Vikan - 18.10.1979, Blaðsíða 8

Á Bretlandi, aftur á móti, hefur fisk-
flokkun tíðkast lengi og sem dæmi get ég
nefnt að þegar vél minni var komið fyrir
þar í landi var 6 konum sagt upp störfum.
Þær höfðu unnið við fiskflokkun. Ég hef
farið með vélina á nokkrar vörusýningar og
hefur henni undantekningarlaust verið
sýndur mikill áhugi. T.d. komu að máli við
mig menn frá ísrael og Indlandi og vildu fá
mig til að hanna sams konar vél fyrir
agúrkur og banana. Slík vél myndi ganga á
sama „prinsippinif nema hvað í stað þess að
flokka fisk myndi hún flokka agúrkur og
banana. Þörfin er til staðar. Svo hef ég
heyrt að pylsugerðarmenn séu farnir að
hugsa sinn gang, mismunandi stórar pylsur
geta líka verið vandamál og hvers vegna
ekki að láta vél um þá flokkun? (Hlær).
Sem sagt, þessi vél mín flokkar fiska eftir
stærð og sú staðreynd að éf er búsettur í
sjávarplássi olli því að ég fann upp fisk-
flokkunarvél en ekki einhverja aðra.”
Langskóli og áhugi
Uppfinningamanninum í Eyjum er ekki
fisjað saman. Þrátt fyrir skólagönguleysi
sitt er hann fær um að byggja tölvur upp
frá grunni. Hráefnið kaupir hann að utan
og svo er bara að setja saman. Hvernig fer
hann að þessu?
„Ég prófa mig áfram og reyni eftir bestu
getu að fylgjast með öllum nýjungum í
tölvumálum. Þróunin á þessu sviði hefur
verið svo hröð hin síðari ár að langskóla-
genginn maður í faginu, sem ekki fylgist
með frá degi til dags, stendur ekkert betur
að vígi en áhugamaðurinn sem er með á
nótunum. Ég hef að undanförnu verið með
tvo rafmagnsverkfræðinga í vinnu og hafa
þeir unnið undir stjórn minni.”
En lítum nú ögn nánar á afrekaskrá
Halldórs uppfinningamanns. Flestir
kannast við hin svokölluðu sjónvarpsspil,
en slíkt spil fann Halldór upp á undan
öðrum mönnum hér í heimi en fjárskortur
kom í veg fyrir að hann kæmi því í fjölda-
framleiðslu. Skömmu síðar komu á
markaðinn áþekk spil, að vísu tæknilega
einfaldari enda er þróunin á tölvusviðinu
afskaplega hröð eins og Halldór er alltaf að
taka fram, og þar með var sá draumur
Eyjabúans unga úr sögunni. Önnur
uppfinning Halldórs var kassi sem notaður
var í það minnsta í 2 menntaskólum við
8 Vikan 42. tbl.