Vikan - 30.08.1979, Blaðsíða 34
Trúlofun eða ekki?
Kæri draumráðningaþáttur!
Fyrir stuttu dreymdi mig draum og
hann var mjög skýr, en mig dreymir
sjaldan skýra drauma. Mig dreymdi að
ég og strákurinn, sem ég hef verið svo-
lítið með, vorum að fara að trúlofa
okkur, hann var búinn að kaupa
hringana. Þeir voru úr gulli og virki-
lega fallegir. Svo var eins og við
gætum ekki trúlofað okkur strax, en
ég fékk aldrei neina skýringu á því
hvers vegna við gætum ekki trúlofað
okkur strax. Þá fannst mér vinkona
mín líka vera að trúlofa sig, en
hverjum vissi ég aldrei. Hennar hring-
ur var úr tré, með blómum á og mjög
Ijótur. Ég vona að þú ráðir þennan
draum fyrir mig.
Draumadís.
Það er fremur ólíklegt að þessi
draumur sé annað en afleiðingar af
hugsunum þínum í vökunni og því er
lítið mark á honum takandi. Þó gæti
þarna verið um fyrirboða að ræða,
tengdan sambandi ykkar vinkvenna við
gagnstæða kynið, en þó benda engin
sterk eða afgerandi tákn til þess.
Hrakningar á sand-
hrúgu
Kæri draumráðandi!
Mig langar að biðja þig að ráða fyrir
migdraum, sem mig dreymdi fyrir
stuttu.
Mér fannst ég vera að hlaupa og ein-
hver var að elta mig. Fannst ég síðan
koma að húsi (númer 13) þar sem
frændi kærastans míns átti heima. Ég
stytti mér leið yfir lóðina þeirra og tók
þá eftir sandhrúgu í innkeyrslunni við
bílskúrinn. Svo var ég allt í einu komin
að steinsteyptum kofa. Hann var alveg
ferkantaður með flötu þaki. Inni í
honum var aðeins stór sandhrúga. Allt
í einu vorum ég og önnur stelpa að
klifra upp á hrúguna. Stelpan varfljót
að komast upp og settist efst upp á
hrúguna. Ég átti í erfiðleikum með að
komast upp og komst reyndar aldrei
alveg upp. Ég hélt mér efst I sandhrúg-
una rétt hjá hinni stelpunni, en hún
gerði ekkert til að hjálpa mér upp. Svo
fórégað hugsa um hvað myndi koma
fyrir ef við dyttum niður. Mér fannst
nú ólíklegt að hún dytti, en ef það
kæmi fyrir myndi hún slasast mikið.
Annað var með mig, éggat dottið
hvenær sem var, en það yrði allt í lagi,
Mig
dreymdi
því ég myndi lenda á öruggum og
traustum fótunum.
Draumurinn var ekki lengri og
vonast ég eftir ráðningu, því mér
finnst að hann hljóti að þýða eitthvað
sérstakt.
Diddó.
Lífsbaráttan reynist þér á stundum
óblíð og þú þarft ýmislegt á þig að
leggja til að ná settu marki. Líklega
mun þér á stundum finnast að þú fáir
lítil laun fyrir atorkusemina, en láttu
samt ekki hugfallast, því þá er meira
tapað en áunnist hefur. Það má því
segja um þig og þína lífsgöngu að
gamla orðtakið „kemst þótt hægt fari”
sé enn í fullu gildi.
Skilaði hringnum
aftur
Sæll, kœri draumráðandi!
Síðastliðna nótt dreymdi mig eftir-
farandi draum: Mérfannst ég vera I
sjoppunni hérna í hverflnu með konu
sem ég þekki og dóttur hennar. Við
vorum að skoða hring. Hann var
sléttur úr silfri með rauðum steini. Ég
hélt að hún væri að kaupa hann
handa mér og set hann á mig. Hann
passaði alveg en var þó dálítið þröng-
ur. Ég kyssi konuna og segi takk. Svo
förum við úr þessari búð og þar er
maður konunnar. Konan segir eitthvað
við manninn og þá er mér Ijóst að hún
ætlaði ekki að kaupa hringinn,
allavega ekki handa mér. Við löbbum
smá stund og ég sný mér í hringi af
ánægju. Þegar við erum komin smá
spöl tek ég af mér hringinn og læt
konuna fá hann. Hún leit á mig og
sagði forviða: „Ætlarðu ekki að eiga .
hann?” „Ég var bara að grínast, ”segi
ég. Konan hlær og er mjög ánægð. Eg
man að einhvern tíma í draumnum,
annaðhvort áður en þetta gerðist eða
eftir, dreymdi mig að ég var inni,
heima og mamma segir: „Farðu út í
hraun og flnndu hellinn. ” Ég fylltist
skelflngu. „Hellinn, eru kóngulær
þar?” spyr ég. Mamma sagðist ekki
vita það. Eg sá fyrir mér fullt af pödd-
um. Eg fann fljótt hellinn og varð ekki
vör við neinar kóngulær. Fleira man
ég ekki úr þessum draumi. Eg vona að
þú ráðir þennan draum fyrir mig, en
ég hef sent áður og ekkert svar fengið.
Fyrirfram þökk,
Andrea.
Samband þitt við góða vinkonu bíður
einhyern skaða vegna afskipta annarra.
Hafðu hugfast að í vináttu skiptir
hreinskilni miklu máli og þér my'ndi
farnast betur, ef þú gættir ýtrustu var-
kárni í samskiptum við eldri kynslóð-
ina. Fjárhagserfiðleikar geta átt það til
að setja strik í reikninginn varðandi
ákveðnar áætlanir, en það mun ekki
verða þér til neins tjóns þegar á heild-
ina er litið.
Breið sprunga
Kæri draumráðandi!
Viltu vera svo góður að ráða fyrir
mig draum sem mig dreymdi í vetur.
Þannig er mál með vexti að foreldrar
mínir búa í félagsbúi uppi í sveit, með
föðurbróður mínum. í þessari sambúð
hefur gengið á ýmsu. Astæðan fyrir
því að ég er að segja þér þetta er að ég
held að þú verðir að vita þetta til að
ráða drauminn (pabbi og bróðir hans
búa I parhúsi). Mér fannst koma
óskaplegur jarðskjálfti sem hristi húsið
ógurlega en síðan datt allt í dúnalogn.
Þegar var farið að athuga skemmdir
kom I Ijós að breið sprunga aðskildi
íbúðirnar og í eldhúsinu okkar megin
var smá sprunga. Allir furðuðu sig á
að skemmdirnar skyldu ekki verða
meiri en allir voru glaðir og mér leið
mjög vel.
Tobba.
Övæntir atburðir innan fjölskyldunnar
verða þess valdandi að lífsform ykkar
taka nýja og óvænta stefnu. Þarna
þarf þó ekki að vera um neikvæða at-
burði að ræða og sennilega lítið tengt
sambandi innan félagsbúsins.
34 Vikan 35. tbl.