Vikan - 04.10.1979, Blaðsíða 62

¥
POSTURIM
Hrein mey með
lekanda
Elsku Póstur!
Ég hef oft skrifaö þér áður
og fengiö góð svör, og ég vona
að það verði eins núna.
Er hægt að fá lekanda án
þess að hafa samfarir við strák?
Ég er svo hrædd um að ég sé
með lekanda, en ég er hrein
mey. Hvernig lýsir lekandi sér?
Er hættulegt að byrja ung að
taka pilluna?
Svaraðu mér strax því mér
liggur svo á að fá svar.
006
Lekandi er algengastur kynsjúk-
dóma hérlendis og smitast nær
eingöngu við samfarir.
Gonokokkasýklar valda
leikanda og einkenni hjá konum
eru yfirleitt mjög væg og
stundum engin. Það er varla um
það að ræða að þú hafir sýkst af
lekanda, ef þú ert hrein mey.
Svipuð einkenni og komið geta
fram við lekandasýkingu (aukin
útferð og sviði við þvaglát) geta
komið af ýmsum öðrum
orsökum. Annars ber að geta
þess að Pósturinn getur ekki
læknað fólk eða sjúkdómsgreint í
gegnum bréfadálk og því sjálf-
sagt að leita læknis til að fá úr
því skorið, hvort viðkomandi
þarf læknismerðferðar við.
Ákveðið aldurstakmark í
sambandi við inntöku pillunnar
KVIKMYNDALEIGA
Kvikmyndafilmur og vélar til leigu.
SÍMI77520:
er ekki til, en þó er talið að
viðkomandi þurfi að hafa haft
reglulegar tíðir í tvö ár. Einnig er
læknisrannsókn nauðsynleg
áður en byrjað er á notkun
pillunnar. Til dæmis er konum
með sykursýki og nokkra aðra
sjúkdóma eindregið ráðið frá því
að taka hana. Taka pillunnar
getur haft áhrif á efnabreytingar
líkamans og aukið hættuna á
blóðtappa og hækkun á blóð-
þrýstingi. Allar upplýsingar
samfara notkun pillunnar áttu
að fá hjá lækninum og þú þarft
ekki að veigra þér við að leita
læknis, þegar spurningar sem
þessar vakna. Þeir eru bundnir
þagnarheiti og ef þér er í mun að
halda því leyndu, sem ykkur fer
á milli, ætti ekki neitt að vera
því til fyrirstöðu.
Pennavina-
klúbbur í Kóreu
Hæ!
Ég heiti Guðmundur Þorvarðs
son, til heimilis að Suðurgötu
77, Hafnarftrði. Mig langar til
að biðja ykkur að birta smá
grein í blaði ykkar. Málið er
það að í gegnum danskt tímarit
komst ég i samband við
kóreskan pennavinaklúbb. Þessi
klúbbur skrifaði mér fyrir
stuttu og báðu þeir mig um að
fá hér birta í blöðum
tilkynningu frá þeim þess efnis
að í Kóreu væri mikill áhugi á
að eignast íslenska pennavini,
og er það aðallega skólafólk. Ef
fólk hefur áhuga vinsamlegast
skriftð til:
Clover Friendship Society,
K.P.O. Box 141,
Seoul 110,
Korea.
Við þökkum ábendinguna og ef
fleiri vita heimilisföng penna-
vinaklúbba um allan heim væru
slíkar upplýsingar vel þegnar.
Á ég að verða
nunna, eða . ..
Virðulegi Póstur!
Ég á við eins konar vand'a-
mál að stríða. Og mig langar að
verða nunna. Það er afleiðing
af þvi hvernig þjóðfélagið er i
dag. Ég er 23 ára og ég bið þig
að halda nafni mínu leyndu frá
spundum augum neytenda
þessa barbíska neytendafélags
vors. Ég er á spítala og mœti
einungis góðum augum, eyrum
og talsmáta. Ég hef ekkert út á
spitalann að setja. Hvað á ég
að gera?
P.S. Ég er saklaus en meinið er
þjóðfélagið. Er á deild 3
Kleppsspítala.
Áður en þú tekur endanlega
ákvörðun um að verða nunna
ættir þú að hugsa þig mjög vel
um og ráðfæra þig við starfsfólk
á deildinni, sem þú segir sjálf að
reynist þér vel. Á slíkum stöðum
er yfirleitt starfsfólk, sem hefur
bæði áhuga á að hjálpa þér og
örugglega skilning á vanda
málum þinum. Þú hefur eflaust
gert þér grein fyrir að það sem
fólki virðist vandamál einn
daginn getur verið auðleyst
þann næsta. Því eiga menn ekki
að taka ákvarðanir sem þessa
nema að vel athuguðu máli og
þú skalt eindregið leita ráða hjá
þeim sem joér eru næstir og
þekkja þig best.
Þú ert meiri auminginn, sefur á
brúökaupsnóttina.
Það er litið að gera í kvöld. Segöu
dyravöröunum að byrja að kasta
fólki inn!
62 Vikan 40. tbl.