Vikan - 08.11.1979, Blaðsíða 47
Undir
Afríkuhimni
augabrúninni. „Er eitthvaö að honum
andlega?"
Claire brosti. „Hann hefur ekki
beinlinis sýnt sínar bestu hliðar, er það?"
Hún stóð upp, tók ketilinn og gekk með
hann að vaskinum sem stóð i einu
horninu.
„Það sem mig langar mest í núna er
te. Vilt þú líka?”
„Ensk fram í fingurgóma.” Bruce
hristi höfuðið sorgmæddur og glettinn i
senn. „Nei, takk, ekki i þessum hita. Ég
fæ mér sitrónusafa." Hann gekk að is-
skápnum og tók fram flösku. „Hann
virðist ekki likjast hinum fræga bróður
sinum mikið. Mér finnst hann nú hálf
skritinn.”
Claire hikaði. Hún þreifaði hugsandi
á brúnni leirtekönnunni. „Ég veit það
nú ekki. Hann hefur sömu röddina —
hún er dásamleg. Ég sá bróður hans einu
sinni, hann lék Hamlet. Marcia .Stone
lék auðvitað á móti honum. Var það
ekki hræðilegt? Ég á við slysið þegar hún
lét lifið. Lastu ekki um það?”
„Mmmmm? John Kendrik? Jæja? Ég
hef nú aldrei séð hann sjálfur. Ég hef
aðeins komið einu sinni til Bretlands á
ævi minni, ef því er að skipta.” Eins og
aðrir Suður-Afríkubúar talaði hann
alltaf um Bretland. „Er hann eins góður
og af er látið?”
„Betri,” svaraði Claire hrifin. „Ég
mun aldrei gleyma honum. Og röddin!
Hljómburðurinn var frábær. Það fór
hrollur um mig. Noel Kendrik hefur ná-
kvæmlega eins rödd — þetta hlýtur að
vera eitthvað i ættinni. Ég var einmitt
að velta þvi fyrir mér hvers vegna mér
fannst ég kannast svona við röddina.”
„Jæja, en farðu nú ekki að falla fyrir
þessum smápeyja bara vegna raddarinn-
ar, annars verð ég að taka til minna
ráða."
Claire hló um leið og hún hellti upp á
teið. „Skammastu þin, Bruce,” sagði
hún. „Hann er alls ekki svo litill. Hann
er hærri en ég. Örlítið.” Hún andvarpaði
um leið og hún lagði tebollann á borðið,
setti hönd undir kinn og starði út i
bláinn. „Hugsa sér að það skuli vera
liðin fimm ár, siðan ég sá almennilegt
leikrit.”
Bruce tók fram auglýsingaplakat und-
an borðinu og breiddi úr því. „Vertu
ekki ókurteis,” sagði hann. „Hvað sýnist
þér þetta vera?”
Claire skoðaði auglýsinguna, þar sem
á var letrað stórum svörtum stöfum að
Makelileikflokkurinn hygðist sýna
Beöiö eftir Godot. Hún gretti sig um leið
og hún tók til orða. „Þetta er nú ekki
alveg það sama, eða hvað? Áhugaleik-
flokkur?”
„Fay Hallet er forstöðumaður
leikflokksins og hún er fædd Kendrik.
Hvað viltu hafa það betra? spurði Bruce
stríðnislega. Hann notaði þennan tón
oft, þegar honum þótti hún vera sérlega
niðurdregin. Hann var óneitanlega
skemmtilegur náungi og Claire varð oft
hugsað til þess hvað hann sæi við hana.
„Fay er engin leikkona,” sagði hún.
„Auðvitaðekki,” svaraði Bruce. „Þeir
bættu henni bara við svo að þeir fengju
smáljóma af frægu nafni frá Bretlandi.”
„Fay er alveg ágæt." sagði Claire.
„Hún veit að hún getur ekki leikið, og
hana langar ekki einu sinni til þess; og
þó tekur hún að sér alla þessa auka-
vinnu. Ef hún er ekki forstöðumaður, þá
er hún í fatageymslunni, eins og hún
ætti sér enga ósk heitari en þá að
tilheyra leikflokknum."
Bruce sleppti auglýsingunni.
Síðan tók hann pappirshringinn utan af
henni, bar hana upp að auganu og kíkti i
gegnum hana út yfir rykugan bak-
garðinn. „Já. Hún er fyrsta flokks.
Leysir úr öilum þeirra vandamálum og
kemur á sáttum, eins og þau væru hópur
af erfiðum börnum.”
„Það er verst að hún og Henry skuli
ekki eiga nein börn,” sagði Claire. Eins
og ég, hugsaði hún með sjálfri sér. Eins
og Dermott og ég. Ég er næstum tuttugu
og sjö ára. Ég ætti að flýta mér að giftast
Bruce áður en ég verð of gömul. Því að
auðvitað sá ég ekki Dermott. Ég
imyndaði mér þetta bara. Eða kannski
var það hitinn.
„Jæja, en hún ætti að fá útrás fyrir
móðurtilfinningar sínar nú þegar bróðir
hennar er hér. Ég á við Noel." Bruce ýtti
stólnum aftur á sinn stað og gekk að
dyrunum sem lágu að versluninni.
Hann hristi smápeningana i vösum sér
og starði hugsandi inn í myrkrið.
„Fay ól þá víst upp að mestu leyti,
allavega John. Hún hefur aldrei minnst
á hinn áður. Sennilega vegna þess að
hann var svo viðkvæmur sem barn.
Hafði hann ekki asma?” Claire stóð upp
og lagði bollann í vaskinn.
„Bruce?”
„Mmmm?” Hann sneri sér að henni.
„Hvaðvildi hann?”
„Áttu við hvað hann vildi kaupa? Ég
veit það ekki. Ég fór bara beint í gegn.
„Brucc”.
„Já?” Hann kom henni til hjálpar við
að ganga frá tekönnunni. Síðan lagði
hann hendurnar á axlir hennar. „Hvers
vegna tókstu þá ákvörðun að vera hér
áfram? Ég á við eftir að Dermott dó. Ég
er feginn að þú gerðir það — en hvers
vegna?”
„Ég veit það ekki. Nema kannski af
þvi að það var enginn eftir í Englandi
sem ég gat snúið mér að.” Claire hikaði.
„Ruth hefur áreiðanlega sagt þér frá
þessari svokölluðu sex vikna heimsókn
minni. Pabbi var nýdáinn og hún bauð
mér að koma og njóta sólarinnar. Þá
skrifaði ég greinina — fyrst um fyrstu
áhrif Afríku og allt það — sem Makelia
Times keypti. Þeir réðu mig síðan til sin
og þá hitti ég Dermott. Hitt veistu.”
„Já, ég veit það.” Claire fann fingur
Bruces færast eirðarleysislega um bak
sitt. Hann hataði það þegar hún talaði
um Dermott. „Svo að þú vildir halda þig
í nágrenni við Ruth, Sam og börnin. Ég
get vel skilið það,” sagði hann.
Augnablik leið áður en Claire tók til
máls; „Bruce, það skeði dálítið einkenni-
legt núna áðan, ég hélt —”
„Hvenær? Hvað skeði?”
„Það var rétt áður en ég kom hingað
inn. Það — ég — fnér brá svo að ég varð
aðhitta þig."
..Brá þér?" Hann glenmi upp augun.
„Ekki þó slys? Elskan min. Hvar
varstu?”
„Á horninu við Kandah — stór-
verslunina. Ég hélt að ég sæi Dermott.”
Nú var hún loksins búin að koma þessu
út úr sér. En hve það hljómaði undar-
lega!
Ódýr gæðadekk- úrvals snjómynztur
mjög hagstætt verð
MOHAWK
G78X15 28.000
700X15 34.000
Supcr snjóiny i/ ur B78X 14(600X12) 22.200
B78X 14(175X14) (Volvo) 21.200
C78X 14(695X 14) 25.500
GR78X14 30.400
G60X14 33.800
BR78X 15(560X15)
(600X15) 21.800
F78X 15(710X15) 22.300
FR78X15 27.600
(ÍR78X15 31.200
HR78X 15(700X15) (Jcppa) 31.900
I.R78X 15 (750X15) (Jcppa) 34.500
I2X 15(Bush Track) 66.800
125 X 12 mcð nöglum 18.000
520X10 Yokohama 13.600
•Michclin
205 X 16 Michdin (Rangc Rmcr)
Flcstar sta rðir sólaðra hjólharða
SAMYANG
600X12 17.900
615X13 18.400
560X13 18.700
560X13 18.700
600X13 20.050
645X13 21.400
640X13 23.350
695X14 27.800
Sendum gegn póstkröfu
um land allt
Gúmmívinnustofan
45. tbl. Vlkan 47