Vikan - 24.05.1979, Blaðsíða 63
Þrjár í vanda
Elsku Póstur!
Þannig er mál með vexti að
okkur langar svo að byrja með
strák, hvað eigum við að gera?
Við erum svolítið feitar, frá 60-
70 kíló, en lítum ekki
sem verst út, erum 14-15 ára
gamlar og erum með dálítið
stór brjóst. Við erum ekki í
mjög góðum félagsskap og
okkur langar mikið til þess að
vera á opnum stöðum. Foreldr-
ar einnar stelpunnar vilja helst
ekki lofa henni að reykja, hvað
á hún að taka til bragðs (ekki
segja að hún sé of ungl)? Hér
kemur enn eitt vandamál:
Okkur langar mikið að fara í
ferðalag og sofa í tjaldi, eða
jafnvel á hóteli fyrir utan
bæinn, en foreldrar okkar vilja
ekki leyfa okkur það. Ég ætla
að vona að þú getir ráðið fram
úr þessu.
Bless, bless kæri Póstur.
Þrjár úr Tungunni
Jahéma, ekki flaug Póstinum í
hug að segja stúlkunni að hún
sé of ung til að reykja. Að
hans áliti er það enginn
ákveðinn aldur, sem er
æskilegur fyrir reykingafólk,
því enginn ætti að láta sér til
hugar koma að eyða peningum
sínum í slíkt. Það er í raun
fyllilega sambærilegt við það að
borga næsta manni fyrir að
gefa þungt högg á kjálkann eða
annan viðkvæman líkamshluta.
Bíðið bara sallarólegar eftir
strákunum, þeir koma
örugglega fljótlega að reyna að
tæla slíkar glæsiskvísur sem
þið hljótið að vera. Látið samt
reykingarnar lönd og leið og
látið ykkur nægja fyrst um
sinn að tjalda úti í garði.
Elvis Presley á
plakati
Kæri Póstur!
Mig og fleiri krakka langar
til að vita hvort þið á Vikunni
gætuð ekki haft plakat með
Elvis Presley inni í blaðinu.
Þakka ykkur fyrir gott efni í
Vikunni. Hún er bæði fróðleg
og skemmtileg.
Kærar kveðjur frá
Vikuaðdáanda.
Beiðni ykkar er hér með komið á
framfæri en þið verðið að
athuga að biðin eftir plakatinu
gæti orðið nokkur, þvi vinnslu-
tími Vikunnar er nokkuð
langur, frá þremur vikum og
jafnvel upp í einn og hálfan
mánuð. Kærar þakkir fyrir
hrósið.
Hvað er
Björgvin langur?
Kæri Póstur!
Ég er ofsalega hrifin af
honum Björgvini Halldórssyni
og ég er svo sannarlega aðdá-
andi hans. Mig langar að fá
nokkrar upplýsingar um hann:
Hvað er hann gamall? Hvað er
hann langur? Hvar á hann
heima? Og hvaða símanúmer
er hjá honum?
Ein hrifn
Æ, æ, kæra hrifin. Pósturinn
veit fremur lítið um Björgvin
Halldórsson. Hann mun vera
um þrítugt og heimilisfang og
símanúmer gæfi Pósturinn ekki
upp þótt hann vissi það. Lengd
Björgvins? — Ja, eitthvað í
kringum 1,75-1,78 m.
Hann umlar
eitthvað í
barm sér
Kæri Póstur!
Ég hef skrifað þér áður, en
svo virðist sem hin fræga
Helga haf gleypt bréfð. Ég
vona að hún sé södd núna, því
ég á við vanda að etja.
Þannig er mál með vexti að
ég hef verið með strák á föstu
Konan min er hrædd um að ég kvefist.
og er búin að vera með honum
síðustu sex mánuðina. Ég sef
stundum hjá honum um helgar
en það er þó ekki mjög oft.
Stundum kemur samt einhver
beygur í mig, ef ég fer að
hugsa um þungun. Þá bið ég
hann að kaupa verjur, en hann
umlar eitthvað í barm sér, en
kemur því aldrei í verk. Ætli
hann sé feiminn? Og upp á
síðkastið fnnst mér eins og það
sé að slitna upp úr sambandi
okkar. Góði Póstur, hjálpaðu
mér um einhver ráð, því ég vil
ekki missa hann.
Begga
P.S. Sendi tyggiópakka handa
Helgu, ef hún skyldi þurfa
eitthvað að japla á.
Það er svo sannarlega
ábyrgðarlaust af þér að senda
vesalings Helgu tyggigúmmí,
því það er öllum ruslafötum
stórhættulegt, jafnvel banvænt.
Hann vinur þinn er ósennilega
nokkuð feiminn, miklu fremur
sinnulaus og þú ættir alls ekki
að nálgast hann án þess að
verða þér sjálf úti um
einhverjar öruggar varnir.
Hafðu samband annaðhvort
við heimilislækninn eða
kvensjúkdómalækni og fáðu
þar upplýsingar um þær varnir,
sem henta þér best persónu-
lega. Ef til vill lagast samkomu-
lagið þegar þú hefur gert þetta,
því þetta atriði getur einmitt
haft slæm áhrif á samband
ykkar.
Þú lokaðist þarna inni af ásettu ráði, er það ekki?
Zl. tbl. Vikan 63