Vikan - 06.09.1979, Qupperneq 31

Vikan birtir í dag opnuveggspjald af
hljómsveitinni Prúða sveitin, sem gert
hefur garðinn frægan um nánast allan
heim og nú síðast sem „húsband” í
sjónvarpsþáttunum um Prúðu leikar-
ana.
„Þetta er gott „band”, drengur, þetta er
gott „band” — það er „fílingur” i þessu
liði,” sagðir dr. Tönn hljómsveitarstjóri í
stuttu spjalli við Vikuna fyrir skömmu.
Dr. Tönn hefur heitið dr. Tönn síðan
hann lenti í slagsmálum eftir dansleik
fyrir vestan fyrir mörgum árum og ein
tönnin var slegin úr honum. Sumir
segja, að það sé líka af þvi, að hann lauk
aldrei námi í Tannlæknadeild Háskól-
ans.
Dr. Tönn hefur spilað í ýmsum hljóm-
sveitum og þá alltaf á hljómborð eins og
nú. Hann á að baki sér a.m.k. tvær
stórar plötur, sem selst hafa í milljóna-
upplögum um heim allan.
Trommuleikari hljómsveitarinnar
heitir Dýri, en þeir dr. Tönn og Dýri
kynntust í Háskólanum þegar Dýri var
við nám i dýralækningum. Hann lauk
ekki námi, en vann fyrir sér með
trommuleik í alls kyns tríóum á „smá-
giggum” áður en þeir dr. Tönn og hann
sneru sér að því að finna fólk í Prúðu
sveitina. Dýrir hefur alltaf þótt dálítið
þungur trommari er mikið fyrir alls kyns
„breik” og á það til að vera með
„sólóstæla”.
Söngkonan og gítarleikari hljóm-
sveitarinnar er Jóna. Hún er í söngskóla
og hyggur á lengra nám í klassískum
söng en vinnur fyrir sér með spila-
mennsku og söng í Prúðu sveitinni.
Sóti, en svo heitir blásari sveitarinnar,
heitir það af því að honum er illa við
að þvo sér. Hann er svolítið fyrir utan
það, sem er að gerast venjulega, enda er
hans uppáhaldsmáltæki „þvæ mér
aðeinsumjól ogá 17. júní”.
Síðastur, en ekki sístur, er bassaleik-
arinn Flosi. Hann var skírður Flosi og
þess vegna heitir hann því nafni.
Það er Svínka, stelpan sem er með
Kermit, sem syngur með þeim á
myndinni. -HP.
36. tbl. Vikan 31