Vikan - 15.11.1979, Blaðsíða 10

fullnægja settum reglum. Það mátti raunar
til sanns vegar færa því að auðvitað var
kona sem sótti um fóstureyðingu þunglynd
vegna ástands síns.
— Tala fóstureyðinga er mun lægri hér
en á hinum Norðurlöndunum enda erum
við eins og áður er nefnt mjög langt komin
í því að koma í veg fyrir að börn fæðist án
þess að óskað sé eftir þeim. Því hefur verið
haldið fram að íslenskar konur hafi i
stórum stíl leitað til útlanda til að fá fóstur-
eyðingu. Það er ekki rétt. Skýrslur sem
borist hafa frá Bretlandi, en þangað hefur
helst verið leitað til slíkra aðgerða, sýna að
fjöldinn frá íslandi var aðeins um 10-15
konur á ári. Og ástæðan fyrir því að konur
hafa leitað út fyrir landsteinana í þessu
skyni er fremur sú að þær hafa viljað
komast hjá því að komast á skrá hér heima
en að þeim hafi verið neitað um fóstur-
eyðingu hér á landi.
Þróunin stef nir til fólks-
fækkunar
— Eins og töflur sýna fer fæðingum ört
fækkandi hér á íslandi eins og meðal
annarra vestrænna þjóða. Að vísu er um
nokkra aukningu að ræða nú í ár á
nokkrum stærstu fæðingarstofnunum t en
þær tölur ber að umgangast með ýtrustu
varkárni. Þær þýða nefnilega alls ekki að
þróunin sé neitt að breytast og fæðingum
eigi eftir að fjölga yfirleitt. Þvert á móti. í
fyrsta lagi bera að líta á það að um leið og
fæðingum fjölgar á stærri stöðum fækkar
þeim á minni stöðunum úti á landi því það
verður æ algengara að þau tilfelli, þar sem
eitthvað bendir til að um erfiða fæðingu
verði að ræða, séu send á stærri sjúkra-
húsin sem hafa fullkomnari útbúnað til að
annast þau.
— Annað sem verður að benda á er sú
staðreynd að óvenjumörg börn fæddust
hér á áratugnum ’50-’60 og það eru einmitt
þessir árgangar sem eru nú að komast á sitt
blómaskeið hvað barneignir snertir. Árið
1964 fer fæðingum svo aftur fækkandi og
sl. áratug hafa fæðst allt að 1000 börnum
færra á ári hverju miðað við áratuginn ’50-
’60. Þetta þýðir í rauninni að stúlkur 15 ára
og yngri eru 400-500 færri í hverjum
árgangi en áður og þegar þær komast á sitt
barneignaskeið hlýtur fæðingum á landinu
að fækka sem þvi nemur.
— Tölur sýna að flestar íslenskar konur
fæða börn sín á aldrinum 19-29 ára og það
er algjör misskilningur að fjöldi fæðinga
hjá stúlkum 16 ára og yngri hafi nokkuð
aukist á síðasta áratug þrátt fyrir stóraukið
frelsi í kynferðismálum. Þeim hefur þvert á
móti heldur fækkað. En svo langt sem
skýrslur herma hafa ávallt verið nokkrar
mæður í þessum aldurshópi hér á landi.
Verðandi mæður um fertugt
— Því hefur lika verið fleygt í blaða-
skrifum að hættan á því að 35 ára konur og
eldri fæði börn með litningagalla stór-
aukist. Þetta eru stór orð, því munurinn er i
sannleika lítill. Af hverjum 1000 konum,
sem fæða börn eftir þennan aldur, kemur
aðeins oftar fyrir að þær eignist þannig
gölluð börn en yngri hópurinn. Áður fyrr
var konum ráðlagt að takmarka barneignir
sínar eftir þennan aldur en það var af allt
öðrum ástæðum. Þá eignuðust þær svo
miklu fleiri börn. Þegar þær fóru t.d. að ala
sitt 9. eða 10. barn varð að taka tillit til
nýrra viðhorfa eins og aukinni hættu á leg-
bresti, meiri blæðingarhættu, slæmum
samdrætti í legi við fæðingu o.s.frv. Þá
verður sem sagt töluverð aukning á slíkum
ÍO Vikan46. CbL