvernig er hægt að taka hana sem orð-
réttan sannleika þegar hún er skrifuð eftir
munnmælasögum sem hver og einn hefur
sett sín einkenni á? Á þeim tímum hafði
fólk engin segulbönd til að styðjast við, eins
og til dæmis þú núna. Þar að auki er allt
sem snertir andlegt líf svo flókið að það er
ekki hægt að fjalla um það í punktum og
kommum.
— Tilgangur okkar er sem sagt að gera
heiminn betri og við reynum að breiða út
trúna. Við gerum það þó á dálítið annan
hátt en flestir aðrir. Trúboðar okkar búa
ekki í einhverjum einangruðum stöðvum
heldur lifa og starfa með sjálfu fólkinu,
hvort sem er í Afríku, S-Ameriku eða á
íslandi. Þannig náum við til hjartna
fólksins.
Kærleikurinn er undirstaða fegurra
mannlífs og við tökum ást og hjónaband
mjög alvarlega. Sá losarabragur, sem rikir í
samskiptum fólks nú á dögum og leiðir til æ
hærri skilnaðartíðni, stafar af því að fólk
gerir sér ekki grein fyrir hvílík ábyrgð fylgir
ástinni. Það er alltof eigingjarnt og
upptekið af sjálfu sér til að fórna nokkru
fyrir aðra. Við bönnum ekki skilnaði og
ekki heldur notkun á áfengi og tóbaki. En
það er samt nær einstakt ef einhverjir af
meðlimum hreyfingar okkar skilja, það gerist
yfirleitt ekki nema þeir yfirgefi hreyfinguna
um leið. Eins er með áfengi og tóbak. Nær
allir hætta notkun á því af sjálfsdáðum.
Við lítum á líkama okkar sem musteri
Drottins, og hvers vegna ættum við þá að
óhreinka það?
— Það er svo langt frá því að við trúum
á frjálsar ástir og hjónabandið er í okkar
,augum heilagt. Samt varð hreyfing okkar í
byrjun fyrir alls kyns rógsherferðum, sem
ásökuðu okkur um ósiðlæti og gengu svo
langt að segja að konur, sem vígðust til
trúar okkar, yrðu að sofa hjá séra Moon í
leiðinni. Ég man til dæmis sérstaklega eftir
sérlega soralegri grein í New York Times
um þetta fyrir nokkrum árum, enda fórum
við í meiðyrðamál við þá. Ég held að okkur
hafi líka tekist að kveða niður þessa
þjóðsögu.
— Við búum oft í kommúnum en það er
af þeim einföldu ástæðum að þannig lærir
fólk að taka meira tillit til hvers annars, það
er ódýrari lífsmáti og firrir fólk einmana-
leika. Það hefur alls ekkert með frjálsar
ástir að gera.
— Við trúum á líf eftir dauðann í svipuðu
formi og það er hér. Eini munurinn er að
við sjáum það ekki. Þetta á ekkert skylt við
sálarrannsóknir.
— Við trúum sem sagt á mátt kærleik-
ans, þrátt fyrir umgjörð sem er kannski
glæsileg á yfirborðinu. J Þ
Arthur og Amanda Hansen: — Það besta sem fólk getur gert er að ganga i mormónahreyfinguna.
Mormónar
Nútíma opinberun
gamalla sanninda
Viðmælendur okkar eru Arthur Hansen og
kona hans, Amanda Hansen. Arthur er af
norrænu bergi brotinn, Bandarikjamaður sem
trúir á bibliuna og Jesú Krist, en er mormóni.
Þau hjónin hafa dvalið hér á íslandi í 6 mánuði
við trúboð á vegum mormónakirkjunnar.
Upphafsmaður mormónatrúarinnar var
Joseph Smith og stofnaði hann söfnuðinn í
New York-fylki árið 1830. En það er saga
að segja frá því.
Þannig er mál með vexti að þegar Joseph
Smith var aðeins 15 ára gamall átti hann að
ganga í einhvern söfnuð eins og tíðkaðist í
þá daga. Ruglingur var mikill i trúmálum á
þessum árum og margir sértrúarflokkarnir
reyndu að tæla til sin fylgismenn með
ýmsum ráðum. Allt þetta ruglaði Joseph og
hann vissi varla sitt rjúkandi ráð. Greip
hann þá til þess að leggjast á bæn úti i skógi
og spyrja Guð hvað hann ætti að taka til
bragðs. Og viti menn, hann var bænheyrð-
ur og þarna í skógarkjarrinu birtust honum
Guð og Jesús í mannslíki og sögðu honum,
svar við spumingu hans, að hann skyldi ekki í
neinn söfnuðinn ganga því þeir hefðu allir
rangt fyrir sér í túlkunum sínum á bibliunni.
Guð sagði honum að bíða róleg-
ur því í fyllingu tímans myndi hann heyra
frá þeim og verða verkfæri í höndum Guðs.
Þetta var 1820 og það leið langur tími þar
til Joseph heyrði frá þeim aftur. Þá var það
kvöld eitt, þegar Joseph var á bæn í her-
bergi sinu, að engill birtist honum og segir
honum frá gullnum töflum sem grafnar séu
í hlíð þar skammt frá. Ekki mátti Joseph þó
snerta töflurnar strax heldur varð hann að
bíða í 4 ár sem hann og gerði. Tók hann
töflurnar og þýddi þær, en á þeim var
biblían rétt túlkuð og er texti þessi nú
meginuppistaðan í mormónabókinni, „The
Book of Mormons”. Sagan segir að
engillinn hafi tekið töflurnar aftur.
Mormónar eru kristnir, þeir trúa á
biblíuna og þeir trúa að Jesús Kristur sé
frelsari mannanna. En þeir fallast ekki á
þær túlkanir sem komið hafa fram á biblí-
unni í gegnum árin.
Mormónar trúa öllu þvi sem Guð hefur
opinberað fram að þessu og þeir trúa einnig
að hann eigi eftir að opinbera marga hluti
ennþá. í meginatriðum er mormónatrúin
nútíma opinberun fornra grundvallar-
reglna, sem boðaðar hafa verið með
guðdómlegum hætti með nýrri áherslu og
fullkomleika á okkar dögum, eins og þeir
sjálfir segja.
Mormónasöfnuðurinn varð fyrir miklum
ofsóknum í upphafi og þurftu meðlimir
hans að flækjast víða fyrir bragðið. Þar
kom að lokum að meðlimir safnaðarins
settust að i Utha í Bandaríkjunum þar sem
nú eru höfuðstöðvar þeirra. Þaðan eru
sendir trúboðar út um allan heim og eru
þeir nú um 27 þúsund, þar af 14 á íslandi
og er Arthur einn af þeim. Annars er
Arthur dálitið sérstakur trúboði af
mormóna að vera, því yfirleitt eru
mormónatrúboðar menn á aldrinum 19-20
ára sem ekki eru enn búnir að festa ráð sitt.
Hér á landi má þekkja þá í mannhafinu á
því hversu snyrtilegir þeir eru, vel klipptir í
svörtum hálfsíðum vindfrökkum, með
bindi og í vel pússuðum skóm. Arthur er
aftur á móti kominn á eftirlaun og ætlar að
nota siðustu árin í það að útbreiða trú sína.
Hann er þriðji ættliður mormóna og á 4
syni sem allir hafa farið í trúboðsferðalagið
sem vanalega tekur 2 ár. Kostnaðinn af
uppihaldi trúboðanna ungu í framandi
löndum greiða foreldrarnir af fúsum vilja.
Að sögn Arthurs gengur trúboðið best í S-
Ameríku og Japan um jjessar mundir. Á
íslandi hófst trúboð þeirra 1975 og nú eru
um 35 mormónar í Reykjavík.
Árið 1847 fékk Joseph Smith þau boð
frá Guði að fjölkvæni væri honum þóknan-
legt og skyldi það innleitt í trúarbrögðin.
1890 komst hæstiréttur Bandaríkjanna að
þeirri niðurstöðu að fjölkvæni bryti í bága
við lög landsins og aflagðist því þessi siður
hjá mormónum, enda leggja mormónar
mikið upp úr landslögum. Fjölkvænið var
aldrei útbreitt meðal mormóna og voru það
helst frammámenn hreyfingarinnar sem
tíðkuðu það.
Samkomur mormóna eru líkar því sem
þekkist hjá öðrum kristnum söfnuðum.
Þeir neyta ekki víns né tóbaks og drekka
hvorki kaffi né te. Enda hefur það sýnt sig
á heilbrigðisskýrslum að mormónar eru allra
manna heilsuhraustastir og langlífir með
afbrigðum. Fyrsta sunnudag i hverjum
mánuði nefna þeir föstudag, og þá fasta
þeir og gefa andvirði tveggja máltíða til
bágstaddra. Öll mánudagskvöld dvelja for-
eldrar hjá börnum sínum í heimahúsum og
kenna þeim að gera greinarmun á góðu og
illu auk þess sem þeim er sýnt fram á
hvernig þau eigi að haga sér. Þetta á við um
alla mormóna út um allan heim og öll
mánudagskvöld.
Árið 1950 voru mormónar 1 milljón
talsins. Nú eru þeir 4 milljónir, þar af 35 á
íslandi. Samkomur þeirra eru haldnar að
Skólavörðustíg 16 í Reykjavík.
EJ
8 Vikan 21. tbl.
21.tbl. Vikan9