Vikan - 20.09.1979, Blaðsíða 44

Æ, æ, hún smellti af of
snemma!
Píreygð í skugga
Ijósmyndarans
Margar myndavélar eru
þannig útbúnar, að með því að
stilla tímastilli smellir mynda-
vélin af eftir ákveðinn tíma. —
Þetta fyrirkomulag er ákaflega
þægilegt, sérstaklega í tilviki eins
og okkar. Við þetta sparast
ómakið við að finna sérstakan
ljósmyndara og þegar um lítil
börn er að ræða hafa ókunnir
oft truflandi áhrif frekar en hitt.
Eins leysir þetta víðkunnan
vanda þeirra sem alltaf taka allar
myndir af fjölskyldunni og
komast sjálfir aldrei i albúmið.
Ekki er hægt að kvarta undan
því, að myndin okkar, sem tekin
var með tímastilli, sé stíf og
uppstillt! Það sem gerðist er
sennilega algengasta vandamál
þeirra er reynt hafa ljósmyndun
af þessu tagi. Tíminn var of
naumur, og ljósmyndarinn náði
ekki að koma sér fyrir, áður en
myndavélin smellti af. Stúlkurn-
ar eru báðar með allan hugann
við að fylgjast með föður sínum í
kapphlaupi við timann og Elvar
litli skemmtir sér konunglega yfír
tilburðunum.
Þegar þessari tækni er beitt
úti í náttúrunni, hefur það
komið fyrir að vindurinn eða
önnur hreyfing hefur hreyft
myndavélina og breytt þar með
sjónarhorni því, er Ijósmynd-
arinn var búinn að ákveða að
taka mynd af. Því ríkir alltaf
nokkur óvissa um árangur
slíkrar myndatöku, þar til
myndin kemur úr framköllun.
— Það getur líka komið sér vel
að hafa hlutlausan aðila bak við
myndavélina, sem segir til um
svipbrigði og aðra þætti sem
gera myndina góða í heild.
Þessa mynd tók nágranni fjöl-
skyldunnar á Kodak K 6. Aðal-
kostur þeirrar myndavélar er sá,
að myndirnar koma tilbúnar úr
vélinni eftir aðeins nokkurra
sekúndna bið. Þykir mörgum
óþolinmóðum ljósmyndaranum
það mikill kostur að þurfa ekki
að bíða í heila viku eftir árangr-
inum.
Þessar myndir eru þó frekar
stundargaman en minning um
skemmtilegan atburð, þvi fyrir
utan að litirnir vilja dofna með
timanum, þá er útilokað að
panta fleiri eintök ef myndin
glatast eða ef fleiri eintök
vantar, þar sem engin filma er
fyrir hendi. — Það rýrir þó ekki
ánægjuna þegar t.d. sjaldséður
gestur kemur i heimsókn og
hægt er að leysa hann út með
mynd af sjálfum sér og gest-
gjöfunum. Þar fyrir utan getur
oft komið sér vel að eiga mynda-
vél sem þessa, t.d. ef skyndilega
vantar mynd, en slíkt getur oft
komið fyrir.
Ef við snúum okkur að
ljósmyndinni sjálfri, þá sjáum
við ýmis atriði, sem betur hefðu
mátt fara. I fyrsta lagi hefur
ljósmyndarinn ekki áttað sig á
því að beina augum fjölskyld-
unnar frá sólu og píra þau því
augun sem mest þau mega.
Ennfremur áttar ljósmyndarinn
sig ekki á því, að skugginn af
honum nær langa leið inn á
myndina, og er það til mikillar
óprýði. — Einnig hefði farið
betur að láta Bryndísi Björk sitja
við hlið móður sinnar, því eins
og á myndinni sést, skyggir hún
óþarflega mikið á hana.
44 Vlkan 38. tbl.