Vikan - 21.06.1979, Blaðsíða 4

SJÖ MILUARÐAR Al
Blaðamaður
Vikunnar
heimsækir
skopsnillinginn
og konu hans á
heimili þeirra I
Kaupmannahöfn
Mini-sögurnar hans Willy Breinholsts
hafa notið mikilla vinsælda meðal lesenda
Vikunnar enda svo hnyttnar að jafnvel
þýðandinn skemmtir sér konunglega við að
koma þeim yfir á eigin tungu. Það var því
með mikilli eftirvæntingu í hjarta að blaða-
maður Vikunnar ásamt ljósmyndara steig
inn í leigubifreið fyrir utan híbýli sín í
niðurniddu hafnarhverfi i Kaupmanna-
höfn til að aka á fund skopsnillingsins sem
býr í reisulegu húsi við eina af fegurstu
götunum i einbýlishúsahverfi á Amager.
Það er laugardagur og klukkan er að
nálgast 12 á hádegi.
Samkvæmt hinum frægu teikningum
Léons van Roys við sögur Willy Brein-
holsts höfum við þegar skapað okkur
nokkra mynd af rithöfundinum. Lítill,
feitur kubbur, sennilega eldsúr á svip og
hundleiður á að þurfa líka að vera skemmti-
legur fyrir aðvífandi blaðamenn í einkalífi
sínu.
Maðurinn, sem tekur á móti okkur, er
hávaxinn og afar glaðlegur á svip, ekki
vottur af kúluvömb. Hann ber þó mikinn
svip af teikningunum og við höldum í
fyrstu að þetta sé bróðir rithöfundarins sem
létti af honum þeirri þjáningu að þurfa að
vera skemmtilegur við gesti utan vinnu-
tíma.
— Gjörið svo vel að ganga í bæinn, segir
hann hressilega. — Ættum við ekki að
byrja á því að borða? Polly var að búa til
Sögubrauð handa ykkur.
Þannig er þá Willy Breinholst.
Frú Breinholst sem hefur verið manni
sínum efniviður i margar sögurnar kemur
fram úr eldhúsi og heilsar okkur. Hún er
falleg kona, ákaflega dökk yfirlitum með
stór og leiftrandi brún augu. Teldi hún
uppruna sinn til aust- eða vestfirsks fiski-
þorps á ísaköldu landi færi ekki hjá því að
grunur læddist að mönnum um að franskur
skipbrotsmaður hefði einhvern tíma leitað
húsaskjóls hjá langömmu hennar. En frúin
er jósk og engin ástæða til að draga dyggðir
langömmu hennar i efa.
Við setjumst að fagurlega skreyttu
hátíðarborði. Islendingar eru greinilega
aufúsugestir í þessu húsi. Sögubrauðið, sem
Willy minntist á, er samkvæmt uppskrift
sem frúin fékk á Hótel Sögu á einni af
ferðum þeirra til íslands. Áleggið rækjur,
kavíar og hrá eggjarauða.
— ísland hefur alltaf haft mikið
aðdráttarafl fyrir mig, segir Willy. — Enda
er ég sjálfur eyjarskeggi. Ég er fæddur á
Sjálandi og ólst þar upp á lítilli eyju. Þar
átti ég góða bernskudaga, stundaði fisk-
veiðar frá morgni til kvölds. Það kom sér
líka vel, pabbi rak búgarð og það var ekki
arðvænlegt á þessum árum. Fiskurinn
minn var þvi vel þeginn í soðið. Annars hef
ég skrifað alveg frá barnæsku. 12 ára
gamall gaf ég út vikublað, handskrifað og í
einu eintaki. Þetta eintak neyddust svo allir

4 Vikan 25. tbl.