Vikan - 09.08.1979, Blaðsíða 25

af flugfarseðli sínum eins og allir aðrir ís-
lenskir námsmenn erlendis og greiddi því
114.300 krónur fyrir flugmiða sinn báðar
leiðir. Þessi námsmannaafsláttur Flugleiða
nær aðeins til ferða á milli íslands og þess
lands sem nám er stundað í og tekur einnig
til maka námsmanns og barna. Með slíkum
afslætti eru engin „stop-over” leyfð, og
námsmenn sem orðnir eru 31 árs eða eldri
njóta ekki kjaranna.
152.400,-
152.400 krónur
Þá er komið að Grétari Smart, kaup-
manni, sem selur tískufatnað í Reykjavík.
Hann flýgur utan oft á ári og gerir stuttan
stans í hvert sinn. Hjá Grétari jafngildir
tíminn peningum og þar sem hann er yfir-
leitt aðeins 3—4 daga í ferðunum getur
hann ekki notfært sér sérfargjöldin og því
síður fjölskylduafsláttinn þar sem hann er
alltaf einn á ferð. Grétar kaupir sér því al-
mennan farseðil fram og til baka á 152.400
krónur og telur það ekki eftir sér. Það er
lítill hluti allrar veltunnar.
172.200.-
172.200 krónur
Hversu ótrúlegt sem það kann að virðast
þá var það Skoti, James Mc Button að
nafni, sem greiddi mest fyrir flugið. James
sem kominn er á eftirlaun í heimalandi sínu
var á heimleið eftir að hafa ferðast vitt og
breitt um ísland. Hann hafði keypt miða
sinn í London og greitt fyrir hann 231
pund, báðar leiðir, eða jafngildi 172.200 ís-
lenskra króna. Það er ekki þar með sagt að
það sé alltaf dýrara að kaupa flugmiða er-
lendis, það fer eftir því hvernig gengið
stendur af sér í það og það skiptið. Skotinn
var þó hinn kátasti og kvartaði ekkert yfir
of háu miðaverði, líklega mest vegna þess
að hann vissi ekki enn hvað hinir farþeg-
arnir höfðu greitt fyrir sína miða.
Öll verð eru miðuð við 2. júlí 1979 og
gætu því hafa breyst. Við óskum félögum
okkar í flugvélinni góðrar skemmtunar í
Lundúnum og líka öllum hinum sem eiga
eftir að feta í fótspor þeirra. Gangi ykkur
vel i gegnum fargjaldafrumskóginn, starfs-
fólk Flugleiða er ætíð reiðubúið að skýra
fyrir ykkur besta valkostinn miðað við
aðstæðurá hverjum tima.
Góða ferð!
EJ.
32. tbl. Vikan 25