Vikan - 06.09.1979, Blaðsíða 22

hljómsveit og ég söng með þeim um helgar.
Þetta voru auðvitað ekki nægar tekjur, þvi
hjónaband mitt var á þessum tíma farið út
um þúfur. En svo var ég fastráðin sem
söngkona á Hotel Viking í Oslo og þar söng
ég i hálft ár. Þá var mig farið að langa til að
sjá meira af landinu svo ég brá mér á flakk.
Það má eiginlega segja að ég hafi unnið
fyrir mér með röddinni alla Ieið norður til
Hammerfest!
Eftir að ég var búin að vera í Noregi I eitt
og hálft ár barst mér tilboð að heiman um
að syngja í Glaumbæ. Mig var farið að
lengja eftir að sjá fjölskylduna og tók því
þessu boði. En þá var útþráin komin í
blóðið og eftir nokkra mánuði í Glaumbæ
fór ég aftur til Noregs og hélt áfram að
ferðast.
Ég kynntist seinni manninum mínum í
Porsgrqnn og þar sannaðist best að maður
skyldi aldrei segja aldrei, ég var alveg
ákveðin í að gifta mig aldrei aftur en samt
æxlaðist það svo að við gengum í hjóna-
band 1962. Við bjuggum tvö ár á íslandi og
ég söng á því tímabili í Þjóðleikhúskjallar-
anum.
„Þafl *r 6naitanlaga gaman að koma aftur á
fomar slóðir þó margt só breytt," sagði Sigrún
sem sór ekki eftir að hafa skipt 6 söng og
búsýslu*.
Héðan fluttum við til Tönsberg, heima-
bæjar mannsins míns og þar bý ég enn þó
við séum skilin. Eftir að við komum til
Tönsberg varð ég að taka þá stóru
ákvörðun hvort ég vildi halda flökkulífinu
áfram eða helga mig heimilinu. Ég valdi
það síðarnefnda og hef aldrei séð eftir því.
Auðvitað hélt ég samt áfram að taka smá-
aríur heima og oft fann ég til dálítils
saknaðar ef ég heyrði eitthvað af gömlu
lögunum sem ég var vön að syngja.
Mér hefur liðið vel i Noregi. Samt finnst
mér Norðmenn um margt ólíkir íslend-
ingum, þeir eru t.d. ekki jafnhlýlegir í
viðmóti. Nema fólkið í Norður-Noregi, það
mundi glatt gefa síðasta bitann á heimilinu
gestum og gangandi. En auðvitað er alltaf
jafngaman að koma heim og hitta vini og
ættingja.
Og Sigrún gerist óróleg, hún er einmitt
að verða of sein á stefnumót við eina af
sínum bestu vinkonum, öskubuskuna
Margréti Hjartardóttur.
JÞ
Ljósmyndir: Jim Smart
22 Vikan 36. tbl.