Vikan - 05.07.1979, Blaðsíða 25

Kvöldstemmningin ó Orangarie er indœl.
Hið frssga Zum Schiffchen er fró 1628.
Glæsilegasta gatan er verslunargatan Königsalle.
STUTTGARTER HOF við Bismarck-
strasse 39, rétt við járnbrautarstöðina.
Þar eru 35 herbergi, 45—68 mörk ein-
staklingsherbergið og 78—95 mörk
tveggja manna. Á Stuttgarter Hof eru
sum ódýrustu herbergin ekki með baði,
en öll eru með baði á Lancaster.
Gott hótel í lægsta verðflokki er
BERLINER HOF við Ellerstrasse HO,
að baki járnbrautarstöðvarinnar. Þar
kosta herbergin 44—52 mörk fyrir einn
og 65 mörk fyrir tvo. Þau eru 28 talsins
og þar af aðeins tvö með baði.
Gleymið magaummáli
og seðlaveski
Eitt besta veitingahúsið í Diisseldorf
er ORANGERIE við Bilker Strasse 30,
á fremur skuggalegum stað sunnan við
Altstadt. Götuhlið veitingahússins er
síður en svo freistandi, en híbýlin og
maturinn þeim mun meira, þegar inn er
komið.
Tvenns konar áhyggjum verða menn
að gleyma heima, ef þeir vilja reyna mat-
argerðarlist Horst Weigandt, eiganda og
kokks. Það eru áhyggjur af magaummáli
og seðlaveski. Freistingar matseðilsins,
svo sem sinnepslax og próvinsíu-lamba-
hryggur, eru svo miklar, að menn láta
há verð sem vind um eyru þjóta.
Fremst meðal jafningja er sennilega
veitingahúsið MOLLERS + FEST eða
M + F eins og það er oftast kallað, við
verslunargötuna Königsalle I4, á ann-
arri hæð. Þetta veitingahús er hið raun-
verulega Mekka mataráhugamanna í
Dússeldorf.
Allur matur er ferskur, engin forvinna
er í matreiðslunni áður en gesturinn
hefur pantað. Enginn matur kemur úr
frysti og engin efni eru sett í matinn til
að varðveita hann. Innréttingar hússins
eru ekki merkilegar, enda er víst ekki
ætlunin, að neitt skyggi á mat né drykk.
En það er víðar hægt að borða góðan
mat en á þessum dýru stöðum. Einkenn-
is-veitingahús borgarinnar er sennilega
ZUM SCHIFFCHEN við Hafenstrasse
5, i 350 ára gömlu húsi i gamla mið-
bænum. Þar sitja forstjórar og þvotta-
konur á gömlum og slitnum stólum og
borða svírabóg og rúgbrauð með osti í
gömlum Rínarstil. Þetta er ágætur
staöur til að kynnast hefðbundinni mat-
reiðslu á miðlungsverði.
Hin nýja, franska matargerðarlist er
stunduð á AUX TROIS CHANDELL-
ES við Bagelstrasse 95a. Fínir fiskiréttir
fást á BATEAU IVRE við Kurze
Strasse 11 í Altstadt. 15 rétta hrísgrjóna-
borð (Riistafel) frá Indónesíu fæst á
HOTEL HAUS LITZBROCK við
Bahnhofstrasse 33. Listamenn og póli-
tíkusa hitta menn á MERKENS-
TENNE við Karl-Rudolf-Strasse 174.
Bjórdrykkja við
hvitskúruð borð
Ein vinsælasta bjórknæpa í borginni
er ZUM ORIGE við Berger Strasse I í
gamla miðbænum, Altstadt. Þetta er
þægilegur staður með hvítskúruðum
borðum, litlu matarúrvali, en þeim mun
meiri bjórdrykkju. Á 15 minútna fresti
er hringt bjöllu og opnuð ný bjórtunna.
Rétt hjá er önnur hliðstæð krá, sem
heitir ZOM SCHLOSSEL, en þar er
mun meira og betra matarúrval. Sú krá
er við Bolkerstrasse 43—47.
Öll hótel og veitingahús, sem hér
hefur verið sagt frá, eru þægilega sett i
miðju borgarinnar.
j gamla bœnum, Altstadt, er sægur króa og veitingahúsa.
JÓNAS KRISTJÁNSSON.
1 næstu Viku:
Mainz og Wiesbaden
27. tbl. Vikan 25