Vikan - 31.05.1979, Blaðsíða 34
Blómafræ og trúlof-
unarhringar
Kæri draumráðandi!
Mig langar að biðja þig að ráða fyrir
mig tvo drauma.
Annar var þannig, að ég og amma
vorum inni í kirkjugarði hér á staðnum,
og var ég með þrjá pakka af blóma-
fræjum. Ég rétti ömmu einn pakkann,
og sáði hún fræjunum á þrjú leiði, en
ég sáði á eitt leiði og fór síðan út fyrir
kirkjugarðinn og sáði þar fallega í
kringum krana, sem var þar í
draumnum, en afganginum sáði ég í
beina línu fyrir neðan tröppur hinum
megin við götuna.
Síðari draumurinn var þannig, að ég
og fjórar vinkonur mínar vorum allar
búnar að kaupa trúlofunarhringa, alla
eins. Ég sá mynstrið alveg greinilega,
og voru þeir ofsalega fallegir. En strák-
arnir vissu ekkert um þetta, fyrr en við
sögðum þeim, að við værum búnar að
kaupa hringana og ætluðum að trúlof
ast þeim.
Með fyrirfram þökk fyrir ráðning-
una, 0341-5058
Líklega eru þessir draumar þér og
vinkonum þínum einfaldlega fyrir
giftingu, áður en langt um liður. Þarna
eru einnig tákn um trausta vináttu og
bending til þín um að endurmats sé þörf
á áliti þínu á manngildi náinna vina.
Líklega verða þó tafir á framkvæmdum
ákveðinna atriða, tengdum þessum
vinum þínum, sem þó rætist úr síðar.
Benti á magann á
konunni
Góði draumráðandi!
Mikið þætti mér vænt um, ef þú
réðir fyrir mig draum sem mig dreymdi
fyrir stuttu. Hann er svona:
Maðurinn minn og kona sem heitir
X, stóðu hlið við hlið og voru bæði
svartklœdd. Hann var I svörtum
frakka með belti. — Ég stóð á móti
þeim.
Engin orð fóru okkar á milli, en
hann benti mér á magann á konunni,
og ég hugsaði I draumnum: Hvað er
hann að meina, getur verið að hann sé
búinn að gera hana ófríska!
Lengri varð draumurinn ekki.
Með fyrirfram þökk. Draumkona.
Ekki er ólíklegt að hugsanir og atburðir í
vökunni hafi haft áhrif á drauminn og
því er lítið mark á honum takandi. Þó
Mig
dreymdi
gæti hann boðað ykkur hjónunum
erfiðleika, ekki síst eiginmanni þínum.
Þú ættir að forðast að hugsa sjálf um of
um barneignir, því það gæti orðið ykkur
hjónunum mikill andlegur baggi og
komið í veg fyrir eðlileg samskipti í
hjónabandinu.
Blindur og handalaus
eiginmaður
Kæri draumráðandi!
Mikið langar mig til að biðja þig að
ráða draum sem mig dreymdi nýlega.
Hann var svona: Ég og maðurinn
minn vorum saman einhvers staðar í
ókunnu umhverfi (herbergi), og mér
fannst hann segja við mig, að hann
væri að missa sjónina. Mér fannst við
bíða einhverja stund, og þá sagðist
hann vera orðinn blindur, ekki sjá
neitt. Mér fannst ég fara að gráta.
Nokkru seinna var ég í einhverju öðru
herbergi, J'remur stóru, ásamt fleira
fólki, sem ég kannaðist ekki við, og
mér fannst flestir sitja þar inni. Allir
litir í kring og á fólki voru fremur
dökkir og grámuskulegir. Þá kemur
maðurinn minn þar inn og ókunnugur
maður með, sem leiðir hann eða
styður inn gólfið, því hann var orðinn
blindur og handalaus. Báðar hend-
urnar voru horfnar af við úlnlið, og
hann var alveg ósjálfbjarga. Hann var
leiddur beint til mín, og á meðan þeir
voru að nálgast mig, horfði ég á hann
og vorkenndi honum óskaplega. Þegar
hann kemur til mín (maðurinn minn),
biður hann mig að sækja lyklana. Mér
fannst I draumnum eins og þessir
lyklar hefðu úrslitaþýðingu fyrir það,
hvort við yrðum saman áfram eða
ekki. Ég sótti ekki lyklana, en sagði
við hann: Auðvitað verður allt eins og
var á milli okkar, við treystum og
trúum hvort öðru áfram. Og mér
fannst ég faðma hann eða láta vel að
honum. Við vorum bæði döpur, og ég
hugsaði: Þessar hendur eiga aldrei
oftar eftir að strjúka mig og vera
góðar, eins og áður. Síðan vaknaði ég
grátandi.
Kæri draumráðandi! Það er einlœg
von mín, að þú ráðir þetta fyrir mig,
ég hef svo mikið hugsað um þetta
síðan. Draumadís.
Þetta er einungis slæm martröð og
líklega hefur þú farið að sofa örþreytt.
Þó eru þarna innan um tákn, sem vert er
að gefa gaum og boða þér einhverja
erfiðleika, ef ekki verður varlegar farið í
samskiptum ykkar hjóna. Þarna gæti
verið hætta á misskilningi, sem erfitt
reynist að leiðrétta en þið komist þó
yfir og standið bæði styrkari eftir en
áður.
Hundur í uppá-
haldslitunum
Kæra Vika!
Mig langar til að biðja þig að ráða
fyrir mig draum, sem mig dreymdi
fyrir nokkru. Mér fannst ég koma
heim að húsi hér í Kópavogi, sem ég
þekki sáralítið til. Hringdi ég þar dyra-
bjöllu, og til dyra kemur húsmóðirin
og með henni stór og vinalegur
hundur, brúnn og drapplitur. Og hugsa
ég þá: Nei, sko, hann er í uppáhaldslit-
unum mínum. Mér þótti sem ég œtlaði
að klappa þessum hundi, og ég strauk
honum um trýnið, en í því opnar hann
skoltinn, og hann vefur rauðri tungu
sinni utan um hægri hönd mína. Mér
fannst ég þá ætla að draga höndina að
mér aftur, en þá segir konan: Vertu
ekki hrædd, elskan mín, hann bítur þig
ekki. í því vaknaði ég. Þessum draumi
get ég ekki gleymt og bið þig því að
ráða hann fyrir mig.
Jóa Gunna.
Þú lendir í smávægilegum erfiðleikum,
og þá í sambandi við einhvern sem er
þér lítt kunnur. En þegar þú sérð
hvernig í málinu liggur, verður þér ljóst,
að þú hefur miklað vandamálið fyrir þér
og að það hafi verið óþarfi að vera með
svona miklar áhyggjur út af smá-
munum.
34 Vikan ZZ. tbl.